لخبيرات القطاوه تعالو شوي

[رموشه]

السلام عليكم

شلونكم بنات ان شاء الله تمام !

بنات انا ودي املك قطوه بس المشكله ان يبيلها عنايه وايد

وانا اخاف اهملها المهم ذاك اليوم انا حطيت كرتون يم الباب شوي

الا جفت قطو راقد فيه وتعلم على بيتنا وكل شوي احط له اكل

عاد مره طلعت وركض وراي انا خفت شوي لان ما اعرف طبعه

وجرب مني ومسح بجسمه علي وجنه يتدلع بس لما ابي ادخل البيت

يلزق فيني وما يخليني ادخل المشكله اني ما اعرف طبع القطاوه ولا

شنو هم يبون ييلس يدور يمي وما يخليني ادخل البيت وكل شوي اقوله مولي

روح شوي خلني ادخل ما يرضى ويدور يمي اخر شي ادخل عنه داخل

بس يعور قلبي مب عارفه شنو يبي ياريت اللي تعرف هالنوع من القطاوه
ترد علي وتقولي شنو القصد من هالحركات !

 

[سكارف.فوشي]

يحلاته وعليا حبج الظاهر تعلق فيج عشان تعطينه اكل ومهتمه فيه
بس هذا تعبير عن الحب والدلع لوووووووووووول وعليا فيه نقص عاطفي
هذا السالفه ومافيها يا عمري

 

[رموشه]

ههههههههههههههه صج يعني هذي السالفه مشكوره حبيبتي ^.^

 

[سكارف.فوشي]

العفو ولو حبوبه

 

[AmOoNa-]

حبيبتي يبي اكل ويبيج تمسحين عليه وتدلعيينه على قوووووله سكارف فووشي في نقص حنان

 

[رموشه]

بس مادري ياختي احس شوي اخاف منه لاني ما اعرف طبعه يمكن يهجم علي > حشه اسد مب قطو هههههههههههه بس والله صج واخاف فيه وايد وصاخه خصوصا انه قطو شوارع

 

[سكارف.فوشي]

ديري بالج ترى مو زينه عضته مو زين يشمخج هذا اقل شي
خلج معاه من بعيد لي بعيد لوووووووووول

 

[رموشه]

ايه انا معاه جذي من بعيد لين بعيد مشكوره حبيبتي على النصيحه

 

[MoonDiamond]

مرحبا
من خبرتي بالقطاوه ... هالقطو ذكر لانه تاقلم معاج بسرعه وقرب منج لانه يبي رعايتك
واكيد لازم تتعاملين معاه من بعيد لبعيد لنه قطو شارع ومتروس جراثيم
بس استمري تعطينه اكل لان الصدقه تحل على كل كبد رطبه مثل ما قال رسولنا الكريم صلى الله عليه وسلم
وشــــــــكـــــــــــرن
:blueSmCLR::blueSmCLR::blueSmCLR:​

 

[Ga6Wa Q8Ya]

حرااااااام حبيبي يعني يحبج لوووووول

 

[رمز الوفـا]

الظاهر حبج يا حرام مسكين في نقص عاطفي

 

[رموشه]

مشكوره اختي نانا وانا مستمره من اجوفه اعطيه اكل

 

[catwiti]

انا خبره بقطاوة السكيك والشوارع لووول وقطاوة البيوت بعد
شوفي عشان ماتبتلشين مره ثانيه اي قطو صغيير تشوفينه لا تمسحين عليه لان اول ماتمسحين عليه يحبج ويقعد يلحقج ليمن يدخل بخشمج ماكو فكه لوتقطينه اخر الفريج
وهالقطو جذيي وبعد عطيتيه اكل خلاص لزقهه
مره اخواني شافو قطوه مسكيينه كانت مادري شلون يابوها وحطوها باكراج البييت ومن يووووووووووووومها لززقه وصارت مسؤليه لازم نوكلها وصارت توصخ البيت وتنتف الورد والزرع بس قطيناها بالشارع خليناها وعقبها ماندري الظاهر ماتت

 

[رموشه]

لا هو مو اربعه وعشرين ساعه عندنا تلقينه يلف الدنيا كلها وبعدين يرجع لنا اوقات يومين ما نجوفه بس هو يحب ايي ويقعد بكرتونه وبيني وبينج انا تولعت فيه لوووووووووووول كيوت شكله وذرب يعني مو من النوع اللي يط روحه قط لا عادي لين انا ييته بأكله وبس