لحم الاضاحي

[hmama]

السلام عليكم
عيدكم مبارك

بنات انا عندي لحمه فخذ كبيره
لما وصلتني على طول حطيتها بالفريزر
ودي اوديها حق اللحام عشان يقطعها لي قطع صغيره حق مرق او مجبوس

تهقون لازم اذوبها والا اوديها جذي بثلجها
واذا ذوبحتها ورديت ثلجتها اخاف تخترب

شرايكم؟

 

[viva la glam]

اي لازم تذوبينها قبل لا تودينها اللحام ولما تردينها وثلجتيها ماتخترب =)

 

[hmama]

مشكوره حياتي
بانتظار باجي اتجارب

 

[مشغوله و محتاسه]

اللحم اللي يذوب ما يتجمد مره ثانيه ... حاله حال البرجر و اللحم المفروم .. ما ينعاد تثليجه ابدا ..

و طبعا اذا بتودينها اللحام تودينها ذايبه ...


بس لو منج ... اقطعها بنفسي و على راحتي .. ما يبيلها شي .. انتي ادرى بعدد الاسره و حجم القطع اللي تفضلينه


و بالعافية

 

[حلم الطفله]

احسن خليها كاملة و في يوم اجازة سويها مشوية

الحم لا ذاب و فك منه الثلج ما يصير اتجمدينه مرة ثانية يسوي تسمم الله يسلمكم ان شاء الله

 

[hmama]

ما اقدر اقطعها ما عندي ساطور
واهي وايد كبيره حيل حيل
وماكو الا انا وزوجي
ما نقدر ناكلها كلها

 

[ريـــحانــة]

وديها مثلجــة عنـد لحام يكون عندة منشـر تقطيع كـهربائي

يقطعها لج واهي مثلجــة الحجم اللـي بغيتي ولا أروع

حتـى شكلهـا يكون مرتب بعد التقطيــع مربعـات اصغيرة

وأحسـن لو تسأليـن اللحـام قبل لا توديـن القطعــة ...وبالعافيــة