لحقوني يا الأياويد ... رقوقه وكل البنات اللي يطبقون وصفات المنتديات

[مطفوقه^ملقوفه]

قوه بنات
أنا توني مسجله مادة اقتصاد منزلي غذاء وتغذيه
بالعربي الفصيح ماده كلـــــــــــــــــــــــــــــــــها طباخ
المهم عادأبلتي من نوع لازم تتحيلقين لها عشان تعطيج الخمسه فأنا رزيت ويهي وقلتلها بسوي ملف عن وصفات الأكل فطلبت مني صور
الحين محتاجه الصور عن الأكلات
أبي مجبوس وستيك ودياي بالكريمه وكفتة اللحم بالهرده مالت كوين وسلطات واللي عندها طريقة سلطة الفلافل اللي كنت حاطتها لا تبخل علي لأنها ضايعه مني وحلو المنجا وتشيز كيك والكيكه الفلبينيه وصور ساندويتشات (غثيتكم صح)
وصور بسبوسه وجذي
يليت بنات تساعدوني لأني محتاجه الصور هالأسبوع أنشالله تكون عندكم

 

[نفنوف كشكش]

رد : لحقوني يا الأياويد ... رقوقه وكل البنات اللي يطبقون وصفات المنتديات

المجبوس اتلاقين له صوره ابكتاب المطاحن الكاروهات
ستيك حطي الياهو عند الامج كلمت ستيك راح يطلعلج
الدياي بالكريمه والبجي مثل السندويجات والجيز كيك ممكن نفس الشي اتسوين عاد يااااكثرهم اذا ماعرفتاي قوليلي انا اطلع معاج اوكي
والكيكه الفلبينيه تبين طريقتها ؟ اتلاقينها بالملف فوق ومالت الفلافل احطلج مقاديرها انشالله بس موالحين ليش حدي طفيت اول ماقول باذن الله اتلاقينها جدامج اوكي

 

[الشيف رقيقة]

رد : لحقوني يا الأياويد ... رقوقه وكل البنات اللي يطبقون وصفات المنتديات

ولا يهمج مطفوقة بشوف واردلج الصور بهالملف بس احتمال موكلهم اللي اقدر عليه ماراح اقصر وياج ابد وموفقة

 

[الشيف رقيقة]

رد : لحقوني يا الأياويد ... رقوقه وكل البنات اللي يطبقون وصفات المنتديات

شيز كيك السنيكرز

الكيكة الفلبينية

 

[مطفوقه^ملقوفه]

رد : لحقوني يا الأياويد ... رقوقه وكل البنات اللي يطبقون وصفات المنتديات

بعد عمري رقوقه أنقذتيني
على الطاري أنتي اشكثر تحطين حليب نستله عالكيكه الفلبينيه واشكثر جبن؟؟؟
أنا أحط علبه صغيره حليب وأرش جبن بس ما يطلع كثرج يطلع أقل !!!!
مشكوره كشكش وناطرتج

 

[أنا وين ؟؟]

رد : لحقوني يا الأياويد ... رقوقه وكل البنات اللي يطبقون وصفات المنتديات

لووووووووووووووول مطفوقه بتاخذ الملف لها وبتطبق اللي فيه عشان جذي طلبت منج صور ههههههههههه

 

[نفنوف كشكش]

رد : لحقوني يا الأياويد ... رقوقه وكل البنات اللي يطبقون وصفات المنتديات

كاهي مطفوقه سلطتج بالحرف الواحد وراح ارجعلج انشالله بس بالليل اوكي


أنا أقول سلطه وناس يقولون فته
قووووووووووه

تره أنا مو مثل مهوره لأ شاطره أعرف حق المطبخ

المهم وحده أعرفها يابتلنا طبق بالعزى مع السلطات والله ثم والله خلال عشر دقايق طااااااااااااار كله خلص

عاد أنا ملقوفه وطلبت الطريقه

بس يابنات والله تهبببببببببببببل مو طبيعيه

المقادير :
*******

فلافل ( حوالي 15 حبه )
خس مقطع شرايح
فلفل بارد أخضر مقطع مربعات
باذنجان مقطع مربعات صغار و مقلي


الصلصه :
*******

علبة لبنه كويتنا كبيره
ثلاث علب روب كيديدي
ملعقتين طحينه ( هرده )
ملعقة صغيره كركم

للتزيين :
*****

بطاطا كبيره مبشوره ومقليه بقليل من الزيت

سماق ونعناع ناشف

الطريقه :
********

1- تخلطين المقادير الأولى مع بعض وإذا حبيتي تضيفين ملعقة شاي فلفل حار مدقوق

2- تخلطين مقادير الصلصه مع بعض عدل

3- تخلطين نص الصلصه مع المقادير الاولى ( الفلافل نفتتها ) وتوضع في طبق بايركس

4- تخلطين نص كميه البطاط مع باقي الصلصه وتصب فوق الطبقه الأولى

5- تزين بباقي البطاطا و السماق والنعناع

و بالهنا والشفا وصدقوني ماكو منها اتينن
-----