لعيونها - لم تكتمل بعد لـ الفنان خالد

[السكوت جروح]

يمكن عرفتي من أكون !! أنا الألم اللي يجي في لحظة الصمت الرهيب .. إذا غدر فينا حبيب؟! وإذا أختلط فـ عقولنا هذا قدر وإلا نصيب.!؟ لآ ما عرفتي من أكون ! ممكن أوضح لك شوي؟ .. أنا الضمير اللي بكى .. أنا الكبير اللي شكا .. وما بينهم أنتِ معي ! ولا تسأليني من أكون .. داخل على رب العيون .. خلي محطات العمر .. ترسي بسكينة ,, و سكون.

ابختصر هالسلفة .. !! لأنك : ما عرفتي من أكون .. ما بي مشاعر أو قلوب .. إذا امتلينا بالعيوب .. ويمكن نتوب أو ما نتوب !!
.. وإذا فهمتي وش كتبت .. اببتديك بسالفة .. ما هي ابد مثل السوالف يا كذوب !! .
لا تجرحين اللي مضى .. لا تقطعين اللي بقى .. وما بينهم شمعة تذوب !! تنور الدرب لغريب .. وصفحة عمر ابتنطوي .. إذا عرفتي وش أبي .. وإذا عرفتي وش تبين ؟! اببتديك بسالفة .. ما هي ابد مثل السوالف يا طروب !!.
أنا محطاتٍٍ كثير .. فيها مشى أعمى بصيرة ... أو بصير .!! فيها بكى شيخ كبير .. فيه ضحك طفلٍ غرير .. فيها الأماني تنتحب تبكي على أيامنا .. تباعدت أحلامنا.. تذرف دموعٍ يا عبير ..!
.. و لا تجرحين اللي مضى .. وتمسكي بـ اللي بقى .. لو أنها قطعة ورق .. حنا انخلقنا من علق .. ويا للآسف تكابرت أنفوسنا عـ اللي خلق.!!؟ رحمتك يارب الأنام .. ارحم غريبٍ ما ينام .. وإذا غفى .. إذا غفى .. جتني هواجيس العرب .. تعزف لي أوجاعي طرب .!!؟
.. هذي بداية رحلتي .. كتبتها للي قرأ .. مثلتها بشئ جرا .. وإذا عرفتي من أكون .. أبسألك؟ .. كيف التأني بـا لجنون .. !؟! يمكن عرفتي من أكون .. أنا الصديق اللي وفا .. أنا الغريم اللي وفا .. أنا الوحيد اللي رسم .. ملامح وجهك يا وفا ..
تتذكرين.!؟ يومنك كنتِ تسألين .. في مرسمي .. وسط الخبر .. وشلون ترسم العيون؟ .. و فجاءه أسكتت أحلى شفاه .. فجاءه أذبلت أغلى جفون .. وكانت الحيرة سؤال!! أشم في ثوبك عطر.!! ما هو أبد مثل العطور .. ممكن تبين من تكون.!؟ أتذكرك .. وأتذكر دموعك بعد .. وأتذكرك قلتي بحزن .. ارسمني ودموعي معي .. وأتذكر إني قلت لك .. وش السبب؟ تتذكرين اللي أنكتب .. بخط النسخ .. إيه النسخ .. ولو تبين أحلف بعد .. كتبت لك .. أقسم قسم .. وكثر الذي زاروا العتيق .. كثر الذي خانوا الصديق .. وكثر الذي بـ أعمارنا .. من هم وهمومٍ وضيق .. إن العطر .. إيه العطر .. لزوجتي!! ... تتذكرين اللي حصل ... وقلتي لي بنبرة ملل ... ارسمني ودموعي معي ... حتى أنا ودي على طول العمر مثلك بعد .. أتذكرك ... ودموعي معي!
لآ .. ما عرفتي من يكون .. ولو تسألينه عن هدب في رمش ذياك العيون .. بيجاوبك .. ويقول لك .. .........و للحديث بقية.

03/1999​

 

[{ سُـgد إلعَيـُـgن ..!]

{ .. ~ ..................................





تسلـمين ..





.................................. ~ .. }

 

[السكوت جروح]

ربي يسلمك ​

 

[رآء يآء ميم]

كلمااات راااائعه*
ابدااع و تميز*

لفنان خالد منهو ؟؟؟

 

[غريبة بطبعي]

روووووعه


يسلموووووووووووو..

 

[دانه عبدالله]

كلمات اكثر من روعه .. مجهود تشكرين عليه ..
وننتظر المزيد