لسان العصفور يا بنات ..

[Moondance]

السلام عليكم ..

بنات ماتدرون وين احصل لسان العصفور ؟؟ صارلي جم سنة وانا ادوره مو غشمرة !! ضقت شوربة لسان العصفور عندوحده وعجبتني والحين مو لاقيته بالجمعيات عفية يا بنات اللي تعرف مكان تشتريه منه خل تقوللي والله يعطيكم العافية يارب

 

[هند]

اختي لسان نوع من انواع المعكرونة ... ولازم بتلاقينه في الجمعيات .. واحسن نوع .. مال شركة المطاحن الكويتية

 

[جارة القمر]

أهي تشبه العيش المصري

وتحصلينه مع المعكرونة حبيبتي


إذا حصلت عندي أصوره لج

 

[يمّه مني]

مكود ابكل مكان في من شركة المطاحن مثل ماقالت جارة القمر شكله يشبه العيش المصري

 

[Moondance]

بنات مالقيت ابيه رحت جمعية الشامية والجابرية !! اكو شي يشبهه مكتوب عليه رز !! معقولة يكون اهو نفسه !!!

 

[جارة القمر]

تفضلي حبيبتي


هذي صورة معكرونة لسان العصفور ورقمه أعتقد 41

 

[شندوخه]

ذبحي عصفور وخذي لسانه :eh_s(3):

جارونه ماتقصر حطت صورتها وكل حاقه


ودامكم قلتوا لسان العصفور ودي استفسر عن طبخه ذقتها بحفله

كانت لسان العصفور مثل نظام العيش ومعاها جزر مبشور طعمها لذييذ بس ماظن فيها كريمه

 

[جارة القمر]

شندوخه

تفضلي طلبج

صينية معكرونة لسان العصفور روعة وسهلة


رز بالسبانخ والدجاج


معكرونة لسان العصفور بالدجاج والكاتشاب الحار

.•:*¨`*:•. موسوعة السلطات من جارة القمر .•:*`¨*:•.:


بشارك بسلطتين

سلطة لسان العصفور

سلطة الفاصوليا الحمراء

 

[شندوخه]

ياااااابعد جبدي والله مشكوره

 

[@بنت البدو@]

موجود بجمعية الروضه
توني شاريه منه

 

[جرح الليالي]

بالجمعيات صوب المعكرونه

 

[نووووونا]

عيالى يحبون شى اسمه شوربة لسان العصفور

ولازم اسويها على طول وطريقتها كالاتى

من 4 الى 5 ملاعق كبيره من لسان العصفور (( نوع من انواع المعكرونه ))

ماركة المطاحن تقلى بملعقه من الزيت النباتى شويه بس حتى يتغير لونها

وبعدين تصبين عليها تقريبا 3 اكواب ماى وتخلينها حتى تطبخ وبعدين

تحطين عليها مكعب ماجى او اجينو موتو احسن من الماجى وملح وفلفل

اسود حسب الرغبه وتترك 15دقيه على نار وسط حتى تستوى المعكرونه

تحسين ان حجمها كبر شويه ثم يضاف عليها 2 ملعقه معجون طماط

(( يفضل ك د د )) وتترك 5 دقايق وبعدين تقدم بالهناء مع الليمون

وخبز مقطع ومحمص

اتمنى انه تعجبكم @@

 

[Moondance]

نجد حبيبتي من اي جمعية بالضبط تشترينه ؟؟ لام ينيت خلاص اخر شي رحت مركز سلطان السالمية وهم مالقين مو عارفتله كلش يعني مكتوب عليه لسان العصفور ولا رز ؟؟؟ انا اللي شفته رز !