لكل وحده خوافه نفسي~~تحاميل البيتادين تخوف

[خليفة العظماء]

السلام عليكم


بنات بدش بالموضوع علي طول
اول شي حدي خوافه وشرود وماعتقد اني اقدر احط التحميله ابي مساعدتكم شجعوووووني
انا بنفاس وحبيت اسئل عن تحاميل البيتادين 
شريتها ولقيت معاها بالقوطي عصايه خرعتني

المهم الحين بستخدمها باجر الظهر باذن الله
بس عفوا ماعرف استخدمها يعني ماعرف احطها اخاااااااف
اذا ماتقدرون تردون عالعام تكفون دزولي عالخاص يا خواتي الكبار

ونيتي استخدمها ثلاث ايام عادي تكفي؟
وبنسبه للجماع مثلا ستخدمه اخر تحميله اليوم عادي الجماع باجر وتبين النتيجه؟


وذكرو تجاربكم الله يجزاكم خير
ولكم مني لكل وحده دعوه بظهر غيب

 

[أحلى عيون]

حبوبه الطريقه انه تحطين التحميله في العصا وتنامين علي ظهرج ولازم شوي شوي تحطينها وتاخذين نفس وعادي من شنو خايفه

ولازم الثلاث ايام مايتم فيه الجماع

 

[Diva-Q8]

مثلا اذا حطيتيها اليوم مساءا الجماع يصير باجر مساءا

وحق النفاس يحطون 10 تحميلات كل يوم وحده اخر 10 ايام من النفاس هذا اللي سمعته من البنات بس ماطبقته

وهم بيني وبينج اللي هم اعرفه ومتاكده منه انه هل تحاميل حق الالتهابات و اذا مافيج التهاب لاتحطينها لانه انا اول عبالي انها تنظف واتضيج المنطقه بس الدكتوره صلحتلي المعلومه قالت انها تنشف المنطقه عقب ماتعالج الالتهاب فقط

 

[ناتشوو]

لا ديفا صج تنشف المنطقة بس شي مؤقت
والاحسن حطيها قبل النوم
علشان تاخذ وقتها وشغلها
بس ...( تعبت من كثر كتابة النصيحة هذي)
استخدمي الخمس فناجيل
لاتطوفج
مو احنا خواتج الكبار
خلاص طيعي الكلام
دوري عليها بجوجل وطبقيها
حيل روعة للتخلص من الافرازات والرطوبة

 

[غنوة ستايل]

بالنفاس ناس تحط 10 ورا بعض آخر 10 ايام
وناس تحط 5 كل يوم وحده قبل النوم
حطيها من غير العصا . مو لازم العصا اللي داخل وسهله ما يبي لها شي
انا بولادتي قيصري استخدم 5 حبات
وهي تحاميل تعقيم وتنظيف .. يعني لا تخافين منها . لانها بتنظف المنطقه عدل .
و طبعا جماع مافي لان آخر 10 ايام أحتمال كبير يرد ينزل عليج الدم مره ثانية وتقطعين التحاميل .
عاد انتي و طبيعتج ترضعين او وقفتي الرضاعه بس الاغلبيه على اليوم 34 او 36 ينزل عليهم شوي دم احمر

 

[خليفة العظماء]

مشكووورين بنااات ربي يرزقكم كل خير

اليوم الظهر حطيتها ونمت نقريبا ٣ ساعات او كثر بشوي اول ماحطيتها حرقتني شوي
ولما قعدت وقمت حيل تحت يحرقني وحسيت كان في شي تحت كانه التحميله مو جوده او مكان الخياط اهو الي يحرق مادري ختلط علي الموضوع
وبعدها بفتره راح الحرقان

مادري ارد استخدمها او لا

 

[خليفة العظماء]

تكفون ردو احاتي

 

[مسك وطيب]

انا استخدمها بنفاسي مره وحده بس كمعقم ومطهر ... باليوم ال 30

وعقبها خامس يوم الدوره بس ...

 

[مسك وطيب]

نسيت اقولج استخدمها من غير العصا ... واذا انتي ماتعانين من الرطوبه والافرازات وحده الى ثنتين كافي وخلي بينهن يوم يعني اذا حطيتي بال 30 الثانيه حطيها بال32 ...

 

[Diva-Q8]

لا ديفا صج تنشف المنطقة بس شي مؤقت
والاحسن حطيها قبل النوم
علشان تاخذ وقتها وشغلها
بس ...( تعبت من كثر كتابة النصيحة هذي)
استخدمي الخمس فناجيل
لاتطوفج
مو احنا خواتج الكبار
خلاص طيعي الكلام
دوري عليها بجوجل وطبقيها
حيل روعة للتخلص من الافرازات والرطوبة

ولج ناتشووووو صايره خبيرة فناجيل وتحاميل كل يوم اكتشف فيج شي يديد

اي مو انا قلت انها بس تنشف ومالها علاقة بالتظييج

عشان اصلح المعلومه حق بعض البنات انه التنشيف شي والتظييج شي ثاني مو في بنات تقول حطي بتادين تره تصيرين ظيجه مع انه اهوا مايظيج (فقط ينشف) مثل ماقلنا واكيد مو على طول يومين ويرد :bbbiu:


P

 

[كل الشكر]

خليفه اهي اول استخدام او اثنين بالنفاس تحرق


انا دكتورتي كانت قاليه بالنفاس تآخذينه يوم وترك لمده 5 ايام... تبدينه يوم 35..

وتقدرين الباجي تخشينه وتسخدمينه عقب الدوره او الجماع او اذا فيج افرازات وايد
لانها تنشف المنطقه...