لعبة التراث الكويتي ..... لعبي وتعلمي

[كوكب الدرر]

السلام عليكم

اليوم يايبة لكم لعبة جديدة فيها تسلية وثقافة في نفس الوقت

اللعبة عبارة عن :

راح أذكر لكم اسم أداة كويتية قديمة والمطلوب منكم تحطون

صورة هالأداة ومعاها نبذة قصيرة تعرفنا عليها وعلى استخدامها

اللي تلقى عدة صور تحط صورة وحدة بس

والبنات اللي يدشون عقبها ممكن يحطون صورة ثانية لنفس الأداة

أو يكتبون تعليق أو موقف مر عليهم أو على أحد معارفهم وله

علاقة بهالأداة .

وان شاء الله تستمتعون باللعبة والبنات الصغار يتعرفون على

أشياء قديمة ما كانوا يعرفونها .

يالله نبدأ .......

ما هي البشتختة ؟





؛؛؛؛؛؛؛؛؛؛؛؛؛؛؛؛؛؛؛؛؛؛؛؛

 

[ميمي المزيونة]

كان بعض الأهالي من هواة الطرب قديما يقتنون أو يستأجرون البشتخته مع اسطواناتها من الأسواق المختصة بذلك.

ويعملون على تشغيلها لسماع مختلف الأغاني السائدة في تلك الفترة حيث يستدعون أقاربهم وجيرانهم ليشاركوهم الاستمتاع فيحفظونها في ذاكرتهم ويعملون على ترديدها في حياتهم اليومية كنوع من التسلية وتفريج الهم وتكثر أيضاً في المقاهي .

 

[كامري]

تسلمين على موضوعج لاني ناسيه شنو اهي البشتخته


واتمنى التثبيت لانه الموضوع يخص التراث الكويتي

 

[ميمي المزيونة]

ماااهي البرمة ؟؟؟ ​

:tek:

 

[كوكب الدرر]

شكرا ميمي المزيونة على المشاركة

وشكرا لكامري لطلبها تثبيت الموضوع

قبل لا اقول شنو البرمة أبي أقول موقف عن البشتختة :

واحد من شيابنا كنت أسولف معاه وسألته :

حطيت أغاني في عرسك ؟

قال لي : اي حطيت بشتختة وكنت انا اللي أشغلها

قلت له : انت معرس قاعد يم زوجتك وانت اللي تشغل البشتختة ؟

قال : اي لأن الرياييل ما يصير يقعدون معانا والحريم ما يعرفون يشغلونها

فأنا أشغلها والحريم يصفقون ويغنون .

:krkrkr:

 

[كامري]

 

[كوكب الدرر]

البرمة

أداة من الفخار يوضع فيها الماء للتبريد

 

[كوكب الدرر]

فائدة صغيرة

ممكن تاخذون برمة صغيرة وتحطون فيها ماي وتلفونها برة بالقطن

القطن راح يتبلل من رشح الماي

حطوا على القطن شوية رشاد أو أي بذور صغيرة

وراح تصير البرمة ملفوفة بالزرع الأخضر

 

[كوكب الدرر]

ما هو المحقان ؟



،،،،،،،،،،،،،،،،،،،،،،،،

 

[ميمي المزيونة]

المحقان : أداة مخروطية الشكل لإدخال السوائل في التنك .

 

[كوكب الدرر]

هذي صورة ثانية للمحقان الحديث

وفي هذي الصورة يستخدم المحقان لوضع الزيت بالسيارة

المحقان القديم يصنعونه من الحديد

المحقان في الوقت الحالي يسمونه قمع وغالبا يصنع من البلاستيك

 

[كوكب الدرر]

ما هي الروشنة ؟



،،،،،،،،،،،،،،،،،،،،،،

 

[البرنسيسه77]

الروشنه مثل الرف توضع عليه الاغراض وتوجد (الرواشن) في جدران الغرف الكويتية قديماً وهي غير نافذة على الخارج تستعمل لوضع أدوات الزينة والحاجيات المنزلية

 

[كوكب الدرر]

شكرا نمساوية

الحين نبي نعرف

ما هو المحماس ؟

 

[كامري]

المحماس : وهي عبارة عن إناء من النحاس أو الحديد الصلب له يد بطول 30 سم تقريبا يحمسون فيه القهوة على النار ...


صح؟

 

[كامري]

نبي



تثبيييييييييييييييييييييييييييييييييييت



حده حلو ومفيد ومعلومات قديمه

 

[كازووة]

شكرا كوكب على هالموضوع القيم

وآنا أضم صوتي حق كامري لتثبيت الموضوع

 

[كازووة]

وهذي صورة المحماس

 

[كوكب الدرر]

الحين نبي نعرف


ما هو

الهاون

 

[كوكب الدرر]

الحين نبي نعرف


ما هو

الهاون