للأسف يا وزارة التربية مبنى 2

[om.7madiiin]

ياجماعه نشرو هالبرودكاست ابي يوصل للكل عشان الكل يعرف شنو الظلم الواقع على اداريين واداريات وزارة التربية وخصوصا مبنى 2 المبنى المتواجدة فيه عايشة الروضان ،،،
اليوم هو يوم الاعتصاب 17/11/2011 وقفت عايشة الروضان مع مسؤولين الاقسام ال5 الفريق اللي مسوي حزب ولاعب بالوزارة لعب حزب مبنى 2 بدون ذكر اسماء لان الكل يعرف مسؤولة مبنى 2 حسبيالله عليهم ووقفو جدام الباب جنهم واقفين حيطة يصدون كرة قدم ويمنعون جميع الموظفات الاداريات من التوجه إلى مبنى 2 للإعتصام والتوعد والتعهد بالخصم من راتب شهر 11 كل هذا عشان لانروح نطالب بحقوقنا و تقول اللي تروح ياويلها وطبعا هذا عشان عايشة الروضان تشتهر بالجرايد و يكتبون عنها انها وقفت الاضراب و عملت على التفاهم و الطبطبة على المواضيع والحقوق ولكن لن نسكت والله لن نسكت يا ظلام كليت حقوقنا والله فوقكم طلعت كل وزارة التربية ظالمين و مايعرفون الله وبس يظلمون الاداريين لان ماعندنا لا نقابة ولا بطيخ ولا احد يدافع عنا ...
الاحد 20/11 سوف تشل وزارة التربية وسوف يتوقف العمل في جميع المناطق من يوم الاحد إلى الخميس إلى ان يتم النظر الينا و بنشوف شلون بنقر كادر المعلم و بنحطة بحسابهم عشان تعرفون شنو دور الاداري،.
ماقلنا نبي نفس المعلم ولكن نريد المساوات والعدل و كلنا جامعيات و نصنا بكالاريوس و دبلوم و غير شهادات الخبرة :s

 

[ريانا]

انزين ليش ماغبتو ورحتو الاعتصام؟؟؟

 

[حبيبي عبووودي]

لا حول ولا قوة الا بالاه العلي العظيم
مايصير جذيه اصلا اتسوون اعتصامات اشحقه الفتن بالديرة
وبتوقفون الشغل على اي اساس
شنو فوضه الله يهديكم بس

 

[مليانة حب]

حسبي الله ونعم الوكيل

 

[بانانا]

كان المفروض تغييبون. وتروحون الاعتصام
بس ماعليه الاضراب بروحه كفيل انه يوصل الرسالة

 

[نورعيونك]

حسبي الله ونعم الوكيل فيهم

 

[om.7madiiin]

6ان عايشة الروضان وقفت وماخلت احد يروح وقالت راح اخصم من رواتب شهر 11 وراح احولكم تحقيق حمدلله والشكر
ترحل للأحد بحضور جريدة الوطن والراي و سكوب وكذا. جريدة

 

[om.7madiiin]

اخر خبر طازة

طبعا بنات المالية عارفين منو الحرامي العود

انفضحو اللي بالوزارة


جريدة الانباء تفضح المسؤولين والوكلاء بوزارة التربيه علي سرقة ملايين الدنانير بوزارة التربيه وتهدد بنشر الاسماء لو لم يقومو بصرف مستحقات الموضفين التي يستحقونها من مكافأات و اعمال ممتازه وتصرح بأنه رواتب ديسمبر للمدرسين لن تتم الا بعد صرف مكافآت المحاسبين في الشؤون الماليه وخاصه قسم الرواتب

 

[om.7madiiin]

خبر عاجل
عايشه الروضان وكيلة قطاع الشئون الاداريه قامت هي وبعض المسوولين في نفس القطاع باضطهاد وحبس الموظفين وتهديدهم بخصم رواتبهم اذا قاموا بالانضمام الي الاعتصام القائم في مبنى واحد..
وقامت باحضار صحفي والتمثيل امامه ان الوضع طبيعي وان جميع الموظفين في قطاعها لايطالبون باي كادر او حقوق لهم ..
و لقد فاجأت موظفات صالة المراجعين امام المراجعين بحضور الصحفيين والتصوير دون اذن .. وتحدثت بل صارخت بصوت مرتفع واستفزازي عن حب الوطن والوطنيه ..
مع العلم بانها تحدثت مع الموظفات يوم الثلاثاء الماضي واعطتهم الضوء الاخضر للاعتصام يوم الاحد المقبل لتقوم بتمثليتها وخططها لتكون بطلة الموقف وليتحدث عن بطولتها الصحفيين ..
الي متى يكون الاداري مستضعف ومهمش ومهضوم حقه
لم نكن نريد فتح ابواب مغلقه خوفاً من عقاب المسؤولين ولكن طفح الكيل
وسنفضح الباقي عن قريب .
وانا اشهد والله ثم والله حتى استإذان. معطو احد ولا خلو اي وحده تتحرك من مكتبها حسبيالله ونعم الوكيل

 

[رووح ابووها]

حسبي الله ونعم الوكيل

 

[أميرة 22]

اشتكوا يا بنات على هذه اللاأخلاقية ولا تخاف الله عايشة الروضان
حسبي الله عليها ........... الله يسلط عليها هي وأمثالها ... اللي ما يخافون من ربهم

انا ادارية بالمدرسة وغبت ومعاي البنات الاداريات غابن .. الا 2 من سكرتارية قالوا
ما نقدر نغيب ......... !!!

 

[هجووورة]

حسبنا الله ونعم الوكيل
عليكم بالدعااااااااااااااااااااااااء خصوصا انكم مظلومات

 

[حياتي تكنولوجيا]

يالله اشصاير بالدنيا
كله نهب وبوق وضلم
شسالفه وين قاعدين​

 

[ريفيل]

يا ناس اللي له حق ياخذا لكن الحياة ميزان يعني الجامعيه التربويه لما تحول ادارية تسلونها ليش ؟؟؟؟؟ تقول تعبت ابي ارتاح ..... ماابي التدريس ... بعطي عمري العافية..... يعني العملية واضحه ماتبي تعب التدريس تبي راحه .......
هذا بالنسبه للمدرسة اللي حولت اداريه او الجامعية اللي تفضل العمل الاداري ....اللي اهو اريح من التدريس ...
بالنسبة لخواتنا الاداريات الدبلومات ... حملة الشهادة الثانوية.... المتوسطه ..... الوضع طبيعي انتي موهلاتج جذي اذا الناس كلفوج بعمل يفوق مواهلاتج اعترضي قولي هذا مو شغلي انا علي الدرجة الفلانية ...لكن لاتصيرين كديش بالاخير تقولين ابي زياده بالراتب اشتغلي علي قد مواهلاتك وقد درجتك لما عيونوج بالمكان الفلاني بالراتب الفلاني علي الدرجه الفلانية هذي كد يمينج .... قزرتي حياتج وناااسة ما تعبتي تعب الدكتور ولا المهندس ولا المحاسب ولا المدرس ولا المحامي تري الشهادات جت بسهر الليل والتعب والنوم علي الكتب من التعب ما جت من النوم علي السراير رالرموت بيدج ما يسوي علي اهل الكوادر من مدرس او مهندس اتقوا الله وحللوا اللقمه اللي تاكلونها والله الدينار اللي ينزل لج بدون ما يقابله عمل حراااااااااااااااااااااااااااااااااااام

 

[ريفيل]

ادري كلامي جارح بس فتح الجرح وتنظيفه احسن من يضل مسكر ملتهب ،،،،،،، لا تصيرون امعه الناس توديكم وتجيبكم ديرتنا تبي وقفه

 

[مرامي ذهب]

اختى ريفيل الكوادر شنو معناتها هى زياده الرواتب من الدوله مو من جيب احد لمواجهه غلاء المعيشه وزياده الاسعار اذا زادو فئه موظفين من وزاره وحده لازم يزيدون الموظفين الفئه والدرجات الثانيه وهذا صاير فى كل وزارات العالم مو بس الكويت موشرط نفس الزياده على حسب الدرجه يكون الكادر لو اللى صاير العكس المدرسات اكيد راح يضربون ويحتجون ويقولون اشمعنا احنا ما عطونا كادر اما سالفه امعه غطانه بهالكلمه هذا المرسين يمشون ورا كلام جمعيه المعلمين ليش صارو امعه لا طبعا لانه حقهم والكادر اللى نطاب فيه مقرر من زمان للاداريين بس ديوان الخدمه يرفضه مثل الكوادر الثانيه لما سو اعتصام وصارت الصجيه مشووه برغبه اميريه من مجلس الوزراء اللى رئيسه الشيخ ناصر المحمد الله يعطيه طوله العمر مع هذا شوفو شسو الناس امس تهجو على حرمه بيته مع ان اكثر المتضاهرين بناتهم وخواتهم وزوجاتهم مدرسات سورى شطحت شويه عن الموضوع . وديرتنا ديرة مساواه وعدل وما يضيع حق وراة مطالب

 

[mo0ohra]

الله يررررحم ايااامك يا بابا جابر
ماا حصل هذا في ايامه

حسبي الله ونعم الوكيل

 

[randomy]

مشكلتكم ياخواتي انكم تأخرتوا بمطالبكم وجيتوا بوقت فيه الاوضاع متوتره

مايندرى ينحل المجلس ولا يتوقف سنه ولا....


وهم مشكلتكم انتوا الاداريين ماعندكم جمعية او نقابه تطالب رسميا بمطالبكم!!

اشوفها صعبه احد يسمعكم

 

[om.7madiiin]

هذي. المشكلة محد يسمعنا وماعندنا نقابة ولا جمعيه
الله معانا

 

[نـعـومـه]

لاحظت ايام اول مافي اعتصمام ولا اضراب ليش ؟!؟