لكل وحده تحب شعررها وتبيه يطوول ويكثف تدخل

[هياوي-]

السلام عليكم
بناات انا عضوه يديده يعني اتمنى نساعد بعض
وانا اجوف انه فيكم الخير من ردودكم وتفاعلكم مع المواضيع
واتمنى القى هالتفاعل اهني لاني صج متضايقه من شعري وياريت اتشورون علي وتقولون لي شسوي :eh_s(2):
وياااااااارب يطول شعر كل وحده ترد علي ولو بكلمه ف الموضوع
خل ابدى واقولكم سالفتي

عرس اخوي قرب وتقريبا عقب سنه و٦ شهور بيكون عرسه
وبين هالسنه بتكون في مناسبات وانا صراحه تمللت من نفسي فقلت لازم اتعدل واضعف
المهم مادري من اللي ضربني على راسي وخلاني اروح عند دكتور تغذيه واظن هالمركز عندكم ف الكويت اسمه بيرفكت ويت
المهم ضعفت معاه خلال شهرين ونص ٢٠ كيلو*مشاءالله* وباقي شوي واخلص منه بس المشكله انه باكله حرمني من كل اكل بيفيد ويغذي شعري والاستراحه مابتكون الا بعد ٣٠ يوم من الحين
صار شعري بالهبل يطيح :eh_s(16):
كل ما امشطه اشوف كميه مو طبيعيه على يدي
وقفت عنه الاستشوار وصرت اهتم فيه بس مايوقف هالتساقط اول مره بحياتي شعري يتساقط هالشكل
المهم حاولت اهتم فيه يعني كل ٣ ايام حمام زيت وماصرت اغسله بشامبو العادي صرت اغسله بشامبو جونسون لانه يقولون المواد الكميائيه شويه
وكل كم يوم صرت احط زيت دابر واتحمل ريحته الماساويه:eh_s(2):
بس اللي قهرني اني للحين اجوف شعري يطيح
والمشكله ماقام يطول والادهى انه نوعية شعري جافه ويبيله وقت لين يطول:eh_s(2)::eh_s(11):
الزبده
ابيكم تقولون لي شسوي؟!
وصلت لمرحله اني ماعرف شسوي ب شعري!
واكيد في وايد غيري شعورهم نفس نوعية شعري وفاد معاهم زيت معين ولا شي
ف اتمنى انكم اتساعدوني واتقولون لي قبل ما اقرع:eh_s(11)::eh_s(11):
وياااارب تسعد كل وحده ترد علي ولو برد بسيط :eh_s(7):

 

[سميره مملوحه]

ونااااااااااااسه انا اول وحده ارد وان شالله انفعج

حبيبتي في موضوع هني بهالقسم شوفو شنو صار بشعري عقب ثلاث شهور
دشي عليه وان شالله اكون ساعدج
انا بمشي على نظامها ان شالله

 

[هياوي-]

مشكوووره فديتج :*
قريت الموضوع وقلت بشوف نصايحكم وتجاربكم وعقب بروح العطار وبجيب العشبه اللي قالت عنها..

 

[Laidy n3ooma]

انتي يبيلج حبوب لان العله من داخل جسمج مو من برع

ماعرف بهل سوالف

بس دووري شوفي زيت كبد الحوت او هيرفت شي جذي ومع العنايه الخارجيه

 

[هياوي-]

ثنكيو ليدي نعومه ;*
قصدج حبوب؟
بس سمعت انه هالحبوب تمتن واخاف ارجع اللي ضعفته بسبة الحبوب
اما الاهتمام من برا فا انا اهتم فيه

 

[Lala]

ايه حبيبتي أنا مرة كان غذائي سيء ولحقت بشعري وأخذت زيت سمك القد كبسولات بإذن الله ما راح يمتنوك وبتشوفي من التغذية الداخلية بيتعدل شعرك لأن الحلول الخارجية مؤقتة جدا وما راح تحل المشكلة قبل لا تنحل من الداخل

الفيتامينات المهم في هالكبسولات هي فيتامينات أ + د

في اشياء ثانية تحتوي عليه مثل حليب السعودية أوالأوفالتين أو أي شيء من هالمكملات الغذائية حق الحليب ويوقف تساقط الشعر بس مدري اذا هالأشياء تمتنك أو لا

نصيحة حبيبتي ما يحتاج ريجيم قاسي على حساب شعرك - عادي شوي اكسري من الريجيم وخفّي شوي شوي ما تأذي بشرتك وشعرك وهم غريبة أصلا المفروض يعطوك الأشياء الصحية والمغذية ويبعدوا عنك الأشياء اللي تمتن مثل الزيوت والنشويات والسكر !!

لكن حبيبتي خضروات وفواكه لا تقطعيها - والحبووووب مهمة مهمة بس لا تكثري يعني عشان الريجيم

وربي يرجع شعرك حلو وصحي وجميل

وحبيبتي أناصبغت شعري وحسيته ضعف مرة مرة واللي وتعرفي شو سويت وحسيته رجع حلو

كل ما تغسليه اخلطي مليون زيت هههههههههههههههه
أنا بصراحة مسوي غرشة وكل كم يوم أخلط شيء
(زيت جرجير - زيت لوز مر - زين جنين القمح - زيت سمسم - زيت زيتون - زيت أملا ) وكيفك أصلا حتى لو ان شاء الله زيت طبخ أو سمن نباتي عادي هههههههههه المهم زيوت

المهم حطي خلطتك مال هالزيوت ساعة - بعد الساعة جيبي مايونيز - أنا أستخدم مازولا - وأحط منه أحط أحط واااجد يعني أغرق شعري وألفه وأخليه ساعة ثانية

وبعدها اغسلي شعرك بالشامبو مرتين أو لحد تحسي نظف شعرك وبعدها حطي حمام زيت وخليه كذا عشر إلى خمستعش دقيقة (في هالوقت أنا أجلس أنظف جسمي وأقشره وأنظف الحمام بعد هههههههه) وتسلي وبعدها اغسلي شعرك

لما تطلعي من الحمام بس نشفي بالفوطة لا تسوي سشوار وحطي سيروم من أملا بزيت الحية بس حطي على الأطراف يعني والشعر اما الفروة مو لازم

على فكرة حبي لما تحطي الزيت دلكي شعرك وكمان لما تحطي حمام الزيت

من جد شعرك بيتعدّل مع التغذية الداخلية طبعا

وياااااااااارب الله يوفقك يا غلاي - لا تتكاسلي حبي حسافة والله الشعر يطيح تراه تاج المرأة

 

[&موناليزا&]

عزيزتي رفع لعيووووووووونج

 

[تبيني آرضى عليك]

حبيبتي رووووووحي لدكتور افضل

 

[om-7asson]

نصيحة حبيبتي روحي الطبيب سوي تحاليل مليون بالمية فيج نقص فيتامينات او حديد
والله يشافيج ويعافيج ويرد شعرج نفس قبل واحسن ان شاء الله

 

[أم*سلمان]

آب

آب

لعيونج

 

[Miss -coola]

انا عطيت وحده برنامج وانتي اخذي هالبرنامج لج
ومااحلل اي وحده تنسب هالبرنامج لها لاني انا اللي مألفته
اول شي انصحج انج تسوين تحليل تشوفين شفيج مافيج سم الله علييج❤ وبعدين سوي اللي بقولج عليه صدقيني اذا اتبعتي هالبرنامج راح تدعيلي وراح تنبهرين من النتيجه
احسن الفيتامينات حبوب زيت سمك القد لانها واااااايد مفيده للشعر والبشره والاظافر
وهاذي صورتها اخذيها من صيدلية بوتس

وهاذي تجربة حيادر فيها * الصراحه انا اثق بهالانسانه ❤
http://www.q8yat.com/t284180.html
وعندج بعد خلطة زيوتها لاتستهينين فيها ترى خطييييييره جربيها انشالله راح تكثف لج شعرج بس التزمي فيها عدل واتبعي التعليمات وانا توني باديه فيها��❤
http://www.q8yat.com/t162127.html
وعليج بالحنه
شوفي هم حنة حيادر عجييييبه ❤
http://www.q8yat.com/t274876.html
واذا ماتحبين الحنه او تصبغين~*
عليج بالسدر روعه سوي هالخلطه عجيبه (سدر+ماي جرجير*))

وسويلج تونيك حق شعرج مثل١-((ماي السعتر+ماي إكليل الجبل))
او~*
((ماي الحلبه))
او~*
((ماي الجرجير))
اللي يريحج وتحطين واحد من الثلاثه اللي قلتلج عليهم فبخاخ وكل يوم تبخين شعرج فيه .
وسويلج ماسك مره بالاسبوع ويفضل ماسك انجل كات*
http://www.q8yat.com/t909127.html
يعني البرنامج راح يكون(
١-يوميا حبوب زيت السمك القد باليوم مره*
٢-يوميا التونيك تبخينه بفروة راسج+ تسوين مساآإأاج حق فروة راسج ١٠ دقايق .
٣- خلطة زيوت حيادر اهيا كاتبه جم مره تستخدمينها شوفي الرابط.
٤- اذا تبين تحطين سدر يفضل انج تحطينه ٢ بالاسبوع واذا حنه مرره بألاسبووع*.
٥-والماسك مره بالاسبوع .
نصائح)):
كثري من الماي شربي٨ قلاصات باليوم ترى حييييييييل مفيييد!!+ اكلي سلطة جرجير+اكلي روب+ شربي عصير برتقال طبيعي شغل بيتكم فرش!!

دايما عجفي شعرج لا تخلينه مفلوووووول او ربطيه.
واستخدمي هالمشط الخشبي احسن نوووووع للشعر)):

وتبعي هالبرنامج ترى عجييييييييييييب واتمنى أني اكون افدتج حبيبتي مابي شي غير الدعوه منج حياتي وأي سؤال حاضر من عيوني ❤❤​

 

[أضعف بطة]

نفس حالتي بالضبط من الرجيييم شعري قام يطيح خصل والله حددي خايفه من هالشغله بدورلي حل وان شاء الله القى لاتايئسين كل مشكلة ولها حل وباذن واحد احد بتتعدل شعورنا وترد مثل قبل واحسن .... موفقة يالغالية

 

[M!SS CANDY]

up

up

 

[أحلى قصة]

اب اب الله يعين ويرد شعرج مثل اول واحسن

 

[هياوي-]

مشكوووووووره وماقصرتوا والله
فيكم الخير
رحت وطلع مافيني نقص ولاشي
خف التساقط الحمدالله لما تركت الزيوت
الله يعين بس

 

[ضنـآني الشوق]

اكلي حبوب الزنك او الحديد
او حبوب للشعر مثل هيرفت بس هااااه ترا تفتح الشهيه !

 

[dla3_princess]

حبيبتي التغذية و اخذي فيتامينات للجسم و للشعر

و كثري شرب ماااي و عصاير فرررش و خضراا و فواكه

و لازم عناايه في انواع تونيك ممتازة انصحج بتونك ياباني طبي كونومونتو

عجيييب تبارك الرحمن تلاقينه بالصيدليات

 

[بقلبي انت]

استخدمي تونيك كامينو موتو مقوي الشعر ومطول الشعر صج رهيب انا بديت فيه صارلي جم يوم ووقف تساقط
شعري صار قليل يطيح جم حبه بس وخلطة زيوت زيت الجرجير والخروع والسمسم وجوز الهند واللوز للشعر مرتين بالاسبوع

وعندج السدر مع الحنه كل اسبوع حطيها علي شعرج او سدر بروحه عجنيه مع زيت وحطيه 3 ساعات
وسوي ماسك الجرجير حزمة جرجير مع فنجان زيت زيتون وروب خلطيهم بالخلاط وحطيه علي شعرج ساعه بس

واستخدمي شامبو السدر عند الحواج تحصلينه واخر شطفه بالماي خذي شوي حمام زيت مو بلسم وحطي علي شعرج
من تحت بس لا يحوش راسج من فوق الفروه وشعرج غسليه بماي بارد مو حار ولا دافي
وبس

 

[روزسكاي]

تونيك كامينو موتو أعيش هذا حبوب ولا أيش من وين أخذها من الصيدليه ولا

 

[عبقرية]

صراحة انا مستغربة كيف دكتور يقدر ينزل الوزن 20 كيلو خلال شهرين
لالالالالالالالالالالالالالالالالالالالالا


اكبر غلط ومافي اي دكتور شاطر يحرمك من الغذاء المفيد للشعر

نصيحة غيري الدكتور حرام عليه

وشعرك مايطيح الا من هذا الرجيم الذي اعطاكي
توقفي عن حمامات الزيت والخلطات ماتنفع وانتي عندك نقص في الغذاء

الدكتور الشاطر مايقدر ينزل الوزن في السنة الا 12 كيلو اما 20 كيلو في شهرين عز الله انه بيدهورك شوفي نتيجتها شعرك هر

غيريه احسن لك واحسن لصحتك