السلام عليكم والرحمه ..،
يسعدلله مسائكم حبايبي ..،
بصراحه هالموضوع خااااص لكل مستخدمي البلاك بيري + الاايفون ( واخص اللي عندها قروب وهي متوليـه امرهـ )
لان كل راع مسوؤل عن رعيته :eh_s(7):
ويشهد الله ما كتبته الا بعد استياء من بعض رسايل الضحك والغمشره !!
في الاونه الاخيره حيييييييل اكثرت رسايل + 18
اللي كلها سكس بسكس ..، وماخلوا حاجه جنسيه تشرهه عليهم
صرنا ما نضحك الا بهالنوع من الرسايل !! كل الضحك والنكت انقلبت جنسيه ؟؟
ليييييه يابنااااات جذي ؟؟
ليه ما قمنا نخاف من الله باللي نرسله ؟؟
اوصلت ياجماعه انكم تدزون عورت رجال كبار وحريم صريييييحه !!
وكاتبين تحتها كم كلمه سخيفه وضحكه ؟؟ ..، اقسسسم بالله ما تضحك من جد ما تضحك
قبل كانت موجوده هالنوعيه من الرسايل بهالجهازين بس محدوده وقليله وكاتبين عليها +18
الحييييييين صاااااااارت بكثررره حيييييييل ومن غير تحذير
خافوا الله ياللي تساهمون في نشرها ترى البلاك بيري والايفون مو بس معانا حنا يالكبار
حتى الورعان عندهم فتحتووا عيونهم على اشياء تااااافهه المفروض ما يشوفونها
يعني هالكلام وهالصور شي كبيييييييير وذنب عظيييم مدري ليه مو حاسين ؟؟ مستسهلينهاا حييل .. ولا صارت حاجه تضحك !
وهي بالاساس انحطاااااط اخلاقي ومنحدر وصخ الى حد الثماله
عندكم مواضيع حلوه واااااجد مثل عزيزي ونكت المحششين ومثل مقاطع الاطفال ووووواشيا واجد بعيييييييده كل البعد عن المواضيع الجنسيه الصريحه
ولا تنسون بنات ترى الدنيا فااااااااانيه
هالجهاز اللي بيدج شاهد عليج ..،
(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))
لاتحملون انفسكم مالا طاقة لكم به من ذنوبكم وذنوب كل من شافه وتفرج عليه !
سامحوني اذا الموضوع مو مرتب
بس من جد كتبته وانا منقرفـــــــه
الله يهدينا ويهديكم
