لحقوووني الله يجزيكم خير شعر بنتي شفت في ؟؟؟

[توته79]

السلام عليكم ورحمه الله وبركاته.
بنتي عمرها 6 سنين....و(ما شااااء الله) شعرها زين...

من يومين وانا امشط لها شعرها شفت منطقه صغيره صلعه ولا فيها حبه شعره؟ خايفه هل ممكن تكون ثعلبه الصلعه وايد صغيره يعني مثل قاعده القلم رصاص تقريبا مومدوره حيل جنها بيضاويه يعني جنه خط متوسع بوديها الطبيب بس خايفه يقولون اذا ثعلبه ممكن يعطيها كرتزون
ياريت تفيدوني بهالموضع

 

[سندريللا بطه]

اب اب

 

[GaLbI t7aWaL]

حبيبتي ان شااء الله مو ثعلبه

لآن بعض المرات يكون اخوها فالعها بشي ع راسها وصاير جذي

آنا نفسها وكنت شاااكه ان فيني ثعلبه بس الحمدلله

تذكرت اني مفلوووعه وآنا بو ١٦ سنه

 

[توته79]

بس انا كل يوم امشطها ماشفت فيها هالفلعه

 

[FuSheYa]

اسم الله عليها ان شاءالله مافيها الا العافيه
بس لازم تودينها الطبيب

 

[موجة ~ بحر]

وديها بوحمرة

 

[أم العيش]

ماعليها شر ان شاءالله

وديها حق بو حمرة - آنا بنتي صار لها شي مقارب من سنة تقريبا

كنا بعرس و كنت فالة شعرها (اسم الله عليها حلو) و كان حزتها طويل

و كل من شهق من شعرها وانا طول العرس وانا اسمي و اقرا عليها

ثاني يوم والله ثاني يوم - قعدنا من النوم - و لا خصلة اشكبرها عالمخدة إهي شافتها قامت تبجي وانا اخترعت

و تميت لي 3 ايام و شعرها يطيييييييييييييييح بالهبل والله واهي تشوف الطايح بالمشط أو عالأرض تبجي تقولي مابي اصير قرعة

رابع يوم وديتها لبو حمرة و طلب لها تحاليل قالي كل شي اوكي - بش الظاهر عين (لأني قلت له كنا بعرس و كذا كذا صار)

فقالي الظاهر عين - قصي شعرها و لا تفلينه جدام الناس و عطاني لها شراب فيتامينات ما أذكر اسمه

و شامبو واااايد نفعها و نوعين زيوت قال مع الوقت بينبت شعرها - قلت له آنا أقدر استخدمه قال عادي

و بس نفس اليوم وديتها و قصيت شعرها لي جتفها (عورني قلبي) - و إهي أصلا استانست إني قصيته

و الحمدلله الحمدلله على ماخلصت الشامبو و الزيوت و الشراب عقب شهرين الحمدلله وقف التساقط

و صار بشكل طبيعي اللي مايخرع

وديها و لا تطولين أكثر من جذيه​

 

[توته79]

تسلمون بنات عالردود انا المشكله مو بالكويت بحاول اشوف لها دكتور زين هني
بس اهي مو الشعر يتساقط بس هالمكان الفاضي الصغير اللي طايح منه

 

[دلوعة المنتدى]

اب

اب

 

[(دنيتي)]

وديها تلطبيب وسوفي وان شالله مافيها الا العافيه

 

[ام أسد]

ان شاءالله مو ثعلبة بس اذا ثعلبة وديها بو حمرة يعطيها ابر براسها انا كنت جذي وانا صغيرة كان فيني ثعلبة براسي وكنت اعالج عند بوحمرة كان يعطيني ابر وماشاءالله بسرعة راحت لاتاخذين كريمات ولا شي غير الابر مااافي

 

[G!RLooNa]

بنات جم رقمه و وين عيادته عفيه؟

 

[دلولي]

بسم الله مشاالله تبارك الرحمن وديها للطبيب خليه يشوفها احسن عندك عيادات ديرما اذا انتي في الرياض واذا في الكويت بو حمرا

 

[الاميره نوسه]

خيتي ام العيش وش الشامبو والزيوت الي وصفها الدكتور

ياريت تفيديني

 

[~ FOOSY ~]

ليش الطبيب؟؟ انا كانت فيني ثلاث ثعالب مارحت الطبيب ولا شي .. امي كانت كل اسبوع تفركهم لي ( بثوم ) تفركه وكان يعور بس عقبها طلع شعري وجنا ماصار شي .. الثوم وايد وايد زين حق الشعر .. وانشاءلله اكون افدتج

 

[om MaRyooM]

مااتشوف شر حبيبتي

انشالله مو ثعلبة

بس وديها دكتور شاطر عشان لايلعبون او يألفون فيها

وحتى لو كرتيزون عادي مافيه خطر انشالله .. لاتحاتين

 

[كويتيه مذهله 87]

لا توسوسين يمكن طالعه لها حبه وطايحه جم حبه وأثر

 

[um khaled]

وديها المستوصف وبس ترى ادويه الصحه زينه