لقيت البلاوي بجوال زووووجي

[reeuf]

بنات شسوي ساعدوني مدري كيف اتصرف



انا من زمان شاكه بزوجي مقصر معي بالفراش وطلعاته كثيررره

المهم لقيت برقمه الثاني ارقام كح......! وسوالب كثيرره ورسايل بلواتس

احس كاشه منه شسوووي :eh_s(11):


ماودي اهدم بيتي لانن بيننا بنت وتونا متزوجين

 

[MLAMI7]

كَآن آلله بعوُنك حبيبتِي
لآبُد من آلتصرُف آلصحيــِح
آللـِي لآ يهدمْ ولآ يتركْ عوآقبْ مُستقبليـهَ
مآعندِي خبرهَ كآفيــه عشّآن أغييررْ هـ آلموُقف
حسسيــِه بوُجودكْ - شّوفـِي آلجوُآنب آللـِي إنتِي مقصرهَ فيهَآ وكمليـِهآ
( آلرجُل لآ ينظرْ خآرجاً إلآ لشّي ينقُصهُ فِ آلبيتْ )

أجلسـِي معَآه كلْ آخـر أسبوُعيـن فِ جلسةُ مُصآرحهَ * كملوُ بعضكُم بهـ آلجلاسآتْ
أملئ أوُقآت فرَآغه* ولآتنسيــِن تحسسينهَ بتقصيـرهْ لك *
حآولــِي تبينيين له أنوُ فِ تقصير منهَ وخرجَآته كثيــِره برهَ آلبيتْ

خذي آلمُقطتفَآت آلصحيحهَ وآلسليمهَ من ردوُدنآ
وقبلْ أن تُقدمـِي علىَ أي خطوُه تأكــدِي منْ مدىَ إيجآبيتهَآ عليككْ
ولآتنســِي تصلـِي و آلإستغفآر وآلدُعآءءء ..
أنقذي حيــَآتك وصفيهَآ من هـ آلأموُر وأجعليهَآ جميلهَ -
فِي بدآية عُمرك و عُمره وإنتِ قآدرهَ علىَ آلتَخلُص بإذن آلله
فقط أستعيني بــِه

أترككْ آلبــَآقي لِ أصحآب آلخبرهَ

 

[BubbLe87]

الاخت الي قبلي
الريال ممكن تكون عنده ملكة و قايمة بكل واجباتها و مع ذلك يخون و ممكن تكون مقصرة بكل شي و مو قايمة بواجبها و مع هذا ما يخون
على اي اساس دايما و ابدا لما الريال يغلط نقط اللوم عالمرة
متى تتغير هالعقلية تكفون
اهو خان لان عينه زايغة و مو صاين المرة اللي ابيته بغض النظر شالاسباب
ترى اييلج واحد يقولج عادي تغيير
بتقولين نفس الكلام؟
تعبنا و ملينا من لوم المراة اهي مو شماعة يعلق عليها اغلاطه

 

[BubbLe87]

الاخت الي قبلي
الريال ممكن تكون عنده ملكة و قايمة بكل واجباتها و مع ذلك يخون و ممكن تكون مقصرة بكل شي و مو قايمة بواجبها و مع هذا ما يخون
على اي اساس دايما و ابدا لما الريال يغلط نقط اللوم عالمرة
متى تتغير هالعقلية تكفون
اهو خان لان عينه زايغة و مو صاين المرة اللي ابيته بغض النظر شالاسباب
ترى اييلج واحد يقولج عادي تغيير
بتقولين نفس الكلام؟
تعبنا و ملينا من لوم المراة اهي مو شماعة يعلق عليها اغلاطه

 

[فطيم البحرين]

الانثى ممكن تسامح الرجل في كلشي الا الخيانة
أتكلم عن الغالبية العظمى انه

انتي كلميه وفهميه ان الي يسويه غلط وما ايي من وراه الا المرض والمشاكل .. وان انتو توكم متزوجين ومو عشانج عشان البنوتة حرام يعني

والله يهديه لج يارب

 

[Abraaj]

صارحيه ! معنه بيقلبها عليج !

 

[Aloe Vera]

الاخت ملامح

سامحيني كلامج غلط
الريال يزني و يخربط لان بسبب قلة وازع ديني و مو خايف من ربه
مو بسبب تقصير زوجته


و صاحبة الموضوع
انا انصحج اذا متاكده ان يزني لا يجامعج الا بعد ما يفحص و تتاكدين من خلوه من الامراض

انا وحدة ما اقبل الخيانه

 

[MLAMI7]

-


جميعكُم فهمتوُ كلآمــِي غلط *
أنـآ مَ ألوُمهآ ولآ ألوُمه - لأنـِي ف آلحآلتينْ مَ وقفت معَآهم
أنآ وُضحت لهآ بعض آلنُقآط وهــِي عآرفهَ نفسهآ أكثر منَآ
أبيهَآ تحل آلإمور بشّكل صحيح )* وأنآ عآرفهَ أنو غلطَآن
لكنْ مَ أبيهآ تغلطْ مثلهَ وتخربْ بيتهَآ - لآزم تحسسهَ أنو آلشّي آللي سوُآه قذر جداً
وأنوُ أهي موُ مستعدهَ تكوُن حيآته بهـ آلشّكل -

لآزم مَ نقولهَآ خربي بيتككْ ولآزم مآنقوولهَآ سآمحيهَ
في حلوُل وسطيهَ تخليهَآ تلوي ذرآعهَ ويتوُب

بعد لآزم نفكككرْ بعقلْ لآهنتوُ ولآزم نفهمُ وجهة نظر آللي قدآمنآ
قبلْ لآنحكم عليهْ

 

[مخدوشة الوريد]

قطع يالريال مايملي عينه الا التراب .. لا توجهينه الان يعلاقات يكون اكو هاجس الخوف انج تدرين ، بس اذا انتهي هالهاجس بكون عاتي عنده وبتكرر هالسوالف .. اصعب شي الخيانه بس الله يعينج حاولي تستشرين حدد متخصص يهالامور ينصحج احسن بطريقه صح والي تفيدج ..

 

[boliana_q8]

انتي ماراح تقدرين تغيرينه إلا اذا اهو يبي يغير من نفسه

الله يعينج

 

[cramela]

قلبي سالفتج صايره معاي فوق 20 مره وصبرت واضبي علي الدعاء والله يجعل المستحيل برمشه عين والله يفتح علي قلوبهم ويهديهم ويصلحهم وتري العيب مو من البنات من ريلج ومو تقصير منج تري العيب منه لا تعقدين عمرج انتي قومي بواجباتج عليه والله يفتح علي بصايره

 

[DIOR]

نصيحه لوجه الله لاتصارحينه ولا جنج تدرين. بس سولفي عن الامراض والبلاوي المنتشرة وقولي قصص عن الناس اللي خاتمة سوده بسبب انه الناس متهاونه. لأنك اذا صارحتيه ما راح تستفدين شي قبل بالخش والدس والحين اشكرررره فعشان جذي مآلج الا الدعاء ودائم اذكري انج تتمنين انج أنكم تكونون مع بعض وتستمر حياتكم بسعادته بدون مشاكل واذكري انج تحبينه

 

[shak!shoka]

لاااااااااااااا تسكتين


عاد كل شي الا الزنى


وما يقلبها عليج ! لا تخافين


خشي الادله او صوريها وعقب خلينا نشوف شلون يقلبها



ودخلي احد بالسالفه اذا قلبها عليج ع قولتج





كللللللللل شي سامحي و غفري فيه الاااااااا الزنى

 

[Kaida]

ديري بالج تهدمين بيتج عشان وحده قح ..... ديري بالج انصحج لوجه الله ترا الحين البرامج كثرانه وبنات الشوارع حتى بالمدارس موجودات وانتي ماتدرين اذا مان مواعدها او لا يمكن تدزز صور وكلام بالفوون بس يسلي نفسه من باب التغيير احرصي على نفسج وفكري ترا هالموقف ممكن ماينسى اذا درى زوجج او يكرهج انتي من باب الذكاء حطي نفسج ماتدرين بالاصح على نياتج وخشي كل الادله عندج وثاني شي غيري من روتينج وفتحي معاه موضوع يعني انتي قاريته بالنت او سالفة وحده صايره ان زوجها تعرف على وحده بتويتر او مادري وين وصار بينهم علاقه المسكين الحين حاشه مرض الله يشفيه ويهديه دام ان متزوج ويتعرف على بنات وهالبنت خانت اهلها وسلبت له عدوه ودايم اصلا يحذرون واكتشفو ان في مجموعه من البنات في عالم التويتر او اي برنامج متفقين ان يخربون من الريال وزوجته الله يصلحهم ويهديهم ويحفظك وانا واثقه فيك ومايحتاج اوصيك على نفسك لانك رجال

والله يهديه ان شاءالله
لا اله الا الله
محمد عبده ورسوله

 

[Kaida]

والي تقولج لاتسكتين وصارحيه لاتسمعين كلامها صح محد يرضى وشي يقهر وجرح مابرى وحطي فبالج الخربان خربان اذا مايتيله من باب النصيحه وان انتي واثقه فيه صدقيني بينقد على نفسه وبيراجع اموره دام هو كلم وخلص يعني خلاص الي صار صار على فكره الرجال اذا واجهته زوجته بشي مثل هذا عكس لما يشوف الرجال على زوجته فيعني ريحي نفسج وادعي ربج يهديه والحمدلله

لا اله الا الله وحده لاشريك له
وان محمد عبده ورسوله

 

[mnoooll]

حسبي الله على ابليس

لاتواجهين ولا هم يحزنون


علييييييك بالدعاء بكل فرض وبالوتر


واقري قران كثيييير وتحسبي واستغفري كثير


وادعي ربي وربك


والله يتغير غصب عنه


انتي ماطلبته ولا خضعتي نفسك له


انتي طلبتي الواحد الاحد مايردك خايبه ابداً

 

[سعوديه شرقاويه]

:eh_s(15): انا مع كلام Aloe Vera

 

[بعيوني حكي]

انتي من الاول اختي ماكان لازم تفتشين بجواله حتى لو كنت شاكه لان لو لقيتي شي مراح تقدرين تغييرين شي بس بتغثين نفسك ع الفاضي
قال تعالى في كتابه ((( يَا أَيُّهَا الَّذِينَ آمَنُواْ لاَ تَسْأَلُواْ عَنْ أَشْيَاء إِن تُبْدَ لَكُمْ تَسُؤْكُمْ )

وبصراحه اغلب الرجال كذا بس الوحده ماتنبش وراه عشان ماتتعب
المهم بوضعك حبيبتي انا اشوف انك ماتواجيهنه احسن لك ، لان الانسان بطبيعته والرجل خصوصا اذا كان مسوي شي غلط ومخبيها عن الكل يكون حريص ان ماجد يعرف ويمكن مع الوقت يفكر يتركها اما اذا كشفتيه وواجهتيه بيقول خلاص مافي شي اخاف منه او اخبيه وممكن يستمر من باب العناد..
سوي نفسك ماعرفتي شي وعليك اختي بالدعاء الدعاء الدعاء والله مالك غير ربك هو اللي خلقه موب عاجز يهديه ويسخره لك
وبالتوفيق حبيبتي

 

[ازهارك]

ووعليكم السلام والرحمه والهدوءاقول كل الحلول اللي حطيتوها ممكنه لكن انا براي تصارحيه وتجيبين حكما من اهلج وحكما من اهله لاني الامر خطير جدا جدا لما توصل للحد هذا اللي يرفضه رب العالمين لمتى وحنا نغش بعض ونرتكب المعاصي امتى رجالنا هكذا اقصد بعض الرجال لمتى يعصون الله ولايخافونه ويخافون البشر هو خايف من البشر ولاهو خايف من ربي البشر هنا المصيبه؟؟ صاريحه بعد متجيبين الحمين وشوفي شنو رد الفعل واستخيري اختي الفاضله الله يصلحه لج ويهديه ويهدي جميع رجال المسلمين امييييييييييييييييييييييييييييين >>ازهااااااااارك <<

 

[*Pink Girl*]

لا تسكتين واجههيه

ولازم اهلك يدخلون بالسالفه

الخيانه مو سهله