لحقووووني حلقت حواجبي بموس !!!!!

[kim!]

السلام عليكم



ياشين اللقافه شيناااه بنات سمعوا السالفه انا خلقه حواجبي خفيفه وبالذات بداية الحواجب ورفيجتي كل ماشافتني قالت لي حلقي بموس وشوفي شلون راح يتعدل ويطلع شعر حواجبج
عاد انا من زود الشطاره حلقته كله:eh_s(11):
وصارلي 3 اسابيع في شعر كلش ملش ماطلع يعني بس تشوفينه مبزبز مو راضي يطول امبيه حواجبي توحفه صاروا مستحيل اقعد بدون تاتو ميك اب فوريفر :eh_s(2):
بنات ابيهم يطلعوون اللي طلع شي بسيط والباجي بس مبين راس الشعر مو راضي يطول

هيلب مي بليييييييييز:eh_s(2)::eh_s(16):

 

[™〓 تۈڷيـــטּ~»❀]

نوات التمر مع زيت الخروع
ينبت انا مجربته حق رموشي وحواجبي
وايد فادني


وو من كم يوم رفيجتي تمدح البندول
بس ماسالتها عن الطريقه وماجوف حواجبها واو عادي خفاف

 

[متغليه لعيونه]

زيت الخروع

 

[kim!]

مشكورين بنات بجرب الخروع ونواة التمر

انزين ماتعرفون شي اشتري من الصيدليه ؟
وشرايكم بمافالا للرموش ينفع للحواجب؟

ابي شي بسسسسرعه يطلعهم

 

[chakletaA]

ههههههههههههههههههههههههههههههههههههههههههههههه

اسفه بس العنوان ضحكني شوي >>> شوارب مو حاجب

في اله متخصصه للحواجب تلقينها عند الغانم روعه حق الحواجب

>>>> ثم الله يخلي تاتو كل التوفيق

 

[واي ياحلاتي!]

الله يهديك ,, ويهدي رفيجتك,,

" لعن الله النامصات والمتنمصات " سواء أكان النمص بالنتف أو الحلق أو بِقصِّ شيء منها ، كل ذلك داخل في هذا الوعيد

 

[ana moo ana]

مبرووووك صرتي مطروده من رحمة الله لانج نمصتي <<<<< للتذكير بس ادري بتقولين عارفه الحرام والحلال بس يعني التذكير واجب !!!!!!!

 

[أبلة فاتن]

لا حول ولا قوة الا بالله

تقصدين اي موس ؟؟ الموس العادي اللي نشيل فيه الجسم ؟؟

ولا موس الخاص بالحاجب الصغير ؟؟​

 

[kim!]

ههههههههههههههههههههههههههههههههههههههههههههههه

اسفه بس العنوان ضحكني شوي >>> شوارب مو حاجب

في اله متخصصه للحواجب تلقينها عند الغانم روعه حق الحواجب

>>>> ثم الله يخلي تاتو كل التوفيق

حبوبه الاله حق شنوو؟ شنو وظيفتها بالحياة:d

 

[kim!]

لا حول ولا قوة الا بالله​

تقصدين اي موس ؟؟ الموس العادي اللي نشيل فيه الجسم ؟؟​

ولا موس الخاص بالحاجب الصغير ؟؟​

فتون فديتج دزيتلج بالخاص بشنو حالقتهم:eh_s(2):

 

[كراك]

بموس



لاحول ولاقوة الا بالله ....


الله يكفينا شر النفس والهوى والشيطان

 

[((غلاي))]

رررفع

 

[Sweet Angle]

امبيييييييييه

حبيبتي استعملي زيت خروع مع نواة التمر راح يطلعون ان شاء الله

يارب يطلعووون بسرعة

 

[راح حبيبي]

زيت الخروع عن تجربه كثف حواجبي ورموشي بدون اضافات يوميا بليل قبل لا تنامين خلال اسبوعين بيرجعون أنا رجعوا خلال اسبوعين


بس عندي سؤال الي قالت مبروك انطردتي من رحمة الله اهيه ما حفت اهيه حلقتهم عشان يصيرون كثيفين شعلاقته بالطرد من الرحمه

 

[بقايا آمل 22]

لا تحاتين خيتوووو راح يطلعون ان شاء الله .....بس بعرف الي عطيتونا الاحاديث اهيا مانتفت الشعره من عرجها اهيا شالتها من فوق الحين...! حلقتها !!! السوال المهم ....وابي الي كتبوا الحديث يجاوبوني التشقير حلال ولا حرام .... ولا تقولون لي بعض المشايخه حللوه ابي جواب واضح حلال ولا حرام....!
اهيا ماشقرت اهيا قصت واتوقع بالتشقير ترا يقصون لكم الاشقر ورجاً لا تضغطون علي نفسية البنت فوق ما اهيا مضايقه ومشكورين عالنصيحه بس اهيا الحين مومحتاجه نصيحه محتاجه حل الي عندها حل ياليت تفيدها.... وحبي انا عن نفسي اقولج لا تحاتين راح يطلعون بس صبري عليهم شوي

 

[بقايا آمل 22]

زيت الخروع عن تجربه كثف حواجبي ورموشي بدون اضافات يوميا بليل قبل لا تنامين خلال اسبوعين بيرجعون أنا رجعوا خلال اسبوعين


بس عندي سؤال الي قالت مبروك انطردتي من رحمة الله اهيه ما حفت اهيه حلقتهم عشان يصيرون كثيفين شعلاقته بالطرد من الرحمه

ااااي بردي جبدي ..... يالي كتبتي مبروك ...مالج حق تحكمين لمن تكونين رب الكون حكمي اذا انطردت ولا لا ....!!!!

 

[فجر_الكويت]

حطييييييي خروع

بسرعه يطلع

 

[حقوقيه زوغه]

في معجون صغير حق الرموش والحواجب من الصيدليه اسمه vit vit ب ٥ دنانير ،، انا اخذه من صيدليه الروضه تحصلينه عند الكاشير بس خياال

 

[كويتيه فرنسيه]

الحين خليج على التاتو كحل مؤقت

وبالليل حطي خروع ان شاء الله بيطلعون


بس بصراحه حدج جريئه شلون قدرتي تشيلينهم كلهم مافكرتي ان ممكن مايطلعون خير شر

 

[نمبر ون]

حطي خروع مع نواة تمر محموس ومطحون وبيطلعون بسرعه

اذا متعايزه تسوين اشترين من حيادر ولا مريومه ولا ملاك

الله يسامحها ربيعتج ويهديها كيف تنصحج هالنصيحه دام انتي بالاساس مافيج اشله تقولج شيليهم بموس المفروض كانت تقولج حطي عليهم شي يكثفههم , حرام والله احس حواجبج ماكانو فضيعات عشان ينشالن بموس بس هذا درس عشان مره ثانيه ما تسمعين رمست حد


وعن حكم النتف و النمص فهو حرام

والي تقول اختلفو المشايخ في تخفيفها وقصها وتشقيرها بدون نمصها شوفي هذا الحديث


وعن أبي عبد الله النعمان بن البشير -رضي الله عنه- قال: سمعت رسول الله -صلى الله عليه وسلم- يقول: إن الحلال بَيِّن وإن الحرام بَيِّن، وبينهما أمور مشتبهات، لا يعلمهن كثير من الناس، فمن اتقى الشبهات فقد استبرأ لدينه وعرضه، ومن وقع في الشبهات وقع في الحرام، كالراعي يرعى حول الحمى يوشك أن يرتع فيه، ألا وإن لكل ملك حمى، ألا وإن حمى الله محارمه، ألا وإن في الجسد مضغة إذا صلحت صلح الجسد كله، وإذا فسدت فسد الجسد كله، ألا وهي القلب رواه البخاري ومسلم.


في رواية : وَبَيْنهمَا مُشَبَّهَات .
قال ابن حجر : أَيْ : شُبِّهَتْ بِغَيْرِهَا مِمَّا لَمْ يَتَبَيَّن بِهِ حُكْمهَا عَلَى التَّعْيِين . اهـ .
وقال ابن منظور : و المشتبهات من الأمور المشكلات .

سُئل الإمام أحمد : ما الشُّبُهَات ؟
فأجاب :
هي مَنْزِلة بَيْن الحلال والحرام إذا استبرأ لِدِينِه لَم يَقَع فيها.


والله يهدينا ويرحمنا برحمته