لحقو خالتي .. سوولها قسطره ... لكن

[ذهبيه مرصعه بألماس]

السلام عليكم ورحمة الله و بركاته

بنات خالتي صارلها 4 أشهر و إهي تعبانه من صدرها



صارت لها جلطه بالقلب ..

وسولها 3 مرات قسطره بالصدري ..

و كل مره تطلع فيها يحوشها ماي بالرئتين ...
يعني تطلع من المستشفى .. يومين عشر أيام بالكثير إسبوعين و يرجع لها ماي بالصدر... :0bee2e8d89:

يابنات آنا خايفه عليها..:0bee2e8d89:

ألحين بلندن و سوت قسطره هناك ... و باليوم اللي بترجع فيه رد عليها الماي

شنو الحل ..

شنو السبب

محد عارف

تكفون بنات اللي سبق و مرت بتجربه جذي عند أحد أقاربها أو أحد سوا قسطره عندهم و حصل له ماي بالرئه تقولنا شنو الحل تكفون و الله ندعيلها ليل نهار و الله تستاهل كل خير هالمره الطيبه الحنونه تكفون على الأقل اللي ما عندها رد أو علاج تدعي لها من كل قلبها إن الله يشفيها ويكشف ضرها يا بنات .

 

[بنت لكويت]

انا يدتي صار فيها ماي على الرئه سحبوه و عطوها حبوب مذره للبول والحمدالله تحسنت استشيري الدكاتره

يارب خير ..

[B

]‏أسأل الله العظيم رب العرش العظيم أن يشافيها

‏أسأل الله العظيم رب العرش العظيم أن يشافيها

‏أسأل الله العظيم رب العرش العظيم أن يشافيها

‏أسأل الله العظيم رب العرش العظيم أن يشافيها

‏أسأل الله العظيم رب العرش العظيم أن يشافيها

‏أسأل الله العظيم رب العرش العظيم أن يشافيها

‏أسأل الله العظيم رب العرش العظيم أن يشافيها[/B]

‏عن النبي ‏ ‏صلى الله عليه وسلم ‏ ‏قال:-

من عاد مريضا لم يحضر أجله فقال عنده سبع مرار ‏ ‏أسأل الله العظيم رب العرش العظيم أن يشفيك إلا عافاه الله من ذلك المرض .

يــــــــــارب اكون افدتج...

ادعولي بالشفاء والتوفيق (محتاجه دعواتكم).....


قصتي الحقيقيه معاناه مايعلم فيها الا رب العالمين اتمنى انكم تستفيدون منها.. - منتديات كويتيات النسائية

 

[بنت لكويت]

حبوب سيوله ومدره للبول وسبرين عطو يدتي..

لازم اجيكون عليها عدل ويارب يسهل اموركم

 

[الغاليه نونو]

الله يشفيها ويدرها لكم سالمه وغاااااااانمه يارب

لاتحاتين ياقلبي حتي امي الله يطول لي بعمرها صار معاها ماي عالرئه يادافع البلا مادري شهالماي اللي يطفح علي رئتهم من شنو

عطوها حبوب مدره للبول تكرمون وجيس حبووب اشكبره مترووووس اشكال وانواع وكاهي تاخذ الحبوب فديتها وصارت احسن

وبنت عمي مسكينه بعد نفس الشي دخلوها العنايه المركزه من هالماي اللي علي رئتها وتحسنت حالتها الحمدلله وطلعوها من جم يوم وصحتها زينه بفضل الله سبحانه


ودامها بره مو بالكويت خل يفحصونها عدل وماعليها شر ياقلبي

 

[*دنــيـQ8 ــا الوله*]

ماتشوف شر انشالله

 

[whitish]

ماتشوف شر وان شاء الله تشافي علي خير
اللهم رب الناس اذهب البأس واشفي انت الشافي لا شفاء الا شفاؤك
شفاءا لا يغادر سقما

اللهم امين

 

[ذهبيه مرصعه بألماس]

الله يجزاكم خير يا بنات و نفس العلاج عطوه لخالتي بس ما كو تحسن


كل مره يرجع يطفح عليها الماي

و الله عيالها كل يوم متصروعين من السالفه

الله يستر عليها ...

و اللي تعرف غير هالعلاج الحبوب المدره للبول و الاسبرين تقولي و الله يشافيها و الله ندعي لها ليل نهار

 

[سرقت النوم]

الله يشفيها ... و يقومها بالسلامه ..

 

[dr_enshalla]

والله ماعتقد من القسطرة يمكن اهيا من الجلطه فيها فشل بالقلب وسببلها ماي الرئه
تره دكاتره الصدري شطار مثل دكتور بابو وابراهيم الرشدان