لعبة متوهقه ما اعرف احلها .. منو تساعدني؟؟

[lolly]

شلونكم بنات .. في لعبة احاول احلها وموعارفه اخلص اللغز الاخير فيها .. لغز الليتات الخضره منو تساعدني؟

لاني خليتها ولعبت لعبة الغرفة الورديه واشوا حليت لغزها وخلصتها فاللي تبي مساعده فيها انا حاضرة بس بليز ساعدوني بالغرفة الخضرا

لغز الغرفة الوردية

لغز الغرفة الخضراء

 

[lolly]

مو تأخرون؟؟ انا حليت الخضرا ووصلت لاخر شي صوب الليتات وموفاهمه شنو اسوي فيهم!!!

 

[lolly]

ايوااااا عرفت لغز الليتات باقي الخزنه بغرفة الفيران ((الكهرباااااااااااااااا))

 

[lolly]

yesssssssssssssss
but still unsolved

 

[lolly]

حلييييييتها خلاص ..

 

[lolly]

حل لغز الغرفة الوردية
(بواسطة لولي ... منتديات كويتيات النسائي)

المطلوب 9 طلقات عشان نفتح الباب ونطلع من الغرفة

* اول شي ناخذ المقص من علبة الاسعافات الاولية

* نطلع مفتاح من بطن الدبدوب باستخدام المقص (لازم نرد الدبدوب مكانه عشان يصير عندنا مكان فاضي نحط فيه الاغراض بعد بعدين روحي للخطوه اللي بعدها)

*(طلقة رقم 1) نفتح الصندوق الخشبي باستخدام المفتاح ونطلع الاحجار الملونه ليما يطلع طرف شي لونه اصفر وناخذها وضروري نرد الاحجار مكانها. (لسهوله استرجاعهم رديهم على الجانب الايسر من الصندوق  )

*(طلقة رقم2) خلف الصندوق الخشبي اللي فيه الاحجار (الزاوية اليسار نص بالمنتصف )

*(طلقة رقم 3) قبل ما نغير المكان ناخذ طلقة من تحت المخدة اليسار

*(طلقة رقم 4) تحت السرير اخذي الحلاوة وفجيها وطلعي الطلقة منها. (ردي الحلاو مكانه تحت السرير)

*(طلقة رقم 5) علبة الاسعافات الاولية اخذي منها الحبوب راح تبين طلقه تحت القطن ضغطي عليه وتاخذينها (ردي الحبوب مكانهم واخذي السماعة والقفاز "قلوفز" معاج وطلعي لا تردين المقص)

* بتلاقين على الطاولة لعبة سودوكو اذا حليتيها شطورة واذا ما عرفتي تحلينها حليها عن طريق موقع مجرد تكتبين الارقام الموجوده باللعبة وتضغطين solve واهيا بروحها تنحل والجدول المحلول يطلع تحت الجدول الاساسي .. (لا تصيرين كسوله وفكري فيها عدل فبل المساعده )
 موقع لحل اي لعبة سودوكو مهما كانت http://www.sudokusolver.co.uk/

* بعد ما تحلينها صح .. يفتح لج الدرج وتاخذين منه الاغراض وتحطين الطلقات اللي عندج داخل مستودع الطلقات الخاص بالمسدس لتوفير المكان للاغراض

* (الطلقة رقم 6) عند الابجورة من تحت ضغطي على منتصف مثلث القاعدة بقرب لج الصورة تحت وتشوفين مشبك اوراق اخذيه وراح تحصلين الطلقة وراه اخذيها وردي المشبك

*(الطلقة رقم7) روحي للجاكيت المعلق ومسكي المق وضغطي على الجيب اليمين ( تقريبا اسفله بالنص)

*(الطلقة رقم 8) روحي خلف الخزنة الوردية يمينها تلاقين حمره اخذيها وفتحيها بعدين لبسي القفاز وضغطي عالحمرة تطلع الطلقة من داخلها.

*لا تنسين تحطين الطلقات داخل المخزن(مستودع) الطلقات الخاص بالمسدس عشان المكان

*(الطلقة رقم 9) الحين اقتربي من الخزنة الوردية ولبسي السماعة وحركي الارقام من فوق شوي شوي ليما تسمعين صوت عالي على رقم وقفي وروحي للارقان اللي يمها ليما تفتح الخزنه (الرقم الصحيح صوته اعلى من الارقام الثانية) اخذي الفلوس عشان تطلعين الطلقة بعدين ردي الفلوس ممنوع السرقه )

*روحي لسلة المهملات وطلعي الصحن المكسور والفرشة عشان تاخذين المسدس وردي الاغراض مكانهم ماعدا المسدس طبعا 

*روحي الباب ومسكي المسدس وطاخ طيخ طوخ تسع مرات عشان ينفتح الباب

حقوق الحل محفوظه للولي منتديات كويتيات النسائي 2008 الكويت

 

[lolly]

يالله دام محدد مهتم بكتب الالعاب واللي احله كامل اكتب حله لنفسي .. وممنوع النقل لاي موقع اخر بليز لان طلعت عيني على ما حليت الغرفة الوردية.

بحل الغرفة الارجوانية (الحمراء)

الغرفة الارجوانية

 

['Basma']

مادري ليش المربع عندي يطلع ابيض ..

 

[بطgطه]

الغرفه الورديه ماااعرف احل لعبه سودوكو بليز شلوووووون

 

[أحلى عطر]

*(الطلقة رقم7) روحي للجاكيت المعلق ومسكي المق وضغطي على الجيب اليمين ( تقريبا اسفله بالنص)

لووووووليييييي حبيبتي ما ضبطت معاي هالحركة متتتتتت قــــــهر هيييلـــــــــــــــــــب مي بلييز
كل شي سويته صح إلا اهيا انقهرت

 

[جوك احلى جو]

موفاهمه شي

 

[lolly]

مادري ليش المربع عندي يطلع ابيض ..

اشتراكج بطي وخصوصا التحميل

الغرفه الورديه ماااعرف احل لعبه سودوكو بليز شلوووووون

اذا ما تعرفين دشي الموقع يحلج اياها .. مسحي الارقام وكتبي ارقام اللعبه اللي عندج
موقع لحل السودوكو

لووووووليييييي حبيبتي ما ضبطت معاي هالحركة متتتتتت قــــــهر هيييلـــــــــــــــــــب مي بلييز
كل شي سويته صح إلا اهيا انقهرت

لازم تكونين ماسكة المقص وانتي تضغطين .. وحاولي تضغطين بكل جزء فيه ليما تضبط ... انا ضبط معاي الجزء اللي ذكرته في البوكيت .. يعني لا تعدين مربع البوكيت

 

[lolly]

موفاهمه شي

من اي ناحيه ؟؟ اهيا لعبه فيها لغز وما تطلعين منها ليما تحلينه وانا كاتبه طريقة حل الوردية والغرفة الخضرا حليتها بس بعد عذاب والحين متوهقة بالارجوانية

 

[lolly]

الغرفة الارجوانية

الغرفة الارجوانية





حل لغز الغرفة الارجوانية

(بواسطة لولي ... منتديات كويتيات النسائي)



المطلوب فتح الباب للخروج من الغرفة

* روحي يسار الجزء اللي فيه الخزنة الزرقا واخذي من الصورة المعلقة عالطوفة 3 اسهم (اذا ظلمه وماتشوفين عدل روحي بعد يسار عند الباب تحصلين مفتاح الليت)

* روحي عند الجزء اللي فيه الطاوله(المطبخ) واخذي الشوكة .

* كملي يسار عند غرفة النوم واخذي النوته اللي على الدريشة (الشباك) وترجمي احرف اسم رفيجته بالارقام باستخدام التلفون
( مثلا:
اسم رفيجته: Hilda رقمها لو نكتبه بالتلفون :44532



* تلاقين لوحة تصويب السهام فوق المكتب ضغطي عليها عشان تقربين منها وقطي عليها الشوكه والسهام الثلاثة عشان تطيح وتطلع لج خزنة بأرقام سرية حطي الرقم اللي طلعتيه من اسم رفيجته وراح تبطل الخزنة.

* اخذي اللي فيها كله وخصوصا الورقه المكتوب ومشطوب منها بعض الطلبات ..

الحين المطلوب تجميع الرموز اللي تتكون من ارقام ثنائية 01 من الطلبات الغير مشطوبة و كل رمز يتكون من 4 خانات يعني 0011 او 1100 او 1111 او 0000 .. ولازم الترتيب مثل ماهو مكتوب بالورقة .. يعني مثلا
ورقة الطلبات: اللي تحصلين داخلها الرموز الثنائية

1 Bench يعني المقعد (عند طاولة الطعام"المطبخ") تروحين للمطبخ وتشيلين الاغراض اللي على الطاولة حتى المفرش وتنزلين اطراف الطاولة من الصوبين اليمين واليسار بعدين اتدزينها يسار عن طريق الضغط على يسار الطاولة من تحت (الريول) ليما تروح يسار حيل وردي الاغراض مكانهم وفتحي الكرسي اللي بالنص تحصلين الورقة معلقة على الكرسي من فوق وسجلي الرمز ورديها مكانها من غير ما تردين الطاولة .. طلعي 0011

2 جاكيت او ياقة او طوق البدلة اللي فيها كرفته.. عندي الجاكيت مومشطوب.. فخذيت الجاكيت الجنز وضغطت عالصورة عشان تلف وفتحت السحاب وطلعت الورقة من الجيب وسجلت 0111 ورديت كل شي مكانه.

3 درج من ادراج المكتب ..واحيانا السرير واحيانا الصندوق اللي يم السرير .. انا طلع لي بالدرج هالمرة والرمز كان0100 .. وبما انج هني اخذ الكبريت من الدرج الاول يسار

4 علبة البهارات او المقلاة او قوري الشاي.... عندي كلهم مشطوبين ماعدا القوري .. رحت المطبح وخذيت القوري وطلعت منه الورقة وسجلت الرمز 0101 ورديتهم مكانهم

5 هنا يعني الخزنة .......... خذيت الورقة وطلع لي رمز 1110 سجلته عند رقم 5 بورقة يمي ورديت الورقة مكانها

الحين صار عندج 5 رموز المطلوب تحولينهم لارقام عشان تبطلين الخزنة الزرقة

* روحي للجزء اللي فيه الخزنة وحطي الحطب داخل المدفأة وقطي رسالة رفيجته فوقهم و صعدي عند الثور المعلق وتلاقين بخشمه اليسار عود كبريت اخذيه وولعي فيه الحطب والنار

* الحين اصعب جزء .. وهو تحويل الرموز الثنائية الى ارقام عادية (دوووووووووووخه)
لا تدوخون روحوا هني الموقع يحول بسرعه واللي عندها آلة حاسبة تسويها بالحاسبة binary to decimal

http://www.binarymath.info/decimal-conversion.php

تحطون الرموز بالترتيب ورا بعض من غير مسافات 00110111010001011110 وبعدها تحويل ..
تطلع لج 6 ارقام اهيا الرقم السري للخزنة انا طلع لي التحويل 226398
بعد ما تفتح الخزنة قطي الفلوس بالنار عشان تاخذين المفتاح من تحتهم (خلي بالج طويل هذي مو فلوس صجيه)
بعدها روحوا المطبخ مره ثانيو وفجي الصندوق اللي داخل الكرسي اليسار واخذي الاغراض اللي فيه وعلى طول عالباب .. جربيهم كلهم واحد فيهم بس راح يكسر الباب  انا طلع لي الفاس كسرت الباب وباي باي


حقوق الحل محفوظة لولي منتديات كويتيات النسائي 2008 الكويت

 

[lolly]

اللي يطلع لها 5 ارقام بعد التحويل معناته رمزها الاول يتكون من 0000 اربع اصفار وتحط صفر عاليسار بعدين تحط الرقم اللي طلع لها لان الارقام العاديه مافيها صفر عاليسار ..

 

[lolly]

لعبة يديده

المكتبة

 

[*دنــيـQ8 ــا الوله*]

عقدتني اللعبه

:krkrkr:

 

[lolly]

عقدتني اللعبه

لووووووووول اي غرفة؟؟؟

 

[*دنــيـQ8 ــا الوله*]

وصلة لعبة المكتبه ............. ماتشتغل عندي ؟

 

[lolly]

وصلة لعبة المكتبه ............. ماتشتغل عندي ؟

امبلا صح

كاهو الرابط

لعبة المكتبة