لحمية فى الرحم

[Featured Lady]

السلام عليكم
خواتى اليوم رحت للدكتورة
"" فوزية القطان """
وفحصتني وشافت فى السونار ان فيني لحمية فى الرحم وموصغيرة وقالت لى لازم نشيلها لج بمنظار ببنج عام
والسؤال الحين للى مروا بالتجربة او اللى عندهم معلومات عن اللحمية :​

* هل عمليتها صعبة ؟
* بعد العملية هل لازم اتنفس ( فترة نفاس )؟
* هل تمنع الانجاب ؟
واخيرا بشنو تنصحونى اشيلها والا لا؟( بصراحة اخاف الدكتورة تكون مادية والله يسامحنى اذا ظلمتها لانى اول مرة اراجع عندها )
ولكم منى كل الشكر اذا جاوبتوا على اسئلتى وطمنتوني:eh_s(7):​

 

[^^ام ميمي^^]

اللي اعرفه ان اللحمية تمنع او تسبب مشاكل بالحمل وانا قريت بقسم تاخر الانجاب ان في وحده تبي تسوي عملية تنظيفات + لحمية وسوتها وتقول انها الحمدلله قامت بالسلامه دوري موضوعها يمكن تلقينه وتسألينها وتفيدج اكثر


وانا بعد بشوووفه لج اذا حصلته حطيتة لج

 

[جذابه بنت ذيابه]

ماعندي فكره يارب تقوميييييييييييييييين بالسلامه

 

[Featured Lady]

شكرا على الردود وبانتظار باجى البنات

 

[hneen2]

والله انا انصحج تراجعين دكتوره ثانيه اذا قالتلج نفس الحجي شيليها احسلج واحتما ل تكون بسيطه لاتحاتين ماعليج شر ان شالله

 

[~ عز ~]

توها امي من حوالي شهرين مسويه هالعمليه

ترا سهله لاتخافين

بس امي راجعت اكثر من مكان قبل لاتسويها .. و انتي بعد راجعي غيرها عشان تتطمنين ..

وبالسلامه

 

[shjoonaa]

الله يقومج بالسلامة وماتشوفين شر
وانشاالله علطول تحملين

 

[ba66o6a]

السلام عليكم كويتية فضية انا حبيت اقولش لا تحاتين اهي عملية بسيطة انا توني امسويتها صارلي شهر كانت اتسببلي نزيف بدون سبب عشان شذي انا شلتها و للعلم انا للحين ما حملت انا سويتها اب رويال حيات م عنايتهم جدا ممتازة عند دكتورة خالدة المجيبل بس انصحش مثل الهلسوالف لازم اتشيكييين مع دكتورة ثانية يعني راي ثاني لا ما فترة نفاس بس مجرد شم يوم يعني 3 او 4 أيام و بعدين كل شئ يرجع عادي بس في ناس يتم اسبوعين انا طلعت اب نفس اليوم يعني تميت بالمستشفى تقريبا 8 ساعات و بعدها طلعت سلامات يا كويتية فضية و ماتشوفين شر

 

[lailalaila]

لله يقومج بالسلامه يارب

 

[عروسة]

بفس كلام الخوات راجعي اكثر من دكتوره وشوفي مين اللي كلامها نفس الثانيه وسويها ...
ان شاء الله مافي الا العافيه....

 

[$ صمت الشفايف $]

انا مع راي البنات راجعي اكثر من دكتوره ولا تستعجلين

 

[Featured Lady]

شكرا لكل من ردت على
واليوم العصر بروح اشوف دكتورة ثانية وابى اشوف رايها
خواتى لاتحرموني من دعائكم

 

[شمخانيه]

انا الدكتور قال امكن فيك لحميه وتعالي الدوره نسوي منضارونشيلها ونسوي كحت للبطانه
حدي خايفه ماينزل مني شئ دورتي طبيعيه لكني ابي احمل
الله يستر

 

[om-shaheen]

حبيبتي لو تستشرين كذا دكتور افضل لج

 

[غلاي عزوزي]

حبيبتي اخذي الحجي مني انا وحده من سنين ماحملت ورحت اعالج عند كل دكتوره اتخيلينها معصومه ونجيبه وووووووو وفوزيه دكتوره ماديه تضحك تسولف وحليوه

سويت تلقيح عندها خذيت كلوميد ابر بلاوي سوده اخرتها قالتلي لازم منظار ما اقدر اسويلج شي غيره

ولازم رويال حياة عشتوووووووووووووووووووووووووو دفعت دم قلبي


بعد العمليه قالت مافيج شي يمنع الحمل بس امكن امكن فيج دم دوره قديم احتمااااااااااااااااااااااااااااال يمنع الحمل


بقزج ابره 3 شهور تمنع الدوره واتنظف الرحم


ليش ودروتي مضبوطه مثل الساعه اقز ابره والعب بعمري عشان احتمال وامكن


انحشت منها

رحت لدكتور اسمه محمد دسوقي
ما اسميه دكتور لانه حسافه فيه هالاسم


اسميه عبقري مخ كمبيوتر مشاء الله

بس طل برحمي يعني فحص عادي قالي الدكاتره الي رحتيلهم ماقالولج انه فيج قرحه قويه بالرحم ( نفسها اللحميه )ازاي يابنتي عاوزه تحملي



قلت توني مسويه منظار مو اي شي عند فوزيه ماقالت


قالي فيج افرازات ووصخ ينزل منج


قلت اف وايد ومن زمان اخذ تحاميل جم يوم وترد الافرازات

قالي من القرحه


الله وكيلج

سوالي اياها ب10 دقايق و40 يوم ماكو جماع


نزل وصخ الدنيا

وماي امكن لتر لترين ثلاث شي مو طبيعي مو ملحقه

نظفت وحسيت بشي مو طبيعي حتي المنطقه ضاجت من النظافه لانه الافرازات توسع المنطقه



المهم شهر شهرين ومع قراءة البقره

حملت وكاني بولد بعد شهرين

خلي فوزيه علي كتر

ورحي لفغيرها

وتري اكثر الحريم مايفهمون شي ولا خبره

بالهم ابيتهم وعيالهم ومكياجهم وكشختهم

روحي امحمد دسوقي وادعيلي وتري رفيجتي راحت وشافت التشخيص العدل الي يريح البال مو تشخيص تلفج ويدورج




قالي

 

[FLORIST]

والله يا اختي غلاي كلامج اريح
تدرين انا عندي اختي مسكينه و تنحرج تقول و الا تشارك فتقولي كتبي انتي

الله يشافي الكل يااااارب و يفرحكم و يقر عينكم بالذرية
انا اختي فيها قرحة بالرحم و تكيس
و قايليلها الحين تاخذ حبوب اسمهم ميتافاج
و بالنسبة للدكتور محمد دسوقي
صج صج صج ماشاء الله عليه ممتاز
و شاطر انا امي كانت تراجع عنده من زمااااان
و اهو ولدها يوم اخواني الصغار يعني الكلام من تقريبا 92 او 91 و 95
كان في مستشفى المواساة و اعتقد الحين اهو بالسلام
عدل اختي غلاي و الا وين حصلتيه
لأن لما قلت حق اختي و امي عنه جان تقول امي توكلي على الله و روحيله و قالت لاختي كلمة شاطر اشوية عليه ماشاء الله
و قالت لها انه اهو ولدها باخواني الصغار لما كان بالمواساة
الله يشافيج يا قلبي فنن و نفرح فيج و يرزقج ربي الذرية الصالحه و يرزق الجميع يااااارب

 

[بدر البدور 1]

السلام عليكم
أنا اكثر من دكتورة قالتلي فيج لحمية و لازم منظار و كحت بس انا توهقت وايد
بعد وحده بنت حلال من المنتدى نصحتني اروح المواساة و سبحان الله بالمواساة جيك الدكتور و كتبلي دوا كليته شهرين و بالشهر الثالث حللت الحمل وطلع بوزيتيف و الحين بقالي 4 شهور ولدانه و يوم جيكت بالسونار ما شافو اللحمية

 

[alsuha]

السلام عليكم أخي

أنا قرأت موضوعك

وحبيت أرد عليكي لأني عملت هادي العملية وشلت لحمية عندي في الرحم والعملية ما بتاخد وقت

بس نص ساعة لكن لازم بنج كامل ولازم بعد ما تقومي من البنج تجلسي شوي عشان يتأكدو إن ما عندك نزيف او شي.

:jbdwjbd: ان شاء الله تقومي بالسلامي ونجيب لك هدايا

:eh_s(3):

أختك السها​

 

[AVE.NJ]

حبيبتي اللحميه عمليه سهله بس لازم بنج كامل وترا ماتحسين بش يومين ينزل عليج افرازات مالت العمليه وبعدين مافيج الا العافيه وديري بالج ترا اهيا تمنع الحمل وترا عادي تصلين لانها استحاضه وانشالله يسهلها عليج واذا خايفه صلي استخاره بس صدقيني سهله لاتحاتين

 

[عاشقة^زوجها]

حبيبتي انا كانت فيني لحميه بالرحم ..

رحت عند فوزيه وقالتلي والمراجعه الثانيه قالتلي على طول عمليات .. انا اخترعت وطلعت

رحت مستشفى السلام عند محسن طلبه
وقالي نفس الكلام

ودخلت العمليات وسويتها .. واهيا كانت مانعه للحمل

وحبيبتي حدها عاديه وسهله .. يعني بنج عام .. ولما تقومين عوار بسيط نفس عوار الدوره

وبس يوم او يومين هالعوار

ولازم تتنفسين .. انا تنفست

والحمدلله الحين حامل

بس انا مسويه العمليه سنه 2007 شهر 10

وتوني حامل شهرين الله يتمم علي يارب ويرزق كل محرومه يا كريم