لحقوووو علي قطوي مدري شفيه :)

[Donet]

اليوم حزة الفجر عطيت قطوي وجبة من ويسكاس سمج وهو غير مخصص للبالغين يعني عادي حتى الضغار ياكلونه وماأعطيه بشكل يومي اكثر شي اكل البيت
وبعدها بساعة او ساعتين حسيت ان قطوي خامل وبطنه منتفخ وواضح جان يروح ويرجع كل اللي اكله شوية ويرجع مرة ثانية رجع يقايا اكل مع سائلة اصفر وبعدها بنص ساعة هم رجع سائل اصفر بس كمية قليللة بس بعدها جنه صار اشوى وقام يلعب ونام وقعد حزة المغربية يوعان وعطيته اكل بيت دياي مطبوخ بس هم خامل وكله نايم مايلعب مثل قبل شسوي :0bee2e8d89:
مع العلم عمره تقريبا من 5 شهور الى اربع او 6 في هالحدود

الله يخليكم اخاف يصير في القطو شي

 

[بحرينية محرقية]

انا سمعت ان تغيير الاكل اللي هو متعود عليه تخليه ما يتقبله ويرجعه..

 

[catwiti]

ممكن نفس كلام البنت الي قبلي صح
وترا انشالله مافيه شي
يممكن من اليوع كلا بسرعه فسببله اضطراب بالمعده انشالله مافي شي
انا مره قطوتي تخيلي مافيها شي كلت فجأ جان اشوفها مرجعه الاكل وقامت تركض تلعب حياااااتي كنت احبها بس وديتها

الله يخليلج قطوج

 

[[[ عيون جابر ]]]

سلامات مايشوف شر انشالله

 

[Donet]

تهقون جذي يعني من سرعة الاكل سبب له الترجيع
لان عطيته امس واللي قبله ماصار فيه شي
الحين رد يلعب بس يرجع يصير خامل انا خايفة عليه قلت يمكن عين ماصلت على النبي لان شايفينه ناس

 

[Stay alive]

سلامته مايشوف شر

عادي

س ويسكاس لا تعطينه له نهائيا ليما يصير عمره سنه

ترى ثقيل عليهم وانا مجربته نفسج قبل وكانوا قطاوتي يرجعون

اذا بتشترين له اكل خاص اشتري اللي مكتوب عليهم all ages او kitten

وعادي الوضع ,,

انا لدرجه انه قطوتي الكبيره بتفترة التزاوج يصيبها ترجيع ولا اوديها لطبيب ولا شي تعودت عالوضع ..

وخطاه السوء

ويمكن عين امر العين وارد ..

مادري ياربي ليش الناس ماتذكر ربها

 

[girl0lisheis]

نس ماقالوا البنات او يمكن فيه حساسيه من الاكل الي عطيتيه اياه وانشاء الله مايشوف شر ويطيب

 

[سكارف.فوشي]

ويسكاس اردى نوعية من اكل القطط حاولي تبعدين عنه كله كيماويات ومواد مضره

 

[Donet]

الله يعطيكم العافية خواتي ماقصرتوا طمنتوني
اختي stay live اللي عندي مو مكتوب عليه عن عمر معين عشان جذي اخذته يعني مو مكتوب عليه حق البالغين

 

[Stay alive]

قلبي القوطي واقري ضمن المكونات وهالسوالف

وعالعموم معروفه منتجات ويسكاس اغلبها للبالغين فوق السنه يعني ,,

فيه فريسكاس حلو .. وفيه بيورينا بس الصغار وغالين اما القواطي الكبار مايحبونهم قطاوتي

 

[lojeeen]

يمكن قطوج تحسس من هل اكل انتي اول مره تعطينه من ويسكس نكهه السمج ؟

اهو ترى بعد السمج مو كل القطاوه تتقبله

 

[Donet]

اي اول مرة اعطية وهو مو قواطي اهو زي المغلفات

 

[ياعشيري جعلك السلال]

هالنوعيه بايخه

نصيحه لا تعطينه منها

خلاص ماعليه الا العافيه دام رجع ورد مثل قبل

 

[rosemary777]

جم وجبه تعطينه باليوم وشكثر الكميه ؟؟؟

 

[Donet]

جم وجبه تعطينه باليوم وشكثر الكميه ؟؟؟

اعطيه من 3 وجبات الى وجبتين والكمية يعني على حسب ان كان و مغلف واحد بالوجبة الوحدة

 

[rosemary777]

يمكن الاكل زياده

 

[yassoo]

حبيبتي عادي اذا اليوم مافي شي لا تحاتين اهو اكيد كان يوعان واكل زيادة شوية ومعدته ماتحملت كمية الاكل فلاتحاتين
سلامته مايشوف شر ...

 

[dangras woman]

وديه لطبيب بيطري اذا حييل تحاتينه

وما يشوف شر انشاله بالي يكرهونه هههههه

 

[miss cupcake]

انا مع البنات اكل وسكاس موشي .. جربي نوعيه ثانيه .. بس اذا تحاتيه وديه البيطري احسن

 

[Forever & Ever]

البنات ماشاء الله كفو ووفو

وحبيت اقولج ان فريسكاس حلو

وانا استعمله حق قطاوتي

الكبار والصغار

ومايشوف شر ان شاء الله