لكل الي يستخمون منتجات زين الأتات تفضلوووووو

[slooma]

مرحبا بنات كل عام ونتو بخير بمناسبه السنه اليديده
واانا حابه أستفسر عن منتجات زين الأتات للتخسيس انا دقيت عليهم وسألتهم شنو عندكم للتخسيس قالولي عندنا وايد عندنا الشي الي يحرق الدهون وعندنا الشي الي يشد الشهيه وعندنا كريمات ...:23_asmilies-com: المهمم ينني وهو يعددلي
أنا ابي تجاربكم انتو وشنو الأشياء الي ستخدمتوها وجم سعرها وشنو اسمها أنا شريت قبل جم يوم الحبوب الي تسد الشهيه سعرها 15 دك ومادري احس عادي مافي فايده قالي خلال يومين من أستخدامج لها إذا حسيتي أنج ليلحين يوعانه اخذي حبتين على الريج وهم ماكو حاسه نفسي عادي هم يوعانه أنا بحط أرقاهم لكم وعندهم خدمت توصيل بس أمانه أبيكم تفيدوني

فرع السالميه : 25712337___99583154
فرع الفروانيه : 24767784
:bye22:

​

 

[جيفارار]

رد : لكل الي يستخمون منتجات زين الأتات تفضلوووووو

حبيبتى دعايه وكثير جربوها ؟؟
منتجات فاشله
وانا اعرف وايد استعملوها ومافى نتيجه

 

[slooma]

صج والله ماكو نتيجه أنا ماني عارفه شلون الناس يقولون ضعفنا عليها

 

[saroona cute]

رد : لكل الي يستخمون منتجات زين الأتات تفضلوووووو

همن اناا استخدمت شاي اعشاب من زين الاتات ما نفع معااي

 

[استكانه1]

مادرى والله ؟؟؟

 

[chcoq8]

ما تفيد كلش انا استخدمت قاطع الشهيه الذهبي وما نفعني ابدا

 

[Miss McDonald]

رد : لكل الي يستخمون منتجات زين الأتات تفضلوووووو

,

مآعندي فكرة !

up
up
up

 

[إستبرق]

بالعكس امي واختي وزوجه عمي استخدموا زهوراته واختي بعد استخدمت كريمه للتخسيس ووايد فادوهم وبنت خالتي استخدمت حبوب تسد الشهيه حيل انزلت عليهم
وانا ناويه اشتري حبوب اسمها زين يديده عنده سمعت هم مادحينهم

 

[إستبرق]

اي وبنت خالتي بشرتها تبارك الرحمن انقلبت فوق تحت وكانت تستخدم من زين مرمم معاه كريم ثاني تقول شهر وشي افرقت حيل بشرتها

 

[om MaRyooM]

رد : لكل الي يستخمون منتجات زين الأتات تفضلوووووو

على حسب الجسم


انا استخدمت العلبة الخشب من كثر مامددحوها

ولا سوتلي شي ..

اكتشفت من بعد تجارب هالحبوب الفاشلة المجهود الشخصي احسن وسيلة

 

[Raheeq]

رد : لكل الي يستخمون منتجات زين الأتات تفضلوووووو

انا حيل فادتني بالعكس وايد زينة الذهبيه مو الخضرة بس لازم تاخذينها و بعدها بربع ساعة تاخذين تفاحة او نسكافيه وانتي بعد انسي الاكل وخففي ولا ابتعدي عن المعجنات و الحلويات او خففيها ترا الذهبية ممتازة حتا البشرة تصير حيل حلوة عليهم تصفا و تصير ناعمة اي و كثري ماي و نزول العافية ان شاء الله

 

[آنسه مسلمة]

انا كلش مافاتدتني حبوبهم
ولا حتى اختي

 

[حرمه المصون]

انا خاطري اجربها بس المشكله مب محصلتها واحس الله مب رايد اخذها