لحقوني

[كلي انوثه]

قطوي صغير شيرازي عمره 3 اشهر واليوم غسلة اجزاء من جسمه و بعدها نشفته بالاستشوار و بعدها قام ورجع وكل دايخ وما يتحرك اخاف يموووت

وخمول وحراره

 

[Little_Queen]

ماعندي خبره بالقطاوه بس أحس انه حاشه برد او هوا مادري ليش !

نفس الياهل الي طاقه برد .. متسبح و مطلعته بهوا .. أو منشفته بهوا بارد .. مادري يمكن ! مادري صراحة ماعندي كلش خبره بس ما حبيت ادش و ما ارد عليج

انشالله مافيه الا العافيه الله يشافيه

 

[كلي انوثه]

يا رب وميرسي حبي
بنات ردوا علي بليز

 

[كلي انوثه]

يا ربي الكل يدخل وما يرد
زين اقرب عياده بيطري للرقه اي صووب
انا مو قادره انام والله

 

[كلي انوثه]

واي بنوتات

 

[Nonita-q8]

ماعرف حق القطاوه ربي يشفيه
بس اعرف عيادتين اللي بالوفره واللي يم سوق الحمام

 

[كلي انوثه]

بنت عبد الغني شربت وينج

 

[AmOoNa-]

لاحبيبتي لاتخافين ماراح يموت ولا شي اهو ماكان في شي بس سبحتيه رجع؟؟ شي طبيعي يصير مع وايد قطاوه اذا سبحتيهم عقب الاكل على طول

 

[كلي انوثه]

شنو اسوي اللحين بوديه الطبيب اجيك عليه

 

[AmOoNa-]

اذا تقدرين تودينه وديه شالمشكله بس صدقيني اهو ماكل وانتي سبحتيه على طول عشان جذي رجع واكبر دليل انه ماكان في شي قبل السباحه

 

[كلي انوثه]

بس خدران لحد اليوم ما يتحرك وايد

 

[xXBountyXx]

اذا فيه حراره

وديه للبيطري أفضل وأضمن

وإذا ظل خامل فترة طويله

لازم تودينه


تقبلي مروري
xXBountyXx

 

[هيا زياد]

ودي طبيب البيطري :001::001:

يمكن حاشه برد​

 

[كويتية كشخة]

حبيبتي عادي انا كله يصير بقطوة بنت خالتي جذي اذاسبحتها عقب

 

[Little_Queen]

اعتقد اكو مستشفى بيطري بمينا عبدالله .. هذا أقرب شي للرقه

 

[q8yat777]

حاشها برد

لازم تنتبهن المره الثانيه اذا سبحتي القطوه لازم :
1- اجهزين الماي بالصابون ومايكون الماي بارد ولا حار يكون وسط
2- فوطه تنشفين القطوه
3- اتسبحينها بالنهار بيوم في شمس دافي ايام الشتا
4- تخلينها تنشف نفسها وتنفض الماي

اذا فيها حراره وما صارت احسن للحين وديها الطبيب في بسوق الجمعه

 

[EviL^^GirL]

وديها بسرعه خل يغزونها ابره

ويحطولها حبه حمره