لعيون هموسة برنامج الحملة للعناية بالجسم حيآآآكم ~

[بنت بني تميم]

بسم الله الرحمن الرحيم
بنآآآآآآآآءاً على طلب الأخت همسة الأحاسيس إني أكتب شنو الخلطات اللي بسويهم حق حملتنا
راح أكتب لكم برنامجي اليومي اللي بسويه إن شاء الله
والفضل يعود بعد الله للأخوات الكريمات في هذا المنتدى الرااااااااااائع والمميز والفريد من نوووووووووعهـ ^ـ^

بسم الله على بركة الله نبدأ :






العناية بالأرجل :

كريم جلسوليد + عصير ليمون >> قبل النوم ..
صابونة دوف مبشور ملعقه صغيرة + جلسوليد ربع ملعقه + فازلين ربع ملعقه + عصير ليمون
يخلط مع بعض ويوضع على الأقدام لمدة ساعه ثم يغسل بالماء ويفرك بالحجر الأسود ويغسل بالصابون السائل >> أخذتها من عضوة بمنتدى عالم حواء اسمها عابرة سبيل ..
أحياناً اسنفرهم بسنفرة كاب .

العناية بالوجهـ :



ماء ورد مخلوط بدم الغزال / اسكينول ليمون لما ارجع من الدوام امسح وجهي ورقبتي / ماء ورد أبخ فيهـ على بشرتي





أحياناً أقشرهـ بمقشر المشمش /
أو استعمل الغسول exuviance
واقي عن الشمس من سيباميد
كريم النهار من أولاي
كريم للهالات السوداء من لوريال أو هملايا
لحب الشباب ديلاسين دي
خلطة الملاك للهالات السوداء
كريم جونسون مرطب للوجه أستخدمه بالبيت ..





العناية بالأسنان + الشفايف :
خلطة مس واوا >> مثبت فوق
إضافة إلى بعض مكونات أنول
( بودرة دم الغزال + زيت القرفة + زيت النعناع )

وفازلين الصباح أمسح على خفيف للترطيب فقط ..

العناية بالجسم :





الخلطة الصابونية لأنل لكن بعض الصوابين ماحصلتها
هذا رابط الموضوع تبعها
http://www.q8yat.com/t763037.html


ماحصلت غير صابونة بلوك اند وايت بابايا وصابونة أحماض الفواكه وأضفت عليهم صابونة البابايا 4×1 وصابون غار وصابونة كركم
والباقي سويته مثل ماهو
من جد رووووووووووووعهـ تعطي الجسم نعوووووووومة واااااااااااو
أما الباقي اشتريته من تاجرة بالسعودية تبيع المجموعه المغربية كاملة اخذتها كلها وشريت من العطار صابون مغربي
واحياناً أحط على جسمي سدر + زبادي >> شي من جد
أو سنفرة المشمش + حليب بودرة + ماء عادي للعجن + طيحنة
يـــــتــــــــبـــــــــــــع ،،

 

[بنت بني تميم]

العناية بالمنطقة الحساسة :



كريم كينا كومب وكريم ما ادري ايش اسمه ^ـ^ وكريم سودو يعني للحالات الطآرئة أحياناً يطلع لي حبوب ~
خلطة أنل للتفتيح والترطيب
هذا الرابط :
http://www.q8yat.com/t641665.html


للأمااااااااانهـ كريم درابولين منعوه بصيدليات المدينة ما ادري ليش هو كل السعودية أو لأ
فأضفت بداله كريم سودو على نصيحة أنول

الكريم اللي بعلبة فازلين الأطفال
نص العلبة فازلين أطفال
شوي زيت خروع + جلسرين سايل + لوز حلو >> المر ماناسبني
واحطها بعد الاستحمام ^ـ^






العناية باليدين :
مقشر الروح الخجولة من منتدى عروس ( فنجان سكر + شوي فازلين الوردي + شوي من زبدة الكاكاو حق البشرة الجافة )
كريم حور الجنان ( زبدة الكاكاو بالمرز + ماء ورد + جلسوليد )
فيهـ كريم من العضوة الغلا من منتدى حيادر
مكوناته ( طبعاً نسخت كلامها )
المكونآت :


كوب مآء ورد آو زهرر

ملح الحليب اليوكو ( آنا خذيت الوردي لآن صابونتي دوف ورديه وحبيت اطقم معاها هههه )

3 ملآعق آكل بودره بيبي جونسن

3 ملآعق آكل فازلين

3 ملآعق آكل كريم جلسويد الآحمر

فنجآن القهوه زيت لوز المر ( المر مو الحلو )

فنجان القهوه زيت جلسرين السآئل

3 كور من سفيد آب


سنفررة مشمش

صابونه دوف الورديه



إلطريقـه :

1- آول شي نبشر الصابونه بمبشآره الجزر

2-نحط بالخلآط كل المكونآآآت مآعدآ ( ملح الحليب + سنفره المشمش )
بلييزز لآ تنسون حطي كل المقآدير بس هالشغلتين لآ تحطينهااا اووكيي مو تقولون مآآعلمت

3-بعدهآآ نحط المقآدير اللي خلطنآهآآ بصححنن وشوفو شلون صآآيره سآآئله / شحلآلآت ريحتتهااا تشهووي هههههههه ودج تآكلينهاا ونحط فوقهاا سنفره المشمش مع ملح الحليب

4-نحطها بعلبه ونخليها عند المغسله

وهي رآآح تكون كميه كبيره آقسميها على علب ووزعيها عند كل حنفيه في بيتكم يعني عند كل مكان تغسلين آيدج فيه


إلاستخدآم :


مجرد تآخذين لج كميه وتفركين فيها آيدج وبعدها غسليها بالماي وشوفي شلون آيدج رطبه ونآعمه وتجننن وآآي مو صجج

من حلآتها تقعدين طول الوقت تلمسينهآآآآ ومع الآستمرآآر كل آلنآس بتسآل عن آآيدج شنو تحطين عليهاا



الأكواااااااع :

خلطة من أنول الله يجزاها الجنة
عبارة عن اسكينول كلاسيك _ فيتامين سي الفوار - نشا
أمسحها بالقطن






السنفرات :

استخدم سنفرة جاهزة من تاجرة أخذتها من السعودية ماشاء الله حلوة تنعم الجسم
وسنفرة تعلمتها من أنول الله يجزاها الجنة من بودي شوب
أضافة إلى سنفرة كاب + ملح اليوكو


العناية للخطوط البيضاء :

خلطة ماء ورد الله يجزاها الجنة
إضافة إلى مكونات أنول الله يحرم جسدها عن النار وزيادة مني حاجتين :
زبدة الكاكاو زبدة الشيا الخام + زبدة المانجو >> من تاجرة بالسعودية أخذتها منها
زيت جنين القمح + خل تفاح حطيت شوي + لسان البحر كريم الكولاجين
هذا اللي يحضرني الآن ~


العناية بالركب :

خلطة مناير بنت حمران النواظر من منتدى عروس
اللي لون الغطاء أصفر مكوناتها
ملعقة جلسرين سايل - ملعقة كركم جسم - ملعقتين فازلين - ملعقتين ملح الليمون
تفركين الركبة فيها وتخلينها ساعه أو ساعتين ثم تغطينها بكيس نايلون ويغسل ويمح بمناديل

بعدها نحط الكريم اللي لون الغطاء بني مكوناتها
ملعقتين مقشر المشمش ( اذا ودك حطي كريم كاب انا ماعندي واذا شريت قريب بحطه ) -ملعقه ملح الليمون - ملعقه ملح الحليب - ملعقه سدر - ملعقة كركم تقدرين ماتحطينه
تفرك لمدة 3 د ثم يغسل ويمسح
ثم توضع الخلطة الثالثة اللي بعلبة زبدة الكاكاو بالمرز مكوناتها :
2 -3 ملعقه بودرة جونسون للاطفااال (اخذت اللي باللافندر عشان ريحتها عاجبتني وانتي اختاري اللي يريحك ) - 1 ملعقه سفيد اب مطحون - ا غطاء زيت جنين القمح - 1 ملعقه جلسرين سايل - وعلبة فازلين الاطفال
وأضفت عليهم زيت الليمون + زيت اللوز الحلو + الخروع
وفي الصباح أدهنه بكريم ريفير تكلمت عنه واحده هنا نسيت اسمها بس عايلتها من القحطاني >> أعذريني حبوبة




هذول ترطيب للجسم بعد الاستحماااااااااام ..
وبسسسسسسسسسسسس ^ـ^


أتمنى أن برنامجي يعجبكم ولاتنسوووووووووني من صالح دعآآآآآآآآآآآئكم ..


ترى تعبت بالتحميل والكتابة وتركت شغلي علشان أكتب برنامجي لعيون هموسة وبنات حملتنا وللي بالمنتدى

محبتكم :

ضحية أحلامي ..

 

[بنت بني تميم]

نسيت اقول لكم
الشعر زيت التحدي الهندي + زيت أمول مع الأعشاب وصلت لي الحمد لله
إضافة الى خلطة ثوم + مجموعة زيوت

 

[مدمنة خلطات]

مااااااااااشااااااااء الله عليك

الله يتمم عليك يارررررررررب وتوصلين للي تتمنينه

 

[مس نانو]

مشاءلله برنامج كامل و متكامل

يعطيج الف عافيه حبيبتي

 

[Killer^Girl]

ماشالله
عليج بالعافيه

 

[دلوعة المنتدى]

ماشاءالله مشكوووووره حياتي

 

[ليش ساكت]

يعطيج العاااااااااااااااااااااااااااااااااافية ماشاءالله تبااارك الرحمن

 

[آمول~]

مشكوووووووووووره

 

[latteh]

ماشاء الله ، عنآيه كامله
موفقه يـ قمر .. بلغينا بالنتائج

 

[شذونه]

مشاءالله الله يسعدك ممكن سؤال
لوشنات جسمك من ضمنهن مرطب من ستيفز من متى تستعملينه وكيف النتيجه لاني تو مشتريته ارطب وجهي فييه

 

[حلاتي غير]

حبيبتي صغري الصور شوي ويعطيج العافيه

 

[noo77noo]

يعطيـــــج العافيــــه​

 

[بدون نيك نيم]

مشكوووووه

 

[sousouna]

بارك الله فيكي جدول حلو ومنظم ماشاء الله الخلطات متنوعة ان شاء الله توصلي للنتائج اللي بتتمنيها

 

[همسة الاحساس]

تسلميييييييييييييين ياقلبي على الموضوع ربي يوفقك




ماشالله تبارك الرحمن


< لي رجعه

 

[بنت بني تميم]

مشاءالله الله يسعدك ممكن سؤال
لوشنات جسمك من ضمنهن مرطب من ستيفز من متى تستعملينه وكيف النتيجه لاني تو مشتريته ارطب وجهي فييه

هلا قلبي كريم الكولاجين من ستيفز توني باديه فيه والله
مالي غير مرتين أو ثلاث مرات تقريباً

 

[بنت بني تميم]

حبيبتي صغري الصور شوي ويعطيج العافيه

حبيبتي وشلون أصغرهم ؟ :eh_s(10):
ما اعرف ~

 

[بنت بني تميم]

لكل من مر هنااا
أشكركم كل الشكر وبارك الله لكم في جهودكم
هموووووووسهـ حياك قلبي الموضوع موضوعكـ
اي استفسار انا تحت أمرك ياقمر

 

[#تولين#]