**لكل المحتارين بالنسبه للابره التفجيريه ** مهم مهم

[++The DuchesS++]

وايد بنات يحتارون بالنسبه للتحليل بعد اخذ الابره التفجيريه
لانه الابره تحتوي على هرمون مشابه لهرمون الحمل
وبعد البحث والتحري والسؤال عرفت ما يلي <<<<اسكت يا اللغه لوووول:ada:


بالنسبه للابره التفجيريه
ترا على حسب الجرعه
يعني اللي ماخذه 2500iu
لازم التحليل يكون بعد 7 ايام
واللي ماخذه 5000iu
يكون التحليل بعد 10 ايام
واللي ماخذه 10000iu
التحليل يكون بعد 14 يوم

عرفتوا حبوبات
يعني التحليل يكون على حسب الجرعه
لانه 2500 تنفجر البويضات بعد يوم ونص
و5000 بعد 24 ساعه
اما 10000 التفقيس يكون بعد 12 ساعه
يعني وايد قويه




يعني كل وحده تحليل يختلف عن الثانيه على حسب الجرعه اللي ماخذتها
وهالشي يتحدد وقت سونار التبويض
ساعات الدكتور يلقا بويضات جاهزه وكبيره ويخاف انها تنفجر وحده وتخرب على
الباجي ف يعطي الجرعه الكبيره اللي تسوي تفجير بعد 12 ساعه
واللي اهي 10000



وان شاء الله يكون شرحي مفهوم لوووووووول​

 

[Hello_kitty]

مشكوووورة غفرااااااان

اول مرة اسمع هالمعلومات


وانه يا حليلي اخذ الابرة التفجيرية بدون ما ادري شكثر قوتها بس اخذ وبس

في شي ما فهمته اشلون اذا كانت درجة الابرة كبيرة قوية يتاخر موعد التحليل؟؟

المفروض كل ما كانت قوية كل ما كان الانفجار اسرع كل ما صار الحمل اسرع فيكون التحيل مبجر

عدل جذيه ولا انه فاهمة غلط؟؟

 

[كويتيه مذهله 87]

مشكووووووره حبيبتي

انا مره وحده بس خذيتها مع الكلوميد
ولا الباجي تقول ما تحتاجين ابره تفجيريه

 

[تمر حنا]

مشكوره على المعلومات بس حسافه امس كنت ماخذه الابره بس مادققت لو قايله لي من زمان الله يهداج// ثانكس حبوبه ونشاء الله ماتحتاجين الابره مره ثانيه

 

[um 3li]

مشكورة على هالمعلومات
والله مرتين اخذت ابرة تفجيرية واول مرة اسمع هالحجي

 

[مظلومه ياناس]

مشكوووووووووووووووووووووووووره على الفائده .......ز واخذيها مني انا مدرسة لغة عربيه لغتج كده:icon30::icon30:

 

[TeAcHeR_BeZaRiN]

جزاج لله خير على المعلومات فديتج

 

[++The DuchesS++]

مشكوووورة غفرااااااان

اول مرة اسمع هالمعلومات


وانه يا حليلي اخذ الابرة التفجيرية بدون ما ادري شكثر قوتها بس اخذ وبس

في شي ما فهمته اشلون اذا كانت درجة الابرة كبيرة قوية يتاخر موعد التحليل؟؟

المفروض كل ما كانت قوية كل ما كان الانفجار اسرع كل ما صار الحمل اسرع فيكون التحيل مبجر

عدل جذيه ولا انه فاهمة غلط؟؟

حبوبه اذا الجرعه كبيره راح تفجر بسرعه لووووول
واذا الجرعه وايد مثل 10000 راح تطول بالدم اكثر
فاذا سويتي تحليل بعدها بجم يوم راح يبين انج حامل
لانه هرمون الابره نفس هرمون الحمل
فلازم تسوين التحليل بعد 14 يوم عشان يصفى الدم من
الابره التفجيريه
على عكس الجرعه 2500 لانها اقل فراح تصفى من الدم
بعد 7 ايام وتقدرين بعدها تسوين تحليل الحمل
عشان ما يأثر هرمون الابره
عرفتي حبوبه

 

[++The DuchesS++]

باجي البنات مشكوورين على المرور والردود
وان شاء الله ما تحتاجونها

 

[احب بوعيالي]

السلام عليكم خواتي
بقولج شنو صار معاي انا طقيت الابره 10000iuيوم 29 عند د هدى الزكري 6 دنانير واليوم الي بعده سويت تلقيح صناعي يعني يوم 30-1-2008 وعطتني ورقه اسوي تحليل دم للحمل يوم 8-2-2008 وطبعا انا من لقافتي رحت سويت تحليل بول يوم 3-2-2008 يعني بعد الابره بخمس ايام طلعلي خط خفيف وواحد غامق بس طبعا هذا من تأثير الابره بس شلون بيبين بتحليل الدم ماتتوقعون مبجر حاطتلي الدكتوره موعد التحليل يمكن تأثر الابره على التحليل لان فيها نسبه من هرمون الحمل تطلع بالتحليل احترت والله شرايكم اروح اسوي تحليل دم باجر على طلب الدكتوره ولا انطر

 

[++The DuchesS++]

والله ما ادري حبيبتي
يمكن قصدها تحليل الدم الهرموني
بهذا التحليل يبين اذا فيه حمل او لا
وان شاء الله التحليل اللي سويتيه
يكون بشاره خير
والدكتوره اعلم

 

[الملقوفة]

مشكورة على هالمعلومات
والله مرتين اخذت ابرة تفجيرية واول مرة اسمع هالحجي

 

[دمثة]

الله يرزقنااا يارب ذريه طيبه يارب

 

[احب بوعيالي]

السلام عليم بنات شلونكم
طلع التحليل الي تبيه الدكتوره مو تحليل حمل تحليل هرون بروجسترون وانا ناطره هالوم علبالي تحليل حمل انشالله على الاسبوع الياي اصير لي 14 يوم واقدر اسوي تحليل حمل بالدم عشان مايبين الهرمون الحمل الي بالابره

 

[djandal]

انزين انا ما اعرف شي عن هالابره ممكن شرح و شنو هذي ؟

 

[++The DuchesS++]

السلام عليم بنات شلونكم
طلع التحليل الي تبيه الدكتوره مو تحليل حمل تحليل هرون بروجسترون وانا ناطره هالوم علبالي تحليل حمل انشالله على الاسبوع الياي اصير لي 14 يوم واقدر اسوي تحليل حمل بالدم عشان مايبين الهرمون الحمل الي بالابره

وان شاء الله تبشرينه بالحمل يااااارب

 

[bnt_kwt]

مشكوره غفران على هالمعلومات القيمه المفيده
والله يعطيج الف عافيه

 

[شهرزاد الكويت]

مشكووورة على المعلومات و الله يعطيج العافية

 

[MsMoonlight]

مشكوره على هالمعلومه ..

انشاء الله باخذ هالابره باجر .. النوع 2500 لانها بعد يوم و نص ..

انشاء الله احلل و اطلع حامل