لـيــــــــش الـــزوج .......

[!! D m i r a a !!]

السلام عليكم

شلووووووووووونكم








بنات عندي موضوع وودي نتناقش فيه وبصوره جديه ..


الحين اغلب البنات اذا مو كلهم .. يعتنون بنفسهم ويهتمون باعمارهم وعنايه من شعر راسها لي ريولها ..


ورجيم وحالتها حاله .. والهدف الاول من هالاشياء الزواج ..


وتتزووووووووووج

وتدخل عالم المتزوجات .. ومافيه ليالي حمرا وخضرا وفسفوريه الا وسوتها

مافيه خلطات وكريمات تفتيح توحيد تضييق توسيع وووووو الا وجربوها

والبعض حتى عمليات شد وشفط وتصغير وتكبير سووا

كل هذا عشان ارضاء هذا المخلوق الغريب .. ( الزوج )اللي كانت تحلم فيه وتتمناه


..


وبعد كل هالاهتمام بالنفس وبالزوج وبالبيت ومع مرور جم شهر او جم سنه

تنصدم الزوجه بزوجها ..

عيونه زايغه / يقارن بينها وبين فلانه وعلانه او حتى مغنيات وممثلات / يخونها :eh_s(14): / مايقدرها

امخلي المسؤوليه كلها عليها يعني اشياء وايد اتغث اهمال منقطع النظير من ناحية الزوج

..


بنات انا يمكن ماعرف اوصل الفكره بالضبط مثل ما اهي في بالي بس ياليت تفهمون قصدي

..




أقولكم سالفه ..

في وحده اعرفها .. تعرفة على واحد .. تقول كان ضايق خلقي وداشه الشات

المهم انها ضافته ومع الوقت كلمته بالمسنجر .. بنات ورب الكعبه تقول طلع متزوج

تقول يومها استحقرته .. تقول مامداني اكلمه الا حط صور عرسه واهوا بالبشت

وكل شوي يسألها شرايج وشرايج .. تقول كان يشتكي من المدام انها ماتفهم وماتهتم بعمرها

وماتعرف تلبس .. تقول والله هالكلام كله عن زوجته من ثاني مكالمه ع المسنجر

وطلب منها انها تطلع معاه تقول حسيته خسيس وحقير عالاخر .. وعطته بلوك ..


...

وحده ثانيه تصير لي .. زوجها .. نفس الطريقه يخونها وان قالت له وصرخة عليه اعتذر وقال لها احبج ومن هالكلام

وهذي حياتها مع انه ماخذين بعض عن حبببببببببب :cxxxp:

...


والله يابنات لو اقولكم السوالف اللي اسمعها ينقمت قلبكم

انا اللي بعرفه ليش الريال جذي؟

شنو السبب ..؟!!!

اتشوفون وحده ملكة جمال وزوجها عادي وفوق هذا يخونها او مقصر بحقها ؟ انزين ليش ؟

بنات وايد كثرت سوالف الخيانه .. والاعذار ازفت من الزفت اعذار بايخه حدها

انا اللي ابي نتناقش فيه

هل طريقة البنت الكويتيه او الخليجيه خطأ ؟

يعني بسبب اهتمامها وحرصها الزايد يصير لها العكس ؟

او السبب يعود لتربيه ؟

انه الولد يشوف امه اهي اللي تسوي كل شي واهي اللي تهتم فيه وفي البيت كله

فأهو على باله انه زوجته لازم اتصير جذي مثل امه ؟

ليش دايما ً يعذربون بالبنت الكويتيه او الخليجيه ؟

الف ليش في بالي ماني لاقيه لها اجابه

:cxxxp:​

 

[live your life]

بقولج شغله انا ما الوم الريال تدرين ليش لاني توني اكتشفت ان البنات اهمه اللي يدورون السوالف طبعا مو الكل والريال خو الله بالخير من يشوف وحده كاشخه ومترصرصه وتقصع جدامه والله ينسى ان متزوج حتى لو ماخذ ملكة جمال
ولو شتسوي المره لو تذبح عمرها عشان ريلها والله اذا شاف الشي بره يحلى بعينه لان الله يهديهم البنات بهل الوقت طبعا مو الكل فاصخين الحيا
ونادرا ما تلاقين ان العيب من الزوجه

 

[زهراء الركابي]

رد : لـيــــــــش الـــزوج .......

ابي اتزوج لا تعقديني وتخووووووفيني بس كلامج كله عدل صج ليش .......ليش دايما ً يعذربون بالبنت الكويتيه او الخليجيه ؟

؟؟

 

[!! D m i r a a !!]

بعد قلبي تسلمون ع الرد

زهراء ==> اذا انتي خايفه انا أحاتي

تدرون أنا أتوقع السبب من التربيه

لانه الأم اهي اللي كل شي على راسها ماتخلي ولدها يشيل شويه من مسؤولية البيت

واذا تزوج بنت الناس تبتلش فيه

 

[حلآوهـ حمرهـ]

لانه الريال عينه زاايغه ومايمليها الا التراااب ~

ومافي ريال مايطاااالع هذا طبع ف الرياااال ~ قطييييعه


بس ترى حبيبتي في حريم يهملوون الريال اهي صح تتكشخ وتتعدل وتتعطر بس لنفسها ومطنشه الريال وكله تطلع ~ واذا خان ولا تزوج عليها والله قالت انا اكشخ له واسويله وارضييه بس ماراح تقول عن نفسها انها تطلع 24 ساعه من البيت ومطنشه الريال ولا مهمله ف البيت واللي اقولج اياه من وااقع اشووفه جدام عيني ~

شي وحده مغربييه ماخذه خليجي تقول : تدرون ليش الخليجي لما يتزوج المغربيه ولا الوافده مايطلع من البيت موول ~ لانه نحن نقعد نجاابله مجااااابل 24 ساعه وكلام حلو وكلام يذووب اقوى عن السحر من جذي ماوده يطلع من البيت ~ وعلى فكره عالفئه جريييئه مع الريااال والريال يمل من البنات الخجولات واللي يستحن ~ وبالذات نحن الخليجيات لو متزوجه من 10 سنين تحسين بعدها خجوله ويا ريلها ومب جريئه

اما الفئه هذي واااااي قواة عيين وجرئه مب طبيعيه ويسوون اللي مايتسوى ~

والخليجيه بعد عيني لو تجرئت وسوت قال عنها ماتستحي ومب متربيه ~


وعلى قوولة محمد هنيدي والنبي يانسواان مالينا الا بعضييينا خخخخ

 

[!! D m i r a a !!]

حلاووووهــ ..

تسلمين ع الرد ..

وفي نقطه ذكرتيها صح ( انه الوحده تتكشخ وتتعدل وتطلع 24 ساعه )

صح انا اللي اتصيرلي اللي ذكرت سالفتها جذي تتكشخ ومهتمه بروحها بس 24 ساعه طالعه

ياعزايم او مناسبات او اتمشي عيالها او بالنادي يعني لويه وحوسه حياتها

 

[Leann]

حبيبتي سؤالج هذا له عديد من الأسباب
أول شي في فئة من الرجال ما ينفع معاهم أسلوب "يا دهينة لا تنكتين" لازم الزوجة تحقر و تطنش شوي
هالنوعية من الرجل اشبههم بكرة القدم
كلما شتيها ردت لج

و في فثة ثانية محتاج حنان و عاطفة من زوجته و اذا شاف اي نواقص فيها على طول دور عليهم بره بمكان ثاني
و في نوع اللي مغصوب على زوجته
و نوع اللي ربعه يوزونه و يدخلون بمخه انه لازم يكون عنده رفيجه و زوجه و عشيقة

و على فكرة الرجل اذا يقدر يخون و ضمن انه محد يقدر يجكه يخون على طول حتى لو يحب زوجته
و الشي هذا منتشر في كل المجتمعات مو بس بالخليج او بالكويت
الرجل بطبعه مخلوق اناني و على عكس المرأة يقدر يفصل عاطفته عن الرغبات الجنسية .. يعني ممكن يخون مع وحدة بس اهو ما يحبها بس يبي منها فراش مو شراط ارتباط عاطفي

و في شغلة مهمة بعد

مدام في بنات راضين بالخيانه مع شخص متزوج ,, توقعي الازواج يخونون
ليش؟

because they can ..​

 

[دبي العز]

خخخخخخخخخخخخخ

والله ضحكتيني والله كسرت خاطر نفسنا خخخخخخخ

والله صدقيني مرض هذا تخلف ضمير ميت افكار رجعيه مع احترامي الشديد لهم بعضهم مثل الحيوان وعزكم الله واكرمكم لاستخدامي هالكلمة بس لانهم يتبعون شهواتها وبسسسسسسس بلا عقل بلا تفكير ورا ملذات الدنيا مافي عقل يحكم مافيه مخ يفكر

مجتمع عاذرنه مهما سوا يطلع بريئ قمة التخلف وهو عند الله واحد !!!!! وان تطلقتي بيطيح الغلط عالحرمة يعني لو انتي ملاك بشري في بيتج والله بلاج بواحد تعيس بعد انتي غلطانه غلطانه لو شافوه محولنج غرشة بيبسي بعد انتي غلطانه !!

ما ادري شباب متعودين من الصغر انهم يغازلون !! كل شي عادي محد يقولهم شي اونه طيش شباب عادي ليش بكيفكم تراه محاسب مافي شي عادي وطيش الشباب مصيبه من قال انه مسموح تعود يغازل تعود ينوع تعود عالحرام فحتى يوم يتزوج خلاصصصص هذا ريال متعود على المنوعات ومن كل بستان زهرة كيف يقدر يستقر

الا الذكي منهم حبتين مع ان غبي من وجهة نظري الي يلعب ويوم يتزوج يترك اللعب بس يبقى اذكى عنهم وحافظ على استقرار حياته الزوجيه !!!!!!


يعني الجمال انواع!! ومستحيل وحده تملك كل الانواع !!!!!!! فيعني اذا مرته حلوه اوكي بيدور الجمال الي من النوع الثاني يعني مثل ما تقولين ما يترس عينهم الا الترااااااااااااااااااااااااااب >___________<


معطينهم ويه والله امه تذبح عمرها عليه وتدلع اخر دلع لدرجة انه ما يتحاسب على اي غلطة يتحرا بنت الناس مجبورة تتحمل زلاته الي امه ما حاسبته عليها ولا ربته !!!!!!! هي بنت الناس مب مجبورة تتحمل قلة اخلاقه وفوق كل هذا تنججررررررررح كأنثى وتنجرح كرامتها ...............ألخ
اناني ما يفكر الا بنفسه !!!!! وبس !!!!!



ما ادري عندهم مشكلة في النظر والعقل على ما اعتقد ؟؟

ولا يمكن يدورون الرخيص الله يهدينا نحن كخليجيات يعني ما يحتاج اكمل ممكن نهز ميزانية دولة كاملة للاسف متطلبات حياة وصرنا مخلينها اساسية وحتى لو هي ما طلبت هو ما ييقدر يخليها اقل مستوى يوم يشوف الي حولها من البنات اما بعض الجنسيات كل الي حولها نفسها ما بتحس بالنقص ما ابا اناقش موضوع ثاني او انافق في شي ممكن اسويه الله يصلحنا ويهدينا اجمعين


وفي ترا من بعض البنات!!!!!!!!!! الاخت تتحرا عمرها داشه مدينة مدهش تستانس ويا ريلها تمل منه تبغي تستانس بعدين مع اهلها وربعها ...........ألخ ما ادري نست انها الحين انسانه مسؤولة ومحاسبة جدام الله على الانسان الي برضاه دخلتي الجنة واذا عصب عليج دخلتي النار :eh_s(2):


والله قصوره بعد مقطعين عمره ومحافظين على جمالنا وما خلينا على قولتج خلطة ولا خلينا شي عشان نكون كاملين والكامل الله سبحانه واخر شي يسوي هالحركات السخيفة بعطيه بالابجورة على راسه
هذا ونحن مسوين كل شي لو مب مسوين شو كان بيصير :lkmnkl: خخخخخخخخخخ


بس الواحد ما يعمم والله في شباب ماعليهم قصور وزود ربي يخليهم ويحفظهم ويكثر من امثالهم الطيبة :016:


كل الشكر

نترقب اليديد

 

[النشبه88]

لانه اهوا مخلوووووق جذي ما تترس عينة مرة وحده !!!!!!!! قطييييييييعه شحقة ذابحييييين عمركم يالبناااااات عيشوا حق نفسكم لا تعيشون حق غيركم

 

[سعااد]

حبيبتي اللي اقدر اقوله لج وبختصار انه هاذا الشي مو يديد بس يمكن احنه تونا نستوعبه هاذا الطبع في كل ريال تقريبا الا اللي يخاف من الله سبحانه وتعالى وفي كل الشعوب مو بس الخليجيه بس احنا ماندري عن اللي يدور برا ,, عموما هاذي وضيفة الشيطان وشغلته يلعب بنفوس الناس الضعفاء اللي ناسيه ربها سواء مره ولا ريال
المثل يقول كل شي ممنوع مرغوب واحنا عشان مجتمعنا محافظ والحمدلله ومدارسنا من طفولتنا بروح مو مختلطه مثل دول الغرب عشان جذي الريال يكون عنده فضول يبي يعرف ويبي يجرب ومايرضيه شي وبختصار متشفح

 

[Tejan]

.


انا رايي شوية مختلف

من اللي حولي لاحظت ان البنت صايره وااايد تنتقد عمرها جدام الريال و هذا اكبر غلط

تلاقينه مو ملاحظ و اهي بس تتحلطم واااي بشرتي تلوع الجبد ... كرشتي ملوعة جبدي .. شوف فخوذي اشكبرهم .. اللبس يلوع الجبد علي جني بقرة !! اكره خشمي .. اكره حلجي .. ويييع شعري باهت و خفيف :flower:

سؤال منطقي ليييييييييييييييييييييييييييش !!!!!

دايما رفعي بعمرج طبيعي كلنا نبي نكون احسن بس ابدا و لا بعمرج تنتقدين عمرج بشي جدامه لا شكلج و لا تصرفاتج و لا تربيتج لعيالج ..

بقولكم موقف صارلي .. عمي بو زوجي يطالع الجدريدة ويلا صورة على كبر الصفحة عن ملكة جمال لبنان و يقولي شوفي شوفي الحريم <-- يا ربي عمي يتحرش بزنطه !

جان اطالعه و اقوله ايي اشفيها ما فيها زود انا وااايد اجمل :eh_s(20):
و الله بنات الخدامة كانت وراي جان تضحك ما توقعت الجواب <-- حمارة كرهتها

و مرة خالتي تقولي فيج سكر <-- حياتي و الله لان اهي فيها فوايد تحاتي الناس
جان اقول لها على ضحك طبيعي خالتي انا كلي شكر <--- لوووووووول قعدنا نضحك و زوجي يطالعني يا غرورج

و الله بنات اذا انتي حسيتي روحج حلوة غصبن عالكل هالشي راح ينعكس على نظرتهم لح :s142:


نقطة ثانية .. لا تصيرين ريال البيت <-- و الله ادري حلو التعاون بس هم حلوة شوية انوثه :nbvppw:

اذا ظل كيس المصبغة شهر عند الباب و بو الشباب مطنش ليش اللقافه انتي تودينه ؟؟؟ انا ابد ما اوديه اقوله من صجك اوقف عند مصبغة و هالهندي لا ما ابي مو متعودة اخاف <--- عشتو !!
مرة توهقت في بدلة ابيها ضرورى و الله اتصلت على مصبغة ايون البيت عطيتهم بدلتي و يابوها من باجر و باجي الجيس ينطر سي السيد عند الباب لووووووووووووووووووول نحاسة

مرة كنت مبدلة بطلع قالي زوجي تاير سيارتج شوي فاش روحي محطة البانزين يترسونه لانه خطر .. و غلاتكم مارحت اقوله لاااااااا و لا عمري رحت غراج يقولي يا بنت الناس محطة البانزين كاهي يمنا .. حشى ما اروح <-- مو بعناد لا بانوثة و مبنيلي انج ما تقدرين و ماتعرفين و تضيعين بدونه و الله مو عيب

و اذا طفت لمبة ما اسويها و لا اقول للخدامة و لا السايق خلي له دور بالبيت لا يحس ان الامور ماشية فيه و بدونه
و الله مرة صالتنا ضلينا على ليت واحد ولد الناس متعييز يبدلهم ما همني <-- اصلا رومانسية لووووووووووووول :eh_s(20):

و الله بنات جربوا هالشغلتين و الله من تجربة وااااايد راح ترتاحين خليه يكون ريال البيت لا تصيرين انتي الام و الابو و السايق و الخدامة و الزوجة و الزوج !!!!!! طبيعي جذي بروح الديوانية و يخليلج البيت باللي فيه :bye22:

 

[يا حبنـي له..}]

رد : لـيــــــــش الـــزوج .......

لان الخيانه بدمهم..وهاذا اهو التفسير الوحيد..الا مارحم ربي

 

[!! D m i r a a !!]

حبيبتي سؤالج هذا له عديد من الأسباب
أول شي في فئة من الرجال ما ينفع معاهم أسلوب "يا دهينة لا تنكتين" لازم الزوجة تحقر و تطنش شوي
هالنوعية من الرجل اشبههم بكرة القدم
كلما شتيها ردت لج

و في فثة ثانية محتاج حنان و عاطفة من زوجته و اذا شاف اي نواقص فيها على طول دور عليهم بره بمكان ثاني
و في نوع اللي مغصوب على زوجته
و نوع اللي ربعه يوزونه و يدخلون بمخه انه لازم يكون عنده رفيجه و زوجه و عشيقة

و على فكرة الرجل اذا يقدر يخون و ضمن انه محد يقدر يجكه يخون على طول حتى لو يحب زوجته
و الشي هذا منتشر في كل المجتمعات مو بس بالخليج او بالكويت
الرجل بطبعه مخلوق اناني و على عكس المرأة يقدر يفصل عاطفته عن الرغبات الجنسية .. يعني ممكن يخون مع وحدة بس اهو ما يحبها بس يبي منها فراش مو شراط ارتباط عاطفي

و في شغلة مهمة بعد

مدام في بنات راضين بالخيانه مع شخص متزوج ,, توقعي الازواج يخونون
ليش؟

because they can ..​

كلامج صح

بس شوفي يا انه الزوجه اتصير انانيه مثله وتحب نفسها وتداريها <== عشان يحس

او توريه العين الحمرا وانه ماخذ بنت ناااااااااااااااااااااس

مو لاقيها من الشارع وضافها

 

[سعااد]

حبيبتي تيجان مو كل الرياييل مثل بعض ياعمري الله يخلي لج ريلج واهل ريلج فعلا في ناس ما تقدر لو تمدحين نفسج قباله بيقعد يطتنز وبتصير السالفه عناد واخرها هواش وزعل ,, عموما اغلب الحريم اللي يطلعون عيوب بنفسهم على قولتج قبال الريال قصدهم انه يعكس السالفه يعني مثلا تقوله شوف شعري شلون ناشف ولا متقص واهي متوقعه انه يقولها لا حياتي شزينه يهبل ويقوم يدلعها ويمسح عليها طبعا هاذي كلها احلام ماتصحى منها الا لمه يرد عليها اي صح كلامج شعرج جنه سيم اماعين
ولو بننطر الريال يودي لبسنا المصبغه لا بالله خاسو الملابس واهو للحينه يفكر ههههههه

 

[سعااد]

حبيبتي تيجان مو كل الرياييل مثل بعض ياعمري الله يخلي لج ريلج واهل ريلج فعلا في ناس ما تقدر لو تمدحين نفسج قباله بيقعد يطتنز وبتصير السالفه عناد واخرها هواش وزعل ,, عموما اغلب الحريم اللي يطلعون عيوب بنفسهم على قولتج قبال الريال قصدهم انه يعكس السالفه يعني مثلا تقوله شوف شعري شلون ناشف ولا متقص واهي متوقعه انه يقولها لا حياتي شزينه يهبل ويقوم يدلعها ويمسح عليها طبعا هاذي كلها احلام ماتصحى منها الا لمه يرد عليها اي صح كلامج شعرج جنه سيم اماعين
ولو بننطر الريال يودي لبسنا المصبغه لا بالله خاسو الملابس واهو للحينه يفكر ههههههه

 

[!! D m i r a a !!]

خخخخخخخخخخخخخ

والله ضحكتيني والله كسرت خاطر نفسنا خخخخخخخ

والله صدقيني مرض هذا تخلف ضمير ميت افكار رجعيه مع احترامي الشديد لهم بعضهم مثل الحيوان وعزكم الله واكرمكم لاستخدامي هالكلمة بس لانهم يتبعون شهواتها وبسسسسسسس بلا عقل بلا تفكير ورا ملذات الدنيا مافي عقل يحكم مافيه مخ يفكر

مجتمع عاذرنه مهما سوا يطلع بريئ قمة التخلف وهو عند الله واحد !!!!! وان تطلقتي بيطيح الغلط عالحرمة يعني لو انتي ملاك بشري في بيتج والله بلاج بواحد تعيس بعد انتي غلطانه غلطانه لو شافوه محولنج غرشة بيبسي بعد انتي غلطانه !!

ما ادري شباب متعودين من الصغر انهم يغازلون !! كل شي عادي محد يقولهم شي اونه طيش شباب عادي ليش بكيفكم تراه محاسب مافي شي عادي وطيش الشباب مصيبه من قال انه مسموح تعود يغازل تعود ينوع تعود عالحرام فحتى يوم يتزوج خلاصصصص هذا ريال متعود على المنوعات ومن كل بستان زهرة كيف يقدر يستقر

الا الذكي منهم حبتين مع ان غبي من وجهة نظري الي يلعب ويوم يتزوج يترك اللعب بس يبقى اذكى عنهم وحافظ على استقرار حياته الزوجيه !!!!!!


يعني الجمال انواع!! ومستحيل وحده تملك كل الانواع !!!!!!! فيعني اذا مرته حلوه اوكي بيدور الجمال الي من النوع الثاني يعني مثل ما تقولين ما يترس عينهم الا الترااااااااااااااااااااااااااب >___________<


معطينهم ويه والله امه تذبح عمرها عليه وتدلع اخر دلع لدرجة انه ما يتحاسب على اي غلطة يتحرا بنت الناس مجبورة تتحمل زلاته الي امه ما حاسبته عليها ولا ربته !!!!!!! هي بنت الناس مب مجبورة تتحمل قلة اخلاقه وفوق كل هذا تنججررررررررح كأنثى وتنجرح كرامتها ...............ألخ
اناني ما يفكر الا بنفسه !!!!! وبس !!!!!



ما ادري عندهم مشكلة في النظر والعقل على ما اعتقد ؟؟

ولا يمكن يدورون الرخيص الله يهدينا نحن كخليجيات يعني ما يحتاج اكمل ممكن نهز ميزانية دولة كاملة للاسف متطلبات حياة وصرنا مخلينها اساسية وحتى لو هي ما طلبت هو ما ييقدر يخليها اقل مستوى يوم يشوف الي حولها من البنات اما بعض الجنسيات كل الي حولها نفسها ما بتحس بالنقص ما ابا اناقش موضوع ثاني او انافق في شي ممكن اسويه الله يصلحنا ويهدينا اجمعين


وفي ترا من بعض البنات!!!!!!!!!! الاخت تتحرا عمرها داشه مدينة مدهش تستانس ويا ريلها تمل منه تبغي تستانس بعدين مع اهلها وربعها ...........ألخ ما ادري نست انها الحين انسانه مسؤولة ومحاسبة جدام الله على الانسان الي برضاه دخلتي الجنة واذا عصب عليج دخلتي النار :eh_s(2):


والله قصوره بعد مقطعين عمره ومحافظين على جمالنا وما خلينا على قولتج خلطة ولا خلينا شي عشان نكون كاملين والكامل الله سبحانه واخر شي يسوي هالحركات السخيفة بعطيه بالابجورة على راسه
هذا ونحن مسوين كل شي لو مب مسوين شو كان بيصير :lkmnkl: خخخخخخخخخخ


بس الواحد ما يعمم والله في شباب ماعليهم قصور وزود ربي يخليهم ويحفظهم ويكثر من امثالهم الطيبة :016:


كل الشكر

نترقب اليديد

لالالالالا مافي شي اسمه مرض وتخلف

كل مرض له علاج

والتخلف له حل ..

بس تدرين والله المشكله اذا بتشوفينها تتبعيها من البدايه

يعني تربيتنا فيها أخطاء .. سواء البنت او الولد

عندنا بالخليج البنت يوصونها على بيتها وزوجها ولازم اتصير سنعه من صغرها

واهم يعلمونها شلون تطبخ وشلون تنظف وشلون تداري اخوانها وووووو الخ

بس ماعلمونا انه لنا حقوق ماعلمونا انه لازم مانتنازل عن حقنا ومانرضا بالخطا

حتى الزوجه اذا صار بينها وبين زوجها خلافات والخطأ من الزوج مايحاولون يتفهمون المشكله

بس يطبطبون ع الزوجه ويقولون ماعليه طولي بالج هذا زوجج وووو الخ ....... وسي السيد محد يكلمه :23_asmilies-com:

اسعدني مرورج غلاتي :eh_s(17):

 

[روان_الكويت]

والله من قله الدين والوازع الديني
لو يفكرون باخرتهم وعندهم ذمه وضمير ما سوو شذي
في بعضهم استغفر الله صلاه ما يصلي لا ويتكلم عن الدين يعد قطع
صرت اكرهم الريايل
الله يهديهم غصب عنهم

 

[!! D m i r a a !!]

المشبه

سعاد

تيجان

ياحبني له


يعطيكم العافيه ع المرور

بس مهما كان لازم لازم لازم الزوجه تكون ايجابيه بحل المشكله وحية قلب وماتسكة ولاترضا بالخطا

لي متى الوحده تتحمل ؟ وتصبر ؟ وسي السيد الله بالخير ولا داري عن هوى دارها ؟

 

[Tejan]

حبيبتي تيجان مو كل الرياييل مثل بعض ياعمري الله يخلي لج ريلج واهل ريلج فعلا في ناس ما تقدر لو تمدحين نفسج قباله بيقعد يطتنز وبتصير السالفه عناد واخرها هواش وزعل ,, عموما اغلب الحريم اللي يطلعون عيوب بنفسهم على قولتج قبال الريال قصدهم انه يعكس السالفه يعني مثلا تقوله شوف شعري شلون ناشف ولا متقص واهي متوقعه انه يقولها لا حياتي شزينه يهبل ويقوم يدلعها ويمسح عليها طبعا هاذي كلها احلام ماتصحى منها الا لمه يرد عليها اي صح كلامج شعرج جنه سيم اماعين
ولو بننطر الريال يودي لبسنا المصبغه لا بالله خاسو الملابس واهو للحينه يفكر ههههههه

سووووسووو :eh_s(21):

سعاد حبي والله ادري مو كلهم سوى و زوجي مو ملاك ابدا :lkmnkl:

بس حتى لما تطالعين نفسج بالمنظرة وكلج ثقة و تطالعين عمرج باعجاب جدامه جنه مو موجود
والله لو يتطنز بس يظل هالموضوع في باله

انا ريلي الله يهداه عيونه زايغة لما اكون معاه اقوله عليك بالعافية بس صدقني لما تطالع انا ترى بعد يطالعوني !
بس بليز مو جدامي عيب احد يشوفنه و ينقد عليك :denya: والله الموضوع صار سخيف و ماكبر و قام يستحي يخز و انا يمه

و رفيجتي جربت شي مع زوجها تقول اذا شفته يخز وحده اقوله اي وحده لا ويييع ذوقك ما يعجبني لا هذي احلى <-- حدها قوية :gr4uu:

و على المصبغة او طلبات اليهال خليهم يتصلون على ابوهم و الله شوي صعبه اول فترة عقبها يتعود
اممم بقولج شيئ يضحك .. انا احط في بالي لما ابي اعود زوجي على طبع جني اعامل يهال شلون اتعودينه ينام بفراشه او انتو بكرامة تعلمينه يستخدم الحمام لووووووووووول يبيلها صبر و طولت بال :dfgl:

بس انتي حددي اولوياتج .. وحدة من رفيجاتي ما تحب تروحه الجمعية بدون زوجها و تقعد ثلاجتهم مصفرة اسبوع و السبة انه مطنش
انا عكسها احب اروح بروحي يضايقني لما ايي معاي احس ما اعرف اتسوق براحتي و يناشبني هذا احسن و هذا ليش !!!

 

[!! D m i r a a !!]

روان



الله يسمع منج حبيبتي ويهديهم

يعطيج العافيه ع المرور:eh_s(17):