لحقووووني ابي رد سريع دكتور تجميل انف

[بدبودة]

اهي عياده مو مستشفى ودشي جوجل وكتبي ايلي غاريوس راح يطلعلج موقعه دشي وشوفي كل شي عنه وحاط صور عملياته قبل وبعد, وترى فكرتج غلط عن البنج الموضعي بالعكس يقدر يسوي كل شي و صدقيني ماراح تحسين ابشي راح اتحسين انج قاعده اتطيرين جنج محششه انا جلدي حددده متين وخشمي كان مخترب من قبل وكبير وحيييل تعدل يعني كلش ماينعاب بس انا ابي اصغره بعد (خاطري ينقال عن خشمي كلمة عنونو) واختي ماشالله خشمها شي مو صج والله البنات قاعدين يحسدونها عليه والكل يبي يروحله بالصيف هم انا قاعده افكر اردله بالصيف او اروح حق نادر صعب او نزار شهاب للحين محتاره بينهم..

 

[modina]

هاى بنات
بدبودة حياتى بنروح هالصيف لبنان امانة ايهو احسن انا امسوية حادث وانا صغيرة
وخشمى مكسور بعدلة وبصغرة بردة نفس اول
شنو تنصحينى اى واحد؟ وبكم؟ وشكثر مدة الجبس؟
وفى الم بيحط فتيل داخل الانف ؟؟

 

[بدبودة]

عاد حتى انا انشالله ضروري نتصادف هناك ونقعد انرقع بخشومنا من واحد لي الثاني اثنيناتهم نفس الاسعار يعني بالكثيييير 400 بس ايلي غاريوس خلا خشم اختي شي مو صج وانا عدلي ياه لانه خشمي حده صعب بس هم ابي اصغره ومايحط جبس ايقول الطب تطور الحين في لزقه قويه تمسك بداله الا في حالة الكسر القوي ولا في زرقان حول العين اما الفتيل فانا شلته ابروحي بالفندق وماحسيت ابولا شي ولا عوار الا خفيييف بعد العمليه احنا سويناها المغرب وردينا نمنا وثاني يوم طلعنا من الصبح ولا جنه صاير شي راح احاول احط صورة اختي لاني ما اعرف, اما نزار شهاب فانا ما شفت بس وحده اهني بالمنتدى بعد عمري ماقصرت قالتلي عنه وتقول انها شايفه 3 بنات امسويين عنده وخشومهم حدها مرسومه وطبيعيه عشان جذي انا احترت, وانتي عاد نطريني مو تروحين قبلي هاااا

 

[الماس الكون]

والله بدبودة حيرتيني اخاف اسافر واتعنى وبالاخر ما يطلع مثل الي ابيييية لان صج صج تعبت نفسيا من خشمي صاير يخرع وساعات استحي اطالع الي جدامي احس يفشل خسمي حسبي الله عليك يا دكتور اشرف شوهني .... عشان جذي خايفة من العملية الثالثة ياربي والله احترت بينعبدالمحسن جعفر والدكتور الي قلتي عنة يا بدبودة ياااااااااااااارب شسوي لان انا ادري ان خشمي لازم يكسرة ويصلحة فا اظن لازم بنج كامل لان خشمي يبيلة شغل وااااااااااايد خصوصا الفتحات كبار و وحدة اصغر من الثانية خربة الدكتور اشرف

 

[بدبودة]

اقولج شي؟ انا رحت حق جمال الحربي اول يناير وخذيت عنده موعد 25/1 ورديت البيت وقمت اصلي استخاره جم يوم وفجاه وانا قاعده احوس بالنت ولا الاقي موقعه دشيت عليه وشفت صور عملياته وحدها عجبتني وبسرعه بسرعه صارت السفره ورحت وسويتها اب تاريخ 24/1 صج خيرة, شوفي انا كنت محتاره بين ايلي غاريوس ونزار شهاب بس وحده من البنات قالتلي ان شغله حييل طبيعي وسوا خشم رفيجتها نفس حلييمه وحليمه خشمها كلش مو صغير فمادري احس طخيت شوي عن نزار, انتو بس لو تعلموني اشلون انزل صور عشان تشوفوووون

 

[دنيا جديده]

بناااات والله احسن واحد جمال الحربي لاتلعبون بخشومكم اللي تروح لبنان وايران ومصر حرااام حتى دكتور عبدمالمحسن سمعت انه خرم خشوم بنات واجد. اما بالنسبه لجمال الحربي الكل يمدجه بس انا ماسويت عنده وبسوي انشاءلله اذا الله كتب.

 

[أم حمـــــودي]

بناااات والله احسن واحد جمال الحربي لاتلعبون بخشومكم اللي تروح لبنان وايران ومصر حرااام حتى دكتور عبدمالمحسن سمعت انه خرم خشوم بنات واجد. اما بالنسبه لجمال الحربي الكل يمدجه بس انا ماسويت عنده وبسوي انشاءلله اذا الله كتب.

هاي حبوبه ،،، انا سويت خشمي اب ايران وكل اللي شافوني راحوا سوو عند نفس الدكتور واخر وحده من سنه كانت رايحه وهي اختي بعد ،،، ياريت تشوفين خشمنا وبعدها حكمي على دكاترة ايران والله بتغيرين رايج فيهم

 

[amal_rose]

انا عاملة عملية عند الدكتور بشار البزرة بجده ...من عشرة ايام وفكيت الجبيرة من يومين والحمد لله كل شي تمام ، عملتها تحت التخدير الموضعي ويوم واحد بالمستشفى وبدون حشوات والحمد لله كانت العملية مرررررة كويسة وهلأ انا شغاله ع المساج ويارب ... بس شكل انفي صار مره مره حلووووووووووووو

فأشكر الدكتور بشار البزرة وكل اللي في عيادته ...