لخبراء القطط .... ليش قطوي يسوي جذي؟؟؟؟

[golnaz]

السلام عليكم ورحمة الله وبركاته

شلونكم حبيباتي

في شغلة قطوي يسويها مستغربة منها انه ليش يسوي جذي !!!!!!!! :bbbiu:
اي احد يطق بابنا ويكون غريب مو من اهل البيت يعني قطوي مايعرفه يطييييير عند الباب ويطلع على طووول ينط على هالشخص و يطقه ويشمخه وينفخ عليه و اذا بغيت امسكه ادخله هم يطقني اناو يعصصصب و يتحلطم ويعترض اني ادخله !!!
ليش يسوي جذي؟؟؟؟؟ ما يبي احد اهو مايعرفه يقرب من باب بيتنا
و شلون ادربه اخليه يصير حبوب مع الناس ما ضل احد يانه ما طقه وشمخه !!
للعلم قطوي سيامي خال يعني اسود لوووول يمكن دمه حار يعني !!!
قولولي انتوا شنو رايكم ليش يسوي جذي :eh_s(16):

 

[بالمشمش]

انا عكسج تماما من احد يدخل بيتنا ينخش على طول وراء القنفه وما يطلع الا لما يروحون

 

[حلى الرياض]

جد شي حيل غريب ماعندي قطو بس حبيت ارد فديتك

 

[سموة الزين]

ماادري انا مالتوي يستحووون واااايد

ويلعبوون معا الضيف

 

[غيــرة انثى]

شكله حمش لول

 

[l.o.l.e.t.a]

عكس قطوتي الخوافه

على طول تنخش

بس يمكن هذا قطو متأثر بكلاب الحراسه لوول

 

[catwiti]

القطاوه انواع وشخصيات وكل نوع له شخصيه مميزه انا عمري ماربيت قطو سيامي بس اذا سألتي احد ربى قطاوه سياميه يمكن يفيدج لانه يكون عارف شخصيتهم يمكن يغار او يحس انه البيت مملكته ويدافع عنها عندج القطو الشيرازي دايما هادي وخواف وفي قطاوه حته لعب ماتلعب تشوفينهم بس قاعدين وفي قطاوه بس يبونج تمسحين عليهم مو نشيطين وفي قطاوه يلعبون ونشيطين وعليهم سواالف وخباال خصوصا الي شعرهم خفيييف لاحظت هالشي باليوتيوب لما اشوف فيديوات قطاوه
في منتدى اسمه محبي الحيوانات الاليفه دشي سجلي فييه وسئلي فالقسم المختص بالقطط ونصيحه مني اذا يتي تكتبين عنوان موضوعج خليه واظح عن شنو تتكلمين يعني مثلا ( قطوي السيامي سلوكه عنيف مع الغرباء )
واذا بيونكم ظيوف قبلها وديه للتربوكس و عطيه اكل وعقب خليه بدارج صكي عليه الباب لين يروحون ظيوفكم انا قطوي صار يفهم لما ايونه ظيوف يزعجنا مرات واليهال يأذونه فاخليه بداري ويناام لما يروحون الاقيه نايم مايقول شي احسه تعود

 

[golnaz]

مشكورين حبيباتي ماقصرتوا
catwiti مشكورة حبيبتي عالافادة وانشاءالله بروح واسالهم لانه صج ماعرف شلون اتعامل معاه يخرع الاوادم يعطيج العافية