- إنضم
- 13 أكتوبر 2010
- المشاركات
- 4,436
- مستوى التفاعل
- 0
- النقاط
- 0
اول شي بس تذكير قبل لا ندش موضوعنا عشان الردود ما تصير مو حلوه
أصلح المسيء بحسن فعالك ودل على الخير بجميل مقالك
الهدف نناقش مشكله وليس انتقاد شخصي
أصلح المسيء بحسن فعالك ودل على الخير بجميل مقالك
الهدف نناقش مشكله وليس انتقاد شخصي
بسم الله الرحمن الرحيم
واللهم صلي على محمد
وآله وصحبه وأزواجه المنتجيبن جميعا من غير تفريق واحشرنا معهم يوم الدين
قوه بنات
خل نبدي بهذا الموقف
تدش بنت عليج وايهي ميته بجي تقوليلها اشفيج
تقولج أمي أمي!!!!!
وانتي تردين مخترعه ايي اشفيها ؟؟؟ مريضه سوت حادث؟؟
تقولج لأ أمي تبي تتزوج من بعد أبوي !!!!
طبعا أقولها ولا شي تسوين لأنه هذا مو قرارج ولا شي راجعلج
هذا موضوع فكرت فيه لأنه صادفني أكثر من مره واعتقد يمكن صادفكم بطريقه أخرى لكن المحتوى واحد وهو
أم او أب
مطلقين او أرامل
ابتسمت لهم الدنيا مره ثانيه وبيفتحون صفحه يديده ويبون يتزوجون مرة ثانيه
يوقفون العيال بويهم ويقولهم لأ؟؟
احنا مو راضين تتزوجون ؟؟
الأسباب كثيره منها
اول سبب
اعتقاد منهم خيانه للطرف الثاني
حتى لو كان متوفي
وهذا اعتقاد خاطئ جدا جدا لأنه الام او الأب انفصلو عن بعض يا اما بطلاق أو وفاة
فاشلون تصير خيانه؟؟
هذا التفكير بسب تأثرنا بعادتنا الخاطئة انه لازم نصير أوفياء حق انسان ارتبطت فيه حتى لو كان متوفي
تفكير عجيب غريب؟
هل الوفاء انه فقط ما تتزوج؟؟
مو الوفاء يكون بتربية العيال احسن تربية لأنهم ايهم الي يشولون الاسم
مو الوفاء حسن معامله أهل الطرف المتوفي مثلا
مو الوفاء أني أذكره أو أذكرها بالخير
يعني في طرق ثانيه للوفاء
ثاني سبب
اعتقاد من الأبناء انهم راح ينظلمون على يد زوج الأم او زوجة الأب
هذا طبعا لأنه المسلسلات والأفلام ما قصرت
على مخوخ الناس صح في فئة ظالمه لكن ما تمثل الأغلبيه
في حالات معكوسه الأم الي حملت ما تدري عن عيالها وزوجةالأب ايهي الي ربت
ونفس الشيء بالنسبة للأب
ثالث سبب
خوفهم على الورث والحلال حتى لو كان بس بيت حكومه وتصير واايد في العايلات
طبعا هذا النقطه الصراحه مؤلمة وتدل على حمق وغباء الي يفكر فيها
لأنه منو يدري منو راح يموت قبل منو ومنو يورث منو
ياما ناس ادفنو عيالهم وايهم حيين
بعدين شنو هالنظره الخايسه حق والدينك
هل ايهم مهمين لأنه عندهم فلوس؟؟ واذا ما عندهم فلوس مو مهم يعني؟؟
ورابع سبب
وهو المقنع بنظري وهو أصلا سبب الاعتراض
وهو الأنانيه
يبون امهم أو أبوهم يجابلونهم ويتعبون عليهم فقط ايهم
وبعدين كل واحد فيهم يتزوج وييب عيال ويشوف حاله وناااسي أمه وأبوه
واذا الأم او الأبو قالو وينكم ؟؟؟
تعرفين يما العيال !!
تعرف يبا الزوج !!
قمة في الأنانية تبون الحياة فقط لكم
آخر شي أضيفه
يا بنت وياولد
لسبب من الأسباب أمك وأبوك ما كملو حياتهم ويا بعض مثلا كالوفاة
او استحالة العيشه بينهم فصار طلاق
في كلا الحالتين
امك وأبوك ما لكم أي قرار او وصايه عليهم
بس العكس صحيح ايهم لهم مساحه عليج ويدخلون بقرار زواجج وانتي مجبورة تسمعين لهم حتى لو ما عجبج رايهم
بعدين ايهم حرين باختيارهم سواء كان صحيح او خطأ
و ترى ايهم بشر ومحتاجين زوج او زوجه
انتو عيالهم صحيح بس في مشاعر ثانيه وغرائز ما تقدرون انتو ولا غيركم يوفيها
يعني أقل شي بليل كل واحد حاط راسه على المخده مع الي يحبه وآبائكم يعانون الوحده
فهذا حقهم الشرعي والدنيوي انه يملؤون هالاحتاجات الانسانيه بالحلال
وهم ايهم ما سوو حرام
والله شرع لهم
فانتو منو تمنعون ما حلل الله؟؟
أرجو أني فدتكم وبانتظار مشاركاتكم
التعديل الأخير:
