لكل من سوت تقويم الاسنان...خاصتا التقويم المعدني الشفاف

[أميرة قلبي]

مرحباااااااا ياحلووووات ...اخباركم​

اليووووم حابة نفيد ونستفيد
يعني نكتب تجاربنا عن تقويم الاسنان​

انا ببدأية مشواري قبل كم من يوووم رحت لدكتور التقويم وقالي لازم أشيل 4 ضرووس الي هي الضواحك
بصراحه خايفة من هالشي:eh_s(2): .....بس على قولتهم من بغى الدح ماقااال اح​

حولني الدكتور حق دكتور أسنان عشااان الخلع
وموعدي بكرة ان شاء الله​

وبعدها بكم يوم بيكون تركيب التقويم بأذن الله​

بالنسبة لشكل التقويم ورأني الدكتور كذا نوع وهم:
الحديدأو الي يسمونة المعدني والي تقدرين تركبين فية ألوان <<<بس مابلعتة هالتقويم :eh_s(4):
لاني ماحبيت انة التقويم يبين خاصتا وقت المناسبات ...ومثل مو عارفين اننا داخلين عالصيفية وتدرووون بالمناسبات​

اما النوع الثاني فهو المعدني الشفاف
يعني البراكيت شفاف والمعدن هو بس السلك<<< هذا حبيتة ودش مزاجي:ggdw:
بس خوفوني وقالووو انة يصفر بعد فترة ويمكن يتكسر...وومشكلتة يطول​

بس شي يطول وهو مو مبين احسن من شي يطول ويلوع الجبد​

وفية كم من نوع غيرهم بس هذولي هم الي محتارة اختار بينهم:bbbiu:​

خاطري بالشفااااف <<اقصد الي البراكيت شفاف...مو تقويم الانفيزلاين الي كلة شفاف
بس خوفوني انة ممكن يصفر نفس البراكيت ويمكن يصفر بالاسنان بعدين​

عااااااااااااااااااااااد الي مركبة هالتقويم تفيدني هل هو حلوووو ومايتأثر مع التنظيف ولااااا سوا نظفت او لا يصفر​

لانة الدكتور قالي يصفر بس مع كل جلسة ينظفة لي ويرجع مثل قبل​

وبالاخير اتمنى تردون علي ياحلوين وحتى الي تدش وماتعرف تكفيني منها دعوة
ان ربي ييسر لي هالموضوووع ويكتبلي الخيرة فية​

 

[أميرة قلبي]

9 مشاهدااااات ولا رد واحد عالاقل​

 

[عمري ولدي]

أهلين اميره أنا ونفسج امس كنت عند الدكتوه واخترت الشفاف أحلى اكمنظر بس هم يبين اختي مسويته بس احسسسن من الحديد لا ودكتورتي ورتني نوع تقويم ذهب لوووول هذا اللي ناقص اركب ذهب باسناني بس ماقالت انها بتشيل ضروسي وموعدي على الاسبوع الجاي وخايفه الله يستر
*اي صح تذكرت دكتورتي قالت الشفاف نغيره لج مع كل جلسه

 

[caramil]

هلا والله اختي
انا صارلي سنه وامركبه الشفاف ( السيراميك)..
اذا بعياده خاصه ركبي وانتي امغمضه..اما اذا مواعيد حكومه حطي الحديد احسنلج
لأن العيادات الخاصه كل شهر موعد وينظف ويبدل السير..اما الحكومه موااعيدهم شهرين واكثر ويخيس السير بحلجج
اول ماتحطين التقويم شوي بتتأذين تحسين شي يديد عليج و شفايفج نتط شويه وان الكل يطالعج هذا شعور طبيعي جداُ
خلال شهر كل شي تتعودين عليه انشالله ..
اذا بتركبينه وخري عن الشربت والبفك والشغلات اللي تغير لون التقويم
انا صارلي سنه و شهرين حاطته وبشيله الشهر الياي..ومحد لحد الحين يدري اني حاطه تقويم الا اللي اقول لهم
ومايصدقوني بعد..كلش مايبين الا لما تفجيين حلجج كله..
نظفيه اول بأول ولا تحاتين حطيه وانتي امغمضضه..
وايد ريحني وغير شكل اسناني وفكي وشفايفي..
يعني بإختصار التقويم مو بس يعدل الاسنان..
يعدل كل شي ..اهو بحد ذاته تجمممممميل..انا توه من يومين اشوف صوري القديمه اقول امبيه انا شلون جذي كنت
فكي تغير شفايفي صاروا احلى..اسناني تبارك الرحمن صفه وحده..انشالله باقيلي شده اخيره واشيله

اموفقه حبيبتي ولا تحاتين اول شي تتعبين وبعدين لما تشوفين النتيجه تنسيين كل التعب..:*

 

[caramil]

نسيت اقولج اذا حسيتي لونه تغير بمجرد ما انج تروحين الموعد التالي لما يشيل السير..ويحطلج بداله سير ثاني
يروح الصفار ويرجع ابيــــــــــــض..يعني لا تخافين كل شهر يبدل السير وينظف لج المكان