كل عام وانتو بخير
ومبارك عليكم الشهر
اول موضوع لي بشهر الخير
عساكم من العايدين والفايزين
بكل امانة واخلاص
الطريقة ماخذتها من اخت حبيبتي جوجو " الجواهر " :hearting:
شمعة الديوانية كلها :eh_s(7):
التطبيق لي وبالخطوات المصورة لعيونكم
اول شي ( ملعقة كبيرة خميرة تترسينها + ذرة سكر + نص قلاص ماي دافي خلطيهم وخليهم على جنب )
المقادير: المقياس بعلبه الروب
3 روب ( انا استخدمت روب البيت )
4 أكواب طحين ابيض
ملعقة كبيرة نشا كبيرة ( أنا زدتهم ابيها مقرمشة اكثر )
ذرة هيل ناعم
ذرة ملح
ذرة سكر + زعفران
نتفة صبغة زعفران ( أنا ضفتها عشان اللون )
خلطيهم مع بعض بجدر او ماعون كبير
ماء دافي ( كميته تتحدد اثناء العجن )
الطريقة :
- اضيفي (خليط الخميرة ) على المقادير الأخرى وخلطيهم
- اضيفي الماء الدافي ويكون مقداره بالنظر شفيه شوي شوي وتعجنين وتحطين ماي دافي شويه وتعجنين حتى تحصلين على عجينة لاهي سائلة ولا هي سميكة جدا وسط يعني )
- تغطينها بكيس بلاستيك وتخشينها بمكان دافي او بالفرن ساعه حتى تنتفخ زين وهذه صورتها بعد التخمير
نصايح عند الصب :
- عند الصب لالالا تعجنينها مرة ثاااانيه خليها منتفخه مثل ما هي
- سخني الزيت بالأول ويكون زيت عزير ثم اتركي النار هادئة اثناء الصب يعني موحااااار حيييييييييييييل
لأنه اذا صار حار من تحطين العجينه على طول يصير لونها غامج ومن داخل ماتستسوي
- تصبين العجيبة اما بيدج او بأله صب اللقيمات ترسي المقلاه زين
- حركيها ربع ساعه على ماتستوي على الراحه وعلى طول من الزيت الي الشيييرة عشان ما تفش
الأشكال مو مثل بعض لان ايدي احترقت بالبداية من المقلاة
والى الشيرة على طووووووووووووووول
ملاحظة : الشيرة تكون باااااااااااااااااااااااااااااردة
- زينيها بالفستق او بالسمسم حسب الرغبة
وبعد ما بردت عدل غلفتها عشان اخذها للزوراة حتى نغووووووووص فيه بعد الفطووووووووووووووور مع القهوة والشاي عجيييييييييييييبة
اختكم / الهمبة
[/ur
