لخبيرات الجوخ .. سؤال .. أنا ما عمري حتى لمسته بيدي .. خخخخخ ممكن مساعده ؟

[النوري]

بنات بسألك عن الجوخ ..


جم سعره . . << مو هذا السؤال بس توه يطري فبالي قلت . خل أسدحه يم خويه .. السؤال الثاني ..


ألا وهو .. ( شلون أقص الجوخ .. بغير المقص )

لأني بقص فوق الميتين حبه على قلب .. و مالي خلق أقص حبه حبه ..

شسوي .. ؟؟ ملل .. <<<< كسلانه حدها ..

في طريقه .. معين و إلا مفيش غير القص .. ؟؟

 

[النوري]

وبسألكم سؤال ..

صغنونو بعد ..

شوفو اللي على القلم اللي لونه أخضر. اللي سيم من داخل ينعود ويتشكل .. ويثبت

بس من بره مغطى بجنه صوب أو شغله جذي..

شوفو لونه أخضر. . وين ألقاه ..

 

[aqela3]

اللي لونه اخضر انا لاشايفته من زمان من سوق بميه

 

[al-zabarjad]

الجوووخ المتر بدينار

والسيم الأخضر موجود بمكتبة جرير بحولي

وبدال القص عندج الخرم

في بمكتبه جرير أو غيرها من المكتبات خرامات على أشكل نقي إللي تحتاجينه وخرمي بدال القص

إن شاء الله أكون فدتج
وموفقة يالغالية

 

[النوري]

لووووووووول ..

إقلاع... نورتي المحكمه يختي ..

أي سوق بو ميه زين .. الكويت مليانه بوميه


لا وبعد من زماااااااان ..


يعطيج العافيه ... على رفع المووضوع. والرد .. ياقمر. .
وأنتضر .. مكان مضبوط أكثر. .

شكرا لج

 

[al-zabarjad]

أو بدال القص اشتري جاهز من سرداب حولي وفكي عمرج

أشكال من الجوخ وألوان مقصوصين وخالصين حتى أحرف بالجوخ موجود

لأن 200 حبه وايد الجاهز أحسن لج وأرخص

 

[النوري]

سرداب حولي قصدج بيا الورد ..

وااااااااي نهيبه .. ما ضنتي أرخص. .

وأبيهم سايز معين أخاف ما ألقى .. ؟

 

[أحلى عيون]

اختي اذا انتي كسلانه تقدرين ترسمين لج رسمه القلب الي تبينها وتثنين الخام وتسوين تحت الرسم كذا ثنيه

او اذا مالج خلق روحي عند البلوكات وايد اشكال حلوه عندهم


بالنسبه للاخضر هذا موجود بكل مكان حتى عند ابو ميه

 

[النوري]

الخرامات ..أخاف حيل صغار ؟؟

أصغر من الخمس فلوس ؟؟

أنا أبي كبر ال ميه .. فلس تقريبا ...
شورتج وهداية الله ...


باجر بروح لجرير ...

مرسي خاص ..

 

[النوري]

لالا أصغر من الميه

خخخخخخخ

ما أدري بروح باجر وبشوف


شكرا . .

 

[مهموومه]

رديلنا خبر
اذا الخرامات فادت معاج

 

[al-zabarjad]

موفقة يا حلوة

 

[النوري]

إبشرو ...

بس السايق اليوم .. إجازه .. <<< كلش مو وقته .


بشوف جان سبع البرنبه يوديني .. <<<< مو حاطه أمل كبير عليه

خخخخخخخخ

ويسلمو كل اللي ردو علي. .

 

[الفريدة]

حبوبة مرة كنت رايحة البلوكات ولقيت محل اسمه الفؤاد متخصص بكل أمور الخياطة من تكسير وبليسيه ورسم على الخام ويقص الجوخ بالشكل اللي تبينه على قلب حب أو ورد أو فراشه وسألته اشلون اتقص الخام قال لي بالليزر مع ان مرة سألت محل من المحلات عن قص الجوخ كذب علي وقال مافي بالكويت آلة الليزر اللي يقصون فيها الجوخ بس آنه ماصدقته وقعدت أسأل وأدور لين طحت على هذا المحل بس لي اللحين ماتعاملت معاه مجرد دخلت وتطمشت وخذيت فكرة عن الخدمات اللي يقدمها .

 

[الفريدة]

صبحكم الله بالخير بنات لقيت كرت المحل اللي يقص الجوخ على طلبج وبكل الأشكال الحلوة وهذا اللي مكتوب فيه
معرض الفؤاد
أنواع تكسير عادي - كلوش-تعفيس وتكسير+تعفيس
يوجد لدينا تخريم الأقمشة بالليزر حسب الطلب
تركيب حلقات على الخام وتلبيس حزام + تلبيس زرار
يوجد لدينا خدمة ترسيم على الأقمشة
العنوان :الكويت بجانب بلوكات الأقمشة زاوية سوق الصفاة
تليفون 22417563
نصيحة حق محبات الأشغال الفنية وخاصة الجوخ لازم اتروحون المحل وتشوفونه أكيد بيعجبكم. وسلامتكم

 

[أحلى عيون]

حبوبه الخرامه سبحان الله وانا كنت بدايسوو ولا لقيت نفس الي تبينه على 600 فلس

 

[zezetaa]

سعره مو غالي
ومافي غير القص
القص ثم القص ثم القص

 

[أم التوائم]

واي انا بعد قاعده ادور

رحت البلوكات غالي ونهيبه

مشكوره على الموضوع

 

[أحلى عيون]

بصراحه البلوكات اسعارهم غاليه على الفاضي وبصراحه عندهم الحرف الانجليزي الواحد على 750 فلس على شنو والله انا اقص احسن منهم وفيه كذا موضوع وشوفي قصي