لحقووووووو علي :(((

[cheese cake 84]

بنااااااات ساعدوني بموووووروت سيارتي يديده والخدامه يوم نزلت اغراض الجمعيه نست دياي بالسياره وما اقدر اوووصف الريحه شي موووووووطبيعي قالولي حطي فانيليا غرقتها ماااااااااكو فايده غسلناها بديتول مااااااكو فااااايده شاللحللللللللللل بموووووروت

 

[احلا رفقه]

وييييه حبيبتي الله يعينج والله دايم امي تحط قطعه فحم القطع الكبيره مال الدوه الي بالبر عرفتيه مو الفحم مال البخور لا حطيه مكان الريحه عشان يمتص الريحه ولا يكون فيه اثر وانتي بعد بخري سيارتج حطي مبخر الخاص بالسياره وحطي كسره عود طيب وسكري الجامات وبعد دقايق اخذي المبخر وحطي مخلطات من الشايع
وان شاء الله ماكو ريحه​

 

[nono-ful]

خلي الدرايش والبيبان مبطله خل تتهوى السياره

 

[cheese cake 84]

بعد ابي افكاااااار

 

[جديده 1]

مثل ما قالت وحده من الخوات .. عليج بالفحم حطي خيشه اصغيره و اهي تمتص الريحه كلها .. يعني من الليل للظهر حطي الخيشه و صكري عليها السياره .. و من الظهر للعصر بطلي درايشها و البيبان ساعه ولا ساعتين

 

[والله مادري]

يوووه الله يعينج ورطه سوري ماعندي حل كان ودي افيدج بس انا ابي حل لريحه الصبغ شلون تروح ماتعرفين شلون

 

[cheese cake 84]

صبغ بخري عطري اسمه صبغ بس أنا ريحه زفره قاااااااتله حطيت فحم ماااااااكو فايده شسويييييييييييي؟؟؟

 

[سلة ورد]

خذي معطر سيارة انازوجي عنده معطر سيارة ريحته قوووية رشة وحدة بس في خلف السيارة تبقى قوية وليوم ثاني على فكرة الريحة من قوتها العطرية تصك الراس ما نستخدمها الا قليل جربي ما يضر

 

[سلة ورد]

والف مبروووك السياارة الله يعطيج خيرها ويكافيج شرها يا رب

 

[جديده 1]

سمعي هوي السياره و حطي فحم مثل ما قلنا .. و المكان اللي كان عليه الدياي خلي الخدامه تفركه بماي معاه شويه ديتول و كلونيا لان يمكن الاسفنج متشرب عرفتي ..

 

[ضماي هو وهناي]

شوفي اختي احسن حل الفحم الافريقي ...........
وعن تجربه القاز انكب بسياره ريلي من الدفايه لما رحنا الشاليه مره ريلي انصرع من الريحه حتى لما ردينا قالي انت سوقي الجيب وانا اسوق سيارتج لانه ما يستحملها .... انا سويت بنفس الليله بالليل اخذت باجي الفحم وحطيته بصينيه عوده وسكرت عليه بالسياره لما ثاني يوم الظهر ..... لما فتحت الجيب ماكو ريحه ولا شي ناديته وقلت له تعال وشم اذا في ريحه ...
ضحك وقال انت ساحره وين الريحه قلت له كله في سبيل اني مااسوق الجيب مااحب اسوق الجيوب كلش ... ريلي يقول لما سقت كنت اشم شويه ريحه عاد انا لما وصلت البيت اخذت فحم بعد وحطيت بالسياره ولي ثاني يوم اختفت تماما الريحه بالمره بالمره ... وعطرتها بمعطر السياره وبس خلاص ولت الريحه لغير رجعه

 

[خالف تعرف]

بطلي الدرايش وغسليها من داخل