لكل حامل فصيلة دمها سالب

[atootaa]

السلام عليكم بنات شلونكم

حبيت استفسر منكم اذا في وحده نفس حالتي او لا ،، انا فصيلة دمي -A وريلي o+ وحملت اول مرة ووصلت للثالث واجهضت ،، وخذيت ابرة الاجسام المضاده عقب عملية التنظيفات بس كنت بستفسر منو حالتها نفسي وشنو سوت لما حملت مرة ثانيه لاني ولله الحمد حملت مرة ثانيه والحين بالشهر الرابع وبصراحه جدا خايفه علي حمالي منو اللي حالتها نفس حالتي و مر حمالها علي خير تطمني

لان دايما اسمع ان اللي فصيلة دمها سالب ممكن تكون حامل بطفل مشوه او معاق او تجهض الحمل اللي عندها معلومات عن هالموضوع تفيدني

 

[atootaa]

رفع

 

[حـوراء]

ربي يهون عليج يا رب

أنا نفس حالتج بالضبط
بحملي الأول الحمد لله مشى الوضع طبيعي بس قالتلي الدكتورة أخذي إبرة الأجسام المضادة في الاسبوع ٢٨ للاحتياط مو أكثر وحتى لو ما تبين تاخذينها مو مشكلة وعادي ، انا الصراحة ما خذيتها وعقب الولادة أخذتها طبعا
ألحين حامل للمرة الثانية بس حاشني نزيف بسيط في الشهر الثالث وأخذت إبرة الأجسام المضادة والوضع طبيعي جداً الحمد لله وللاحتياط والاطمئنان باخذها في الاسبوع ٢٨ بإذن الله

لا تحاتين دام انج ماخذة الإبرة الحمد لله يعني وضعج طبيعي
ولا تسمعين كلام الغير كل ما في الموضوع ان الام اللي تحمل أجسام مضادة تسبب تكسر في دم الجنين لأن يصير جسم الام هو اللي يتغدى على جسم الجنين مو الجنين يتغذى على جسم الام وهذي فكرة الأجسام المضادة ان تمنع أي شي يتغذى على الجسم بس اللي تاخذ الإبرة يكون وضعها جداً طبيعي ولا يسبب تشوهات ولا تعوقات ولا شي
الله يقومج بالسلامة وتفرحين بالبييي يا رب

 

[Ranoon]

انا بكريه وأول حمل لي دمي o-


قالت لي دكتورة تاخذين إبرة أجسام مضاده
في اسبوع ٢٨ يعني اول شهر سابع
وحملي ماشي تمام
وأخذت إبرة وكل شى تمام


إجهاض يكون في سابع إذا ما اخذتي إبره
مو شهر ٣ نفسج


وابره عادي ما تعور
وإذا جنين طلع نفس دمي عقب ولادة
ما اخذ وإذا طلع نفس زوجي
اخذ إبرة

 

[atootaa]

مشكورين بنات حبايبي الله يهون عليكم يارب ويطمن بالكم

 

[Mrs.H]

لا مو لهالدرجة والوضع جدا عادي مجرد ابرة تاخذينها باول السابع وخلاص

 

[امـ خــزامـى]

معلومات اول مره اسمعها سبحان الله
ربي يحفظك ويحفظ جنينك
ان شاءالله مافيه الا العافيه لاتوسوسين وتقرأين اشياء تضيق صدرك
توكلي على الله
وسوي الواجب واهتمي بمراجعاتك

 

[Aloe Vera]

اعرف وحدة نفس حالتج لازم ابر مثبتات لحد الشهر الخامس
و اكيد لها متابعة خاصة لان عندها اجهاضات بسبة فصيلة الدم

الله يمم عليج

 

[زهرة الزهور]

ﻻ تحاتين وﻻ تفكرين ﻻ يسبب اجهاض وﻻ تشوه وﻻ اي شي الوضع جدا طبيعي انا فصيلة دمي o- وزوجي A+ باوﻻدي اﻻتنين اﻻوائل مااخذتها اﻻ بعد الوﻻدة ﻻن فصبتهم كانت نفس ابوهم وحملي الثالت اخدتها بالسابع وبالثامن بعدين طلغت بنتي فصيله دمها سالب فما اخذتها بعد الوﻻدة والحمد لله الوضع جدا طبيعي ومامنه اي خوف بس اهم شي تاخذينها ﻻن اذا البيبي نفس فصيلة ابوه يصير عندج اجسام مضادة واذا حملتي مرة ثانية يسبب للجنين تكسر بالدم او يسبب لج اجهاض هذا اذاولدتي ومااخدتيها اما بالنسبة للحمل اﻻول مافيه اي خوف نهائيا ان شاء الله

 

[atootaa]

شكرا بنات ماقصرتوا الله يوفقكم و يطمن بالكم يارب

 

[M!SS.LOBY]

ربي يهون عليج

 

[Om mohammed 90]

عسى ربي يهون عليج بس نصيحه روحي للحكومه افضل

 

[ريم الكويت 1]

سبحان الله و بحمده

 

[ام بيان]

انا فصيلت دمي -b قالت لي الدكتورة تاخذين إبرة أجسام مضاده
في اسبوع 28 و ابره ثانيه في الشهر التاسع
بس انا ولدت في الاسبوع 30
وفصيلة دم ولدي طلعت موجب و عطوني ابره بعد الولادة

 

[الأميرة جوري]

الله يسهل عليج

 

[زوجة حياتي]

لا تحاتين انا مثلج فصيلة دمي سالب وزوجي موجب وفحملي الأول أخذت إبرة فالشهور السابع وقالي الطبيب بتاخدين إبرة ثانية بعد الولاد لكن ما أخدتها لانه البيبي طلع نفس فصيلتي
لكن أجهضت فالحمل الثاني بس مآظن السبب هو فصيلة الدم والحين انا حامل الله يتبت حملي والجميع

 

[أبكاني ذنبي]

انا فصيله دمي سالب

بالسابع عطوني ابره الاجسام المضاده وقالتلي اذا ولدتي


والبيبي نفس فصيله ابوه موجب نعطيج ابره واذا فصيلتج مانعطيج


وطلع فصيله دم ابوه وعطوني بعد الولاده الابره