لعشاق دبي .. ممكن مساعدة ..

[g76aniya]

صباح / مساء .. النفيش ..

بنات حبوبات شخباركم جميعا ؟

انا ان شاء الله اذا الله كتب ..

بسافر بعطلة العيد بروح الامارات ..

أبي شقق فندقية اسعارها معقوله ..؟ وقريبة من دبي حتى لو بالشارقة ..

وين أحلى الاماكن بدبي .. ؟ وتسوى نروح لها .. ؟
مابي مكان فيه زحمة ولويه وضياعة وقت ..
اب مكان لا رحت له استانس واغير جو ..
ابي احلى الاماكن حق التسوق .. واسعارهم معقوله ..
شنو المطاعم الغريبة واكلهم زقرتي ..
ملاهي .. مولات .. وكل شي حلوو ..

بنات لا تقولون لي شوفي هالرابط .. ولا هالموضوع .,.

انا ابي شي مجرب .. ويزاكم الله الف خير ..


<< ماخلت شي هههه ..

يلا بنات همتكم معاي ..

وشكرا مقدما ..
واللي ماتعرف اماكن ... ياليت بس لو رفع للموضوع عشان غيرها يفيد ويستفسد ..​

 

[choco kitty]

رد : لعشاق دبي .. ممكن مساعدة ..

انا ماعندي خبره بس برفعه لعيونج الحلوه

 

[منيرة خالد]

هلا اختي


تستاهل دبي دار الحي الزيارة :3lm1:

بالنسبة للسكن انصحج بفندق النجوم شقق فندقيه ومقابله لمجمع حمرعين >>> وطبعا في موقع لحجز الفنادق تقدرين تأخذين فكرة عن الاسعار


بالنسبة للسياحه والتسوق وااااااااااااااااو كل دبي حلوه

كل مجمع فيه العاب لليهال ومطاعم ومحلات حلوه للتسوق


بس لا تطوفين مجمع الامارات مول واللعب بالثلج والسينما والمحلات طبي وتخيري فري على راحتج (( انتي ما حددتي شنو تبين تشترين بالضبط ))


وعندج الحين مجمع دبي مول ومتصل معاه برج خليفه الصعود فيه وتشوفين دبي تحتج عجيب

طبعا المجمعات كلها حلوه وتستاهل الزيارة ​

 

[g76aniya]

ماعندي شي معين ابي اشتري ..
بس احب اتفرفر واتشرى ..
يعني اكسسوارات .. ملابس طلعات .. بجايم .. جواتي ( وانتي بكرامه ) .. عطور .. جناط .. ساعات ..
يعني رايحه وبجيل من يديد ..

مول ميركاتو وبرجمان .. حلوين ؟؟ شفت صورهم .. بس مادري احسهم وايد كلاس خصوصا ميركاتو ..

 

[g76aniya]

وبخصوص فندق النجوم ..
تقصدين نجوم الامارات ؟؟

 

[g76aniya]

up...

 

[ليدي دبي]

هلا حبوبه
احسن شي تحجزين فندق بمنطقه ديره هذي بوسط دبي
عندج فندق السوفتيل سيتي سنتر ... وعندج شقق فندقيه فلورا جريك ... وفندق كارلتون تاورز دبي وفيه نفسه بجميراا بس جميراا بعيده
عندج دبي مول يكفيج عن كل المجمعات .. فيه اكواريوم واذا معاكم يهال فيه مدينه الالعاب كيدزانيا وعرض النافوره الراقصه كل يوم بعد المغرب وكل ربع ساعه يكون فيه عرض جديد
وعندج سوق البحار لازق بدبي مول وتصميمه تراثي ويستاهل الزياره
بالنسبه للمطاعم والكافيهات دبي مول نصه بس مطاعم وكافيهات وااايد عندج مطعم لبناني اسمه الحلاب اكله وراقي ويعتبر من افضل المطاعم اللبنانيه بدبي ... وعندج كافيه ارماني وكافيه فوتشون في قسم الماركات وعندج بالطابق الارضي اللي اهو السرداب مطاعم وكافيهات ومحلات ككاو وهذا كله بدبي مول

ماله داعي تروحين ميركاتو وبرجمان ما فيهم شي

عندج دبي فستيفال سيتي بما انج بتين بالعيد فالجو بيكون حلوو .. المجمع هذا فيه قناه مائيه بالوسط ومراكب وقعدات للمطاعم والكافيهات براا قبال الماي

وعندج القريه العالميه احتمال تكون فاتحه بالعيد انا ببلغكم بس يعلنون عن افتتاحها


وحيااج الله بدبي

 

[ليدي دبي]

وفيه مجمع يديد فتحوه بدبي من فتره اهو سيتي سنتر اليديد واسمه مردف سيتي سنتر فيه مدينه العاب حلوه حق اليهال ويستاهل الزياره واذا تبون مطاعم فيه عندج مطعم صيني ناسيه اسمه بالطابق الارضي لونه احمر بيكون قبال مطعم ال فورنو الايطالي ... المطعم الصيني هذا اكله حلوو ويعتبر من افضل المطاعم الصينيه بامريكا ... وبعد مطعم ال فورنو حلووو ومطعم جابنغو ...

 

[ليدي دبي]

اي وبعد نسييت عندج قريه البوم السياحيه ممكن تحجزون بوم فيه بوفيه عشا عالبحر والرحله مدتها ساعتين فيه رحله الساعه 8 ونص ورحله الساعه 10 ونص

واذا حبيتوا تتعرفون على تراث الامارات والاكل الشعبي ممكن تزورون قريه التراث وقريه الغوص بمنطقه الشندغه بدبي

 

[g76aniya]

يابعد الزين انتي .. .

ماقصرتي حبوووبه .. والله يجزاج الف خيير ..

واللي يعرف بعد لا يبخل علي .

 

[g76aniya]

up up up

 

[عثوله دبي]

رآح اساعدج اختي قد ما اقدر ..
انا رايي من رآي اختي ليدي دبي ماقصرت .. امم تقدرين تحجزين بفندق فلورا بارك .. بشكل عام العيد رآح يكون زحمه بـ دبي بس ان شالله تقضين وقت حلو ..
اهم شي تروحين دبي مول فيه كللل شي حلو و يعجبج ان شالله انا حسب ما اشوف الكويتيين فديتهم ميتين عليه .. فـ دبي مول فيه مطعم اسمه الاماكن .. لبناني حييييييييل احبه نظيف ورآقي .. بتلقينه هنـآك
ايضـآ عندج مردف ستي سنتر .. فيه اكثر من ركن للمطاعم و سينمات عالميه و العاب و كل شي و اتوقع بالعيد رآح يكون فيه فعاليـآت و عروض ..
ان شالله القريه العالميه تكون مفتوحه .. اذا كانت مفتوحه روحي لها هذي من اهم المهرجانات فـ دبي ..

و اذا سكنتي بفلورا بارك تقدرين تروحين الستي سنتر مشي .. و عندج هالمكان قريب من محطة المترو تقدرين تروحين لـ مول الامارات بـ ربع سـآعه .. و تقدرين تروحين لـ برجمـآن بعد ..

وحيـآج الله فـ دبي :* !

 

[dubai 1]

شوفى مثلما قالوا الخوات اسكنى وراء برجمان
وبالنسبة للاماكن عندج ستى سنتر حلو ما فية ذحمة - لامسى - عندج الفستفال ستى - روحى قرية التراث جريب من برجمان
لا تنسى تروحين سوق نايف الشعبى - وحذالة سوق عكاظ وبجانبة سوق المنال -سوق المرر كله خياييط - مينا بازار بعد حلو -
فى الشارجة طبعا من غير المراكز هنالك الاسواق الشعبية
السوق الجديم - مركز سارة
سوق السور للاقمشة
سوق المركزى ( ذهب - عطور -مكياج -خامات

 

[لوازم العائلة]

تروحين بسلامه
البنات كفوو وفووا
انا جربت وايد بس الي ادكره لج شقق فندقيه ارجان روتانا وفلورا بارك
مع زوجي كراون بلازا فيستيفال سيتي رومانسي خصوصا بليل لما كل شي يسكر نروح نتمشى
مدينة الجميرا الي يسمونها البندقيه والله انها احلى من البندقيه ووايد رومانسيه
ان شاءالله تلحقين على قرية العالميه حدها ونيسه
في وايد اشياء ناسيتها

 

[لوازم العائلة]

اي وبعد نسييت عندج قريه البوم السياحيه ممكن تحجزون بوم فيه بوفيه عشا عالبحر والرحله مدتها ساعتين فيه رحله الساعه 8 ونص ورحله الساعه 10 ونص

واذا حبيتوا تتعرفون على تراث الامارات والاكل الشعبي ممكن تزورون قريه التراث وقريه الغوص بمنطقه الشندغه بدبي

وايد يمدحونه بس ماجربته
ان شاءالله قريب اروحله
بغيت اسال شلون الاكل جربتيه
وشنو احسن اهوه ولا باتو

 

[g76aniya]

ماقصرتوووووووووووووووووااا ..
ان شاء الله لارحت بصور الاماكن واحطها لكم بالمنتدى ..

 

[دلوعة*ريلي]

http://www.booking.com/index.html?label=gog235jc;sid=af29b08ccfdbfb1682266ec5963a5707

حبيبتي دشي هالرابط ورااح تلقين الفنادق واسعارها وتروحين وتردين بالسلامه يالغاليه

 

[موازي الجميله]

رد : لعشاق دبي .. ممكن مساعدة ..

حبيبتي عندج فندق ارجان روتانا انصحج فيه وبعد شقق فريزر ودوست كلها شقق فخمه ونظيفه

 

[دلع الكون]

اب اب اب اب

 

[Viva La Vanilla]

Chelsea Hotel Apartmen - Shaikh Zayed Road

Global Village

Dubai Mall

o Kel me6a3em Dubai latheetha

Armani Amaal - Indian
Armani Ristorante - italian
Armani Lounge - Cafe
Almaaz - Mall of emirates
Nobu - Atlantis
Wafi Gourmet -Burj Al 7amam - Dubai Mall