لخبيرات الصين أبيكم ضروري

[بنت النوخذة]

السلام عليكم شلونكم

ودنا نسافر أنا وريلي وبنتي عمرها 3 سنوات على آخر شهر 8 ورحلتنا تقريبا 18 يوم وقلنا نبي نقعد 4 ليالي في هونج كونج والباجي بقسمها على الصين وابي نقعد بكوانزو تقريبا 9 ليالي وأبي أمكان بالصين جزر وفيها رحلات مثل بوكيت تقريبا وشلون أنتقل من هونج كونج إلى الصين ودنا نروح بالقطار لأن ولامرة ركبنا قطار تكفوون ضبطوني ولا ريلي بهون فيني ودري أشتري بضاعه صغيروونه من هناك وشنو الأسوقه الحلوة وأبي أماكن سياحية حلوة تكفوون لا تخلوني :eh_s(22)::eh_s(22):


وشرايكم بالطيران القطري وقلنا نبي نقعد بفندق كولون لهونج كونج وشنو الفنادق الحلوة بكوانزو وشنو فيها جزيرة هايان

ويعطيكم العافيه

 

[بنت عبدالغني شربت]

هلا والله بنت النوخذه انا يوم الاحد باذن الله ماشيه الصين ولما ارد اعطيج كلشي بالتفصيل الممل
اما هونغ كونغ ديرتي المفضله انا اموت عليها

نطريني لما ارد تاريخ 15 -8

 

[galya]

انا بعد انشالله ناويه على الصين و للحين قاعدين ندور سفريات حلوة و اسال الي رايحين فيهاا انشالله اول ما اعرف عنها اكثر اقوولج

 

[*دبدوووبه*]

ان شاء الله
لم نرجع من الصين
اقول لكم التقرير الكامل

 

[to07aH]

ان شاءالله انا بعد رايحه الصين تاريخ 24

ونعطيج تقرير مفصل لما نرد .. :d

 

[بنت النوخذة]

اي والله لا تبخلوون علي حبايبي بالرد

 

[دانة الكويت..]

والله انا عمي رايح الصين اذا تبيني اسأله عن الصين قوليلي

 

[أم مرزوق]

هلا بنت النوخذة راح اطرشلج رقمي علي الخاص واعلمج علي اي شي تبينة ...

 

[عاشقة روحها]

هلا حبيبتي..

أصلا هناك سوقتهم كلهم حلوه ورخيصه وتصلح حق بضاعه..

وشوفي اذا تبين فندق حلو هذا اهوا بكوانزو:

Bi ching hotel

هذا واايد حلو وسعره حلو بعد..

وأي شي ثاني تبينه أنا حاضره..

 

[ام عبود الحلو]

الله شوقتونا على الصين

 

[العنود2]

انا توني راده من الصين رحنا عن طريق مكتب الرقم 00سكنا فندق بارك فيو سكوير00المستوي متوسط00مو اللي كان ببالي ومتعوده عليه لكن 00مشي الحال واغلب سكانه كويتيين وعرب00الجو رطوبه خيسه00الشعب من اغبي شعوب العالم الي شفتها00ما يمشون الا بالفلوس00ماديين جدا0سوقتهم مو رخيصه مثل ما توقعت00سوق الشنط بالزور تاخذين لك شنطه قطعه وحده الا خمس او اكثر00دايما كاسريهم لكن ابدا لا تقولين السعر الي تبينه00العباره الي حفظناها ولازم تكررينا عند الشراء 0(تويتي00تويتي )بمعني انزل ارخص00وتاثر فيهم وايد كلمة اذا عطيتني سعر زين المره الجايه بسوي معاكم بزنس00واذا ما عطاج سعر زين امشي عنه00في الغالب بيناديج0واذا ما ناداج 00الي جدام احلي واحلي00وعلي فكره لازم تسالين اذا فيرست كلاس00يسمونه كلاسa الي نبيه مو صناعة الصين00وموديلاتها بمعني مو الي احنا نبيه والي اهو تقليد الماركات العالميه تقليد درجه اولي سوق الساعات جدا مزدحم ما عجبني والعمليه تلقيط 00ومثل ما قلت لج لا تعطين سعر ابدا00لان حتي السعر الي تعطينه00مو كفو له 00ووجود الكويتيين والعرب00خلي الاسعار نار00وتري حراميه 00وبواقين 00مثلهم ما شفت واغلب الي يبيعون حريم00بالنسبه للاكل المطاعم العربيه علي افي من يشيل00افضلهم علي الاطلاق مطعم عبدالله الاسلامي مقابل سوبر ماركت معروفه عندهم اسمها لوتس00لا يطوفكم اللحم المشوي عندهم00الذ لحم ذقته بحياتي00وايضا ماعون ستيل مغطي بماعون خشب00فيه لحم مع المشروم هذا عجبه بروحه00وبعد فيه البغدادي لاباس فيه اما الباقي ما اعجبوني00الي اهم سبا والشام00وليالي لبنان00علي العموم انا بالخدمه باي معلومه00تبونها غير السياحيه00واهلين فيكم0

 

[غير كل الناس]

الحمدلله ع السلامه العنود

اشرايج بكوانزو وشنو احلي الاماكن فيها
ناويه اروح الاربعاء باذن الله

 

[شواقه المطيري]

ادري الموضوع قديم بس حبيت افيد اللي مفكر يروح للصين .....



انا حاليا بالصين كوانزو ...


وكنت بهونج كونج وسكنت المريديان لأن انا رايحه الهونج كونج بس عشان ديزني لاند وأنتقلت من هونج كونج عن طريق القطار الى كوانزو والتكت حق القطار تقصينها من نفس المحطه والقطار ممتع مدته ساعتين وهو اكسبرس ترين سريع...

وهونج كونج اسعارها ناااااار خاصه التكاسي وشعب مرفه مو مثل كوانزو...


واللي بيروح الهونج كونج ما يمر دزني لاند خسران ممتعه وحدها انترستنق....



وبالنسبه لكوانزو مزدحمه والفندق اللي انا فيه حاليا هو ذا جاردن اوتيل وافخم فندق شفته ع الأطلاق انا حاجزه سويت اللي هو الديلوكس وحده وااااااو ....



والفندق تحت مجمع كامل بس كله ماركات عالميه.....

....



ولي تقرير كامل مع الصور عن سفرتي لهونج كونج والصين الممتعه ....

لا رجعت الديره ان شاء الله ...


و الطيران القطري روعه ومميز ...​

*اللي تستفيد تدعيلي بالتوفيق والله يسخرني لزوجي و يسخره لي....

 

[نوره في وسط صوره]

شواقه ماشالله كلامج شوقني حيل للصين شلون سعر الفندق الي قعدتي فيه ياليت تحطين الصور اول ماتردين لاتنسينا والاسعار كلها