للأمهات فقط..... شنو توحمتي عليه أثناء الحمل...؟؟؟؟؟؟

[جكورة]

شخباركم ياأمهات الموضوع مبين من عنوانه شنو توحمتوا عليه أثناء الحمل؟؟؟؟؟
أنا سمعت أشياء غريبه اللي توحمت تأكل تراب واللي تحب ريحة السجاير وووووو....
يلا ببدأ أنا في حملي بولدي ماتوحمت بشئ بصراحه...حشا ماكو احساس..
أما ببنت توحمت على كرز وطلبته من زوجي الفجر وراح كل الجمعيات مالقى جان يجيبلي فراوله شكو يقولي أقرب شئ للكرز هو الفراوله صج ماعنده سالفه يعني مرقعها.. يلا أنتظر مواقفكم...

 

[أغلى حبيبه]

مشاركة: للأمهات فقط..... شنو توحمتي عليه أثناء الحمل...؟؟؟؟؟؟

جكوره جنج تحشين فيني هااااااااااااااا

شوفي انا بعيالي احب اشم ريحة الزقاير وبما انه ريلي مايدخن اقوله روح عند اخوك خله يشرب وتلزق الريحه بملابسه وانا اشمم الريحه


واحب اكل تراب البحر المالح

واحب التوت

واول 3 اشهور مااحب ريحة ريلي ولا عطوراته

ولا احب اطبخ طووووووووووووووووووول الحمال مااحب ريحة الاكل بشقتي
مفتكه من الطباخ

 

[جكورة]

مشاركة: للأمهات فقط..... شنو توحمتي عليه أثناء الحمل...؟؟؟؟؟؟

الله يعينج ويعين زوجج .. ريحة الزقاير أوكي نعديها.. بس سالفة تراب البحر المالح مو جنها قويه شوووي؟؟ شلووون موحلو طعمه ..على العموم الله يعين كل أم وننتظر البقيه.. جان هذي أولها الله يستر من تاليها ههههههههههههههههه... مو تزعلين ترا أتغشمر...

 

[Raveena]

مشاركة: للأمهات فقط..... شنو توحمتي عليه أثناء الحمل...؟؟؟؟؟؟

لوووووووووول


ههههه تراب البحر و ريحة الزقاير هههههه


انا ما كنت اواطن زوجي و خصوصا ريحة الزقاير


كنت اتوحم بأفندي هههه و مرة كنت مشتهية جباتي نص الليل لوووول بس زوجي طنشني و قال من وين اييب لج جباتي بالوقت

 

[جكورة]

مشاركة: للأمهات فقط..... شنو توحمتي عليه أثناء الحمل...؟؟؟؟؟؟

رافييينا الله يهداج عاد مالقيتي الا جباتي.؟ توحمي على شئ يسوا ههههههههههههههه..
مشكوره على المرور وننتظر البقيه...

 

[أغلى حبيبه]

مشاركة: للأمهات فقط..... شنو توحمتي عليه أثناء الحمل...؟؟؟؟؟؟

جكوره عاد مااكل وايد تراب بس جذي بصبعي شويه عن خاطري

شسوي اخاف يطلع بعيالي خخخخخخخخخخخخخخخخخخخخ

رافيين اول مره ادري انج متزوجه حسبالي توج صغيره

تنسيتي على الجباتي جان عينتي ماي ودحين وسويتيلج ولا يصير بخاطرج

 

[الكرملين]

مشاركة: للأمهات فقط..... شنو توحمتي عليه أثناء الحمل...؟؟؟؟؟؟

انا بولدي توحمت على الزيتون وبناتي الثنتين مكدوس باذنجان اكله ليل نهار ليما شب الحارج
بجبدي لاتضحكون علي خخخخخخخخ

 

[* LOVE STORY *]

مشاركة: للأمهات فقط..... شنو توحمتي عليه أثناء الحمل...؟؟؟؟؟؟

توحمت بريحة الباااااااااااانزييييييين !

كل مامريت على محطة بانزين قلت للسايق روح صب بانزين قال مدام بانزين فل

ومره ماقاومت وقفت السايق غصب وقلتله بابا يبي ايي الحين ياخذني

ولما شبعت قلت خلاص امش بابا عنده شغل

بس اللي يضيق الخلق اني كرهت ريحة ريلي وبيتي وبيت حمولتي وبيت اهلي

وقضيت اول3 شهور مابين المستشفى والشاليه

هذا الحمال الأول

الله يستر من الثاني

 

[أمواج البحر]

مشاركة: للأمهات فقط..... شنو توحمتي عليه أثناء الحمل...؟؟؟؟؟؟

انا مرة تنسيت بتفاح اخضر

ومرة تنسيت بكنار وماكان وقته مسكين ريلي كان يفتر من جمعية لي جمعية

واااخر شي ما لقى وطلع بولدي

ومرة تنسيت بالكرز

وبعد شنو....

اذا تذكرت ييت وقلت لج

 

[جوريه]

مشاركة: للأمهات فقط..... شنو توحمتي عليه أثناء الحمل...؟؟؟؟؟؟

انا تنسيت بفلفل هلابينو مال الناتشوووز السينما كان توه هابين فيه
طحتتتتتتتت فيه طييييييييييييح لو مو عاجبنا الفلم بس ندخل علشان اكله

 

[ناني سيكرتس]

مشاركة: للأمهات فقط..... شنو توحمتي عليه أثناء الحمل...؟؟؟؟؟؟

ياحليكم يابنات عيل انا نساتي يت متاخره شوي في حملتي الثانيه من دخلت الشهر الخامس ليما الشهر الثامن وانا اشتهي اكل طباشير لا ومو اي طباشير ابي طبشيره بيضا ومو مكسوره يعني على عدالها بس للاسف ما كليت الطباشير لاني خفت عالياهل لا يصير فيه شي بس للاسف يل ليتني اكلته لان ولدي طلع ملون يعني كل صوب في جسمه لونه غير.

 

[فلسطين حرة]

مشاركة: للأمهات فقط..... شنو توحمتي عليه أثناء الحمل...؟؟؟؟؟؟

انا توحمت على البطاطاا المشوييية

وتوحمت على الفلافل والباشميل

 

[أوركيد]

مشاركة: للأمهات فقط..... شنو توحمتي عليه أثناء الحمل...؟؟؟؟؟؟

تنسيت مرة بفقع وكان الوقت عز الصيف...جان آكل مشروم(يعني ولد عمه)

هم كنت احب برد سنيكرز..أموت فيه ..والشورما لحم ....الله يم يم يم

وكنت أحب آكل مكعبات الثلج ..جنها بسكوت..احطهم بصحن واقابل التلفزيون

 

[مي الحلوة]

مشاركة: للأمهات فقط..... شنو توحمتي عليه أثناء الحمل...؟؟؟؟؟؟

مشكورة على هذا الموضوع..انا لما حملت بولدي كرهت شقتى و غرفة نومي
لدرجة اني كنت اقعد بالبلكونه..وما اشتهيت شيء معين لاني ما كنت اكل اصلا..
ولما حملت ببنتى كرهت كل مواد التنظيف خاصه ريحة الديتول وصابون فيري.. ونفس الشيء ما كنت احب اكل او حتى اطبخ..صج الله يعين الحوامل على الوحم..

 

[Forever & Ever]

مشاركة: للأمهات فقط..... شنو توحمتي عليه أثناء الحمل...؟؟؟؟؟؟

انا تنسيت بالثلج !!!!

دهر حاطتلي ثلج وجرش

بس بحمالي كرهت الكنتاكي وقامت تلوع جبدي من ريحته

 

[جكورة]

مشاركة: للأمهات فقط..... شنو توحمتي عليه أثناء الحمل...؟؟؟؟؟؟

لايوقف لايوقف وييييييييييييييين باقي الأمهات ؟؟؟؟؟؟؟؟

 

[كويتية بالغربة]

مشاركة: للأمهات فقط..... شنو توحمتي عليه أثناء الحمل...؟؟؟؟؟؟

وي

انا حملت 5 مرات والحمدلله واحد بس اللي عاش

شوفوا اول واحد تنسيت بكرز


والثاني بتفاح اصفر وفيه شوي حمار مادري ليش

وكنت عند اهلي بالثاني وياعمري ابوي الله يخليه لي فرفر ليما جابلي التفاح

والثالث ورق عنب

والرابع مادري كان كل شي عادي

والخامس مالحقت اسبوعين وبس نايمة

وعلى فكرة باول ثلاث كنت مااواطن ريحو زوجي واكرها احي برجع اذا قرب مني

بس بعدين الحمدلله

ادعولي اني احمل والله يثبته ان شالله

 

[جكورة]

مشاركة: للأمهات فقط..... شنو توحمتي عليه أثناء الحمل...؟؟؟؟؟؟

كويتيه بالغربه شاكرة مشاركتج ..
والثاني بتفاح اصفر وفيه شوي حمار مادري ليش ( شمعنى فيه حمار) ؟ ههههههههههههه

 

[كويتية بالغربة]

مشاركة: للأمهات فقط..... شنو توحمتي عليه أثناء الحمل...؟؟؟؟؟؟

جكووووووورة تصدقين يجيبون تفاح اقول لا مافيه حمار ومااقدر اكله

وخواتي يتمسخرون علي هههههههههههههههههههههه

 

[DioRa]

مشاركة: للأمهات فقط..... شنو توحمتي عليه أثناء الحمل...؟؟؟؟؟؟

انا تنسيت بفطاير الزعتر ملوت المدرسه قبل حست الديره حوس على مالقيت لي نفسهم
وتنسيت عالفلفل مسكين ولدي كان يعاني والحين عصبي بشكل موطبيعي

وكرهت ريحة مجبوس الدياي (ييع استغفر الله ) وللحين بس اشم ريحته جبدي تلوووع

الله يعين الحمل والله