لحقوني 

[هامش الطيف]

السلام عليكم :eh_s(11):

بنااااات تكفون لحقوني عرسي يوم الخميس
وصكرت جناطي وكل شي

تو بلغوني ان بنروح فندق
امانه شنو اخذ معاي
شكبر الجنطه اللي اخذها؟
الطقم الايد ولا مالت السفر؟
جم عطر؟
اخذ مجموعه شور جل؟
وجم قميص وعبايه والله مابالي شي لحقوني

 

[mi corazon]

مبروك عروسنا الحلوه

حبيبتي اخذي اللي يكفيج يوم واحد لو بتقعدين اكثر اخذي اكثر

قميص اول يوم + قميص ثاني احتياطي
بجامه ستن او حرير وطقمين داخليين

عطر عربي وعطر فرنسي وخمريه للشعر وللجسم

سوالف الحمام ( فرشتج ومعجونج والشور جل والشامبو وماسك للجسم ) كريمات الجسم والويه مالت الصبح والليل

اكسسوارات ناعمه( تراجي واسوره )

ميكبج وصبغ اظافرج والمزيل علشان الصلاة

شاحن تلفونج

سلبر البيت الفرو وجوتي اضافي لو صار شي بجوتيج

طقم عباية او بدله


استشوار ومشطج وشبابيصج ( مع انج ماتحتاجين الا كماشه بس لو حبيتي ثاني يوم ترفعينه)

واخذي حصن المسلم وحصني نفسج وزوجج


مبروك حبيبتي

 

[انونا]

حياتي يعتمد جم يوم بتقعدين بالفندق


والله يهنيج مقدما


واكيد تاخذيلج مجموعة شور جل وشامبوهج الخاص
وعطر وبجامه الستان وقمصان نوم وفوطج الخاصه واكيد غيارات داخليه وجم بدله بس ترا العدد يعتمد عليى جم يوم قاعده ومعجون الاسنان وعناياتج الخاصه مثل غسول وجذي ومكياجج والبنات ان شاء الله ما يقصرون

والله يسعدج يارب

 

[ياغروري]

ااااب

ااب

اب

 

[أجمل إنسـآنـه ~]

مبروووووووووووووووووك ربي يوفقج..

شوفي جم يوم بتقعديين..واخذي البيجامات ع عدد الاييام..

يعني مثلا يومين..

اول يوم اخذي...بجامه..وقميص نوم..ونفنوف احتياط...وملابس داخليه 2 بدلي باليوم مرتين...وفلات عزج اللـه ..واذا تلبسين عبايه اخذيلج عبايه عشان يمكن تريقون برا..وجنطه الطلعه..وعطرين الي تفضليينهم..وشامبو وفرشاتج ومعجونج ومشطج..> أهم شي المشط.ههههه,,.والاستشوار اذا تحتاجين...وكريم ومسكرا وحمرتين....


واليوم الثاني مثل الاول بس بيجامات غير...وملابس داخليه غيـر...~

وصح اخذي درنقيين وتشيرتين..عشان تلبسينهم تحت العبايه ..>>أنا ألبس تحت العبايه درنق وتشيريت..~


ربي يوفقج..~

 

[هامش الطيف]

تسلمون ي حلوات بقعد ثلاث ايام
صج متوهقه

 

[&موناليزا&]

عزيزتي رفع لعيووووووووونج

 

[amoraa-q8]

بالتوفيييييق يارب

 

[قمر الكويتية]

ما شاء الله البنات كفوو ووفو
مبروك مقدما و الله يهنيك

 

[Mjnont '3lay]

مبرووووك عروستنا الغاليه الله يتمم عليج يارب ويوفقج حبيبتي ويسخر لج زوجج ويخليه لج بروحج ولا يحرمكم من بعض
ومنه المال ومنج العيال والله يرزقج بالذريه الصالحه اللي تقر عينج فيهم
شوفي يالغاليه دامج بتقعدين 3 ايام امشي معاي خطوه بخطوه
اول شي لا تاخذين الا جنطه وحده حجمها وسط والجنطه الثانيه هاند باق الصغيره عرفتيها

يالله بلشي معاي بالجنطه الوسط
1- روب الحمام مع النعال ماله عزج الله ومنشفه حق شعرج ونصيحه حطي منشفتين احتياط ..
2- الشامبو + شور جل + ليفه + فرشه ومعجون
3- غسول حق بليل قبل النوم مع مزيل مكياج مع مزيل صبغ و3 الوان صبغ اختاري اللي يعجبج ولا تنسين القطن حق المزيل
4- اعواد اذن
5- استشوار + مشط + ماشات وتاجين نصيحه انتي عروس لا ترفعين شعرج وانتي وياه بس حطي تاج يوخر الشعر عن وجهج ويعطيج لوك حلو
6- لوشن جسم مع سبراي حق الجسم وبودر وديودرنت
7- اذا تلبسين عبايات مو بدل حطي لج واحد فلات اسود وواحد كعب بس واذا تلبسين بدلات حطي لج واحد فلات ملون يمشي على كل البدل وواحد كعب سلفر يمشي هم مع كل البدلات
8- حطي جنطة المكياج الميني + اخذي لج اكسسوار ناعم يعني تراجي ناعمين مع سلسله ناعمه وحلوه وساعه ناعمه بس
وسليبر عشان تمشين فيه بالغرفه او السويت
8- اخذي لج بجامتين ناعمين وحلوين + بدلتين حق ثاني ثالث يوم لو بتطلعون او عبايتين على حسب لبسج

خلصنا من الجنطه الوسط


نجي حق الجنطه الصغيره الهاند باق

1- اول شي بخري الجنطه بالمسك ورشيها بعطر فرنسي خفيف
2- ثاني شي حطي قميص نوم اول ليله وقميص نوم ثاني ليله وثالث ليله يعني ثلاث قمصان نوم
3- شاحن التلفون + بوكج وبطاقتج احتياط يعني
4- حصن المسلم + قرآن صغير تقرين منه
5- سجادتج الصلاه و الثوب مال الصلاه
6- جنطه وحده مالت طلعه اخذي سوده عشان تمشي مع كل شي
7- مرطب حق الوجه والايد
8- تلفونج حطيه معاهم بالهاند باق احسن لج واشتري لج كرت تعبئه احتياط وادعسيه بسحاب الجنطه عشان اذا محتاجه تكلمين امج او اختج ما تتوهقين او تطلبين منه يعني عن الاحراج عرفتي
9- اذا حابه اخذي كامرتج عشان تصورين الفندق للذكره واجد بنات جذي يصورون الفندق ويخلون الصور ذكره عندهم
وبس ان شاءالله ما اكون نسيت شي واذا نسيت خواتي كلهم مايقصرون رح يضيفون الشغلات اللي ناسيتها على كلامي
والله يوفقج يارب ديري بالج على نفسج واقري البقرره كااامله قبل العرس بليله واستودعي نفسج لله ان شاءالله يحفظج ويعدي ليلتج على خير ويجعلها احلى ليله بحياتج ياارب

 

[فرفورهـ]

:eh_s(4):موووصج شنو 3 ايام
وااااااااااااااااايد

وين تشيلين اغراضج
ازيد على الي قالوه:
اخذي كل شي وزود عليه مثل ماقالو البنات
ومبخر وبخور ومعطر للحمام

عاد خوفج اذا صار حاجز غرفه :rgewrg: مو سويت كامل واااااااااااااااااي بتموتين
وشوفي ثاني يوم طلبي من الصالون الي بالفندق تيلج وتسوي شعرج وميك اب خفيف وخل يدفع ابو الشباب :bbbiu:

 

[قلبهـ 86]

مبروووووووك عرووووستنا

 

[!! دلوعته !!]

اب اب

 

[دلوعة أبوهآ]

مبروك ..
والله يتمم لك ع خير ..

 

[^لغموضي معاني^]

مبروووك


والله يتمم عليج حبيبتي


ماقصروو البنات كفو ووفو

 

[rose_princess]

آآآلف مبرووووكـ خيتوووو مااقصرووا النبات ويااج

 

[FaToMi❤16]

بالمبارك ان شاء الله و الله يوفقج ♡