لعوزني هالولد رفع ضغطي

[Amera 7elwa]

:eh_s(4):السلام عليكم

ولدي عمره 12 سنه يجينيي كل يوم من المدرسه شكله مطقوق ويوم اساله اشفيك يقول مافيني شئ ومحد طقني وبعدين يتصل الاخصائي ولا يخبروني الاولاد من اهله انه الاولاد في المدرسه دايما يطقونه ومحد يحبه و ساكت ما يدافع عن نفسه وما عنده ربع وفالعمر احس نادر القى واحد بارد نفسه اعوذ بالله


شو الحل لعوزني كل مره اعلمه اقوله الي بيطقك طقه وخبر الاداره

تعبني

 

[ميرور]

اول شي لازم تكسبين ثقة ولدج عشان يكون صريح وياج ،،،


اتذكري طفولته ؟؟

هل كنتي قريبه منه وايد ؟؟
شو علاقته مع ابوه ؟؟
كنتي تسمعين له يوم هو صغير ؟؟
تاخذين وتعطين معاه ؟؟



راجعي نفسج لانه الولد يتأثر باللي حوله ،،،


حاولي تيلسين وياه كانج واحد من ربعه ،،، سولفي وياه وخبرييه عن موقف صار لج
وبعدين اسئلييه منو ربعك في المدرسه ؟ تحبهم ،،، الخ استدرجيييه في الكلام

حسسيه بالامان عشان يصاااارحج ولدج بيدخل سن حرج حاولي تكسبينه ،،،


واسئليه عن علاقته معاكم ،،، كيف يحبها تكون ؟؟ هل هو مبسووط ومرتاح من عائلته
اسئليه شو تتمنى





مابي اطول علييج بس خلاصة كلامي

" اتقربي من ولدج عشان تقدرين تفهمينه"






اخاف يكون مار علييه موقف مأثر علييه ومخلنه سلبي

 

[kuwaitya_zoGaa]

حبيبتى لازم تتقربين من ولدج وايد وخليه يحس بالامان وروحي حق الاخصائي وخليه اييب الاولاد جدامج وجدامه ويزفهم
ولازم تفهمين شغله انه فى اولاد ما يعرفون يدافعون عن نفسهم وانا انصحج انج اتدخلينه دورات كاراتيه او الدفاع عن النفس ولا تستكتين عنه لا حاولى فيه باجر لا صار ريال راح تطور مشكلته عالجيها من الحين

 

[توتا الكتكوته]

حياااااااااااتي مسكين فديته ليش محد يحبه ؟؟ بهالعمر الطفل حساس بعد جم سنه مرحله انتقال من الطفوله

الى المراهقه طبعا من الصعب يقولج يمكن لانج مو قريبه منه او فضيحه اي شي يصير له طقيتي علم

عند الجيران والاهل والابو

دايم الطفل يحب انه امه ملجأ اسراره انا امي لما كنت ياهل تدرين شنو صار فيني وظليت 3 ايام ما اقول

لها والسبه انها فضيحه وتعاتب وغيره

لما اهي اكتشفت ايدي على الغدا كانت طايحه علي حديده بالمدرسه كنت برفعها مع البنات وهدوها على ايدي

واصابعي وارمه طول الليل متخيله ياهل ب 3 ابتدائي ما ابي اقول

لما صار الصبع اسود ايماااي شافته وودتني طبيب ضمدوه ايام وتعالجت اصابعي مكسره متخيله ؟؟؟

كنت بعد 10 سنين اصغر من ولدج