لـــو لاسمـــــح الله ريلـج..................؟

[أنثى لان تتكرر]

بنات لقيت هالسؤال في منتدى وحبيت اخذ رايكم فية



لو كنتي متزوجة وعندك طفلين وانتي في مقتبل العمر






وفجئة

.






.






.



.





.




اصيب ريلج بعحز جنسي غير معروفة اسبابة وعالج لكن ماكو فائدة وصارحج بالوضع

تجلسين معاة ؟؟؟

.

.

.



*بنسبة لي راح اجلس معاة لان الجنس مو كل شي ودام عندي طفلين الحمد الله نعمة​

 

[DooLy88]

مادري - يعني اذا كان العكس وصار العجز للزوجة - هل الزوج بيتنازل عن حقوقه ؟
يا راح يزني
او يحط وحدة على راسها
او يطلق

صج ان الجنس مو كل شي بالحياة الزوجية - لكن على قولت ناعمة الهاشمي اهو اهمممممممم مقومات العلاقة الزوجية ومن الاولويات يعني
ويبقى حق الزوج على الزوجة والعكس صحيح يعني يمكن يقول الجنس مو بس حق العيال ابي استمتع بحياتي لوول

بس لو كان يحبها اكيد بيصبر - وهني اقول: لاني خذت زوجي من عقب قصة حب طويلة ولانه ضحى واااااااااااايد بأشيا وتعبنا ليما تزوجنا - اكيد بصبر عليه اما لو كنت ماحبه وجايفه معاه الويل والقهر والظلم - بقول الحمدلله يات منه واطلب الطلاق - ظالمني ومو ماعطني قوقي بعد ؟ ليش اقعد معاه

وبســ

 

[DooLy88]

بصراحة مادري ليش احس ان المرة او (اكثر النسوان) بتصبر على مرض زوجها
واحس ان الريال ماراح يصبر وراح يخون او يطلق او يتزوج 2

واحس ان الزوج يحب الجنس اكثر من المرة - وممكن يغلط لو زوجته ماعطته حقه - والا ليش الزوجة تنلعن اذا ماعطته حقه ؟

يمه منهم هالرياييل مشافيح يموتون على هالسوالف

 

[أنثى لان تتكرر]

بصراحة مادري ليش احس ان المرة او (اكثر النسوان) بتصبر على مرض زوجها
واحس ان الريال ماراح يصبر وراح يخون او يطلق او يتزوج 2

واحس ان الزوج يحب الجنس اكثر من المرة - وممكن يغلط لو زوجته ماعطته حقه - والا ليش الزوجة تنلعن اذا ماعطته حقه ؟

يمه منهم هالرياييل مشافيح يموتون على هالسوالف

صاجة والله سبحان الله احنا اكثر صبر منهم لكن ما يبين بعيونهم مع كل اسف..مشكورة عيوني على حضورج

 

[UNICORNA]

الجنس مهم جدا

واهميته تختلف من واحده لاخرى

علاوه ان قوه الحب تختلف من واحده لاخرى

يعنى لو واحده تحب الجنس وعلاقتها بزوجها عاديه او الحب عادى بينهم طبيعى جدا انها تتركه وتتزوج وهذى سنه الحياه


لان الحرمه تحتاج للجنس مثلها مثل الرجل فأما بتصير عصبيه وتغثه او راح تخونه او تتطلق فأحسن شى تتطلق

ولكن لو واحده تحب زوجها جدا وتحب الجنس او الجنس عندها عادى

وتقدر تتنازل عن الجنس فسبيل انها تقبل فقط حبها لزوجها طبعا ماراح تتطلق

وممكن تكتفى بوجوده بحياتها وهذا طبعا لو انه زوجها من الاول يعاملها بحب ويعطيها عيونه وفى قاعده قويه وعاطفيه بينهم

وهكذا

 

[fdeet_shosho]

اى اقعد بشرط يصارحنى فيه ويحاول يعالج وانا مستعدة اقعد طول العمر واهم شي مايخون يعنى مايعوض عجزة برا ويروح يخون بالتلفون او النت

 

[روحي ابوي]

كأنج تسولفين عن خاالتي ،، قبل30سنه صار في زوجهاا عجز جنسي وتحملت وتصبرت
وكان عندهاا بنتين وتمت عشر سنين ونااس موعارفين عبالهم انه من خاالتي ،، لين يااا الوقت وزوجها اعترف
والناس درت انه منه العيب وخيرهااا انه ايطلقهاا واهي رفضت وعاشت معاه،، واللحين ماشاالله عليهاا زوجت بناتهااا
وصاااار عندهاا احفاااد ،،

 

[غيوره ومغروره]

بصراحه اذا اهوا ريال زين وطيب ما ابيعه واخليه حتى لو خلاني
واذا مو امقصر علي بشي راح اتنازل عن هالشي

 

[زهراء الركابي]

رد : لـــو لاسمـــــح الله ريلـج..................؟

ة_ة

 

[DooLy88]

فديت شوشو << صاجة

صح احبه واموت فيه وقعدتي معاه اهم من الجنس - لكن اكيد لازم يواصل العلاج علشان نكمل حياتنا مثل باقي الناس ويمكن هالشي يأثر بصحته وبعدين الحمدلله الطب تطور سوا عندنا او بالخارج

وفعلا مثل ما انا قلت لو احبه اكيد بصبر - بس لو كان ملوع جبدي والحب بيني وبينه عادي "طلااااااااق"

جاوبت 3 مرات - ان شالله تفهمون وجهة نظري لوول

 

[أنثى لان تتكرر]

في وحدة من البنات في المنتدى الي نقلت الموضوع منة

تقول راح ابقى مع ريلي لو عشان اعيالي بس بعيش بمشاكل سئلناها ليش

قالت اذا كان عاجز جنسيا ومو قادر يقوم بحقي بالشرعي

راح يشك بكل حركة انا اسويها لانة عاجز ومقصر معاي هو عارف هالشي

بس تبون الصج في هالنقطة انا معها ​

 

[ريتااجي]

رد : لـــو لاسمـــــح الله ريلـج..................؟

اي اجلس معاه ابيه يربي عياله ويكونون جدام عينه

 

[صدفه!]

لو لاسمح الله حصل هالشي اكييييد بقعد معاه يربي عيالي ويضفني وين بروح انا وعيالي؟؟؟؟
وماراح اسكت عم حقي بانجاب اطفال راح الجا للتلقيح الصناعي او الحقن المجهري واعبش معاه حياه طبيعيه
واصبر وادعيله

 

[@نداوي@]

رد : رد: لـــو لاسمـــــح الله ريلـج..................؟

في وحدة من البنات في المنتدى الي نقلت الموضوع منة

تقول راح ابقى مع ريلي لو عشان اعيالي بس بعيش بمشاكل سئلناها ليش

قالت اذا كان عاجز جنسيا ومو قادر يقوم بحقي بالشرعي

راح يشك بكل حركة انا اسويها لانة عاجز ومقصر معاي هو عارف هالشي

بس تبون الصج في هالنقطة انا معها ​

:nbvppw:

كلامج سليم ..
وانا بعد أأيدكم الراي ..​

:nbvppw:

 

[آنا من دونك أندمر]

رد : لـــو لاسمـــــح الله ريلـج..................؟

إذا لا سمح الله صار هالشي.. أقعد معاه>> مع ان ماعندي عيال>> الله يرزقني الذريه الصالحه ويرزق كل محرومه انشالله
الحب يغطي وايد أشياء.. وبعدين في أشياء تغطي عالجنس.. اللي انا اسميها >> المقبلات>> انا برأيي هذي تغني عن الجنس.. وميرسي انثى عالموضوع الذي لن يتكرر>> لوووووووول

 

[زمزم 2010]

رد : لـــو لاسمـــــح الله ريلـج..................؟

بالنسبة لي ماعندي مشكلة لأني شاريته هو ومادام مرتاحة معاه فالجنس آخر أولوياتي ..... بس الحقيقة المرة هو إن الرجل مهما قال إنه راح يضحي ويخليها عنده وماراح يتزوج عليها فهذا كلام ماخوذ خيرة مصيرة بيمل لأن الجنس يعتبر بالنسبة للرجل حياة ومتعة غير وماراح يفلاط بهالشي.

 

[أميره الدوسري]

رد : لـــو لاسمـــــح الله ريلـج..................؟

البنت اذا تحبه أكيد بتظل معآآه

 

[جـــواهر]

لا طبعا
الطريق جدامي والجنس شي مهم
ولو العكس جان شاتني زي الورده

 

[بنكوووو]

!!!!!!!!

 

[tannooona]

اكيد مااتخلى عنه لان اللي تحب زوجها ماتخلى عنه مهما يكون .
تصدقون مره زوجي سالني لو اصير مشلول وعاجز عن واجباتي الزوجية تخلين عني رديت عليه وقلت مايفرقني عنك الا الموت. تدرون شنو رده .... يقولي لا ااكيد ماتحملين .
لان صج هالشي صعب : الله يحفظ ازواجنا من كل شر