لحقوني يابنات شالحل شسوي ؟؟

[احلى ديما]

بنااات والله ماني قادرة افكر ولا اتصرف ولاني عارفه شسوي زوجي بيتزوج علي وقاعد يدور وحدة حاولت امنعه بكل الطرق مااكو فايده مصمم والمشكله بعدنا صغار توه عمره 24 وانا 23 وعندنا بنت ماني عارفه شلون اتصرف ومااقدر اتطلق واروح بيت اهلي لان انا ماصدقت اتزوج وانحاش من المشاكل هناك !!! شالحل يابنات منو تقدر تفيدني او منو تعرف وحده بنفس حالتي زوجها تزوج عليها وصبرت وتحملت ؟؟ او قدرت تمنعه ؟؟ بلييز بنات لا تطنشوني واذا في وحده ريلها متزوج عليها ياريت تكلمني عالخاص يمكن تواسيني واواسيها او استفيد من تجربتها *

 

[مناير ...!]

ومااقدر اتطلق واروح بيت اهلي لان انا ماصدقت اتزوج وانحاش من المشاكل هناك !!!

هني اكبر غلط يطيحون فيه بنات واجد
اكبر غلط ريلج يدري انج ماتبين اهلج ! تخليه مايحسب لج حساب

الله يعينج ويسخره لج

 

[جمبلو جمبليله]

:eh_s(11)::eh_s(11)::eh_s(11)::eh_s(11)::eh_s(11):​

 

[دلع العتبان]

انتي الحين ماقلتي ليش يبي يتزوج عليج ؟

الحلقه مفقوده ماكو ريال منيه وطريج يتزوج الا السالفه فيها انه وتوكم صغار مااقول بالثلاثين او اكبر يعني فيه شي او مشكله او انتي مقصره او مومعطيته حقه ؟

قولي التفاصيل هع لاتعطونا طرف واحد

 

[سوسو حبيبتى]

الله يعينك

بس معقول ماكو تقصير او سبب؟؟

عليكي بالدعاء وان شاء الله ربنا ييسر لك امورك ويصبرك

 

[مجنونة هع]

شوفي انا عندي لج فكرة عجيبة انتي اتفقي مع وحدة مو زينة يتزوجها اخطبيها له خله تغربله وتجننه وخله تطلب له مهر مليون وكل ساعة خل تتطلب اخرتها بيزق وبيقول مابي اتزوج

 

[سكوتي بذوقي]

شوفي انا عندي لج فكرة عجيبة انتي اتفقي مع وحدة مو زينة يتزوجها اخطبيها له خله تغربله وتجننه وخله تطلب له مهر مليون وكل ساعة خل تتطلب اخرتها بيزق وبيقول مابي اتزوج

شنو هالاسلوب الوقح والتفكير السخيف والألفاظ البذيئه الله يعطيكِ عقل بس

 

[سكوتي بذوقي]

الله يهديه ويسخره لك يارب

 

[مجنونة هع]

فكرتي حلوة خو ماكو الا جي بعدها ما راح يفكر يتزوج عليها عيل اخليها تتضايق ومحتاسة وانا ساكته نو

 

[أم ريــــــم]

انتي مقصره بشي ؟
اكو شي جايد صاير بينكم ؟
لابد يكون فيه سبب قوي خلا الرجال يفكر يتزوج عليج


الله يكون في عونج

 

[simone]

شوفي انا عندي لج فكرة عجيبة انتي اتفقي مع وحدة مو زينة يتزوجها اخطبيها له خله تغربله وتجننه وخله تطلب له مهر مليون وكل ساعة خل تتطلب اخرتها بيزق وبيقول مابي اتزوج

هههههههههههههه حرام احس تقصد بيزهق مب هاييج الكلمة :krkrkr:

 

[احلى ديما]

بنات احنا صارت بينا هوشه كبيره ووصلت لي الطلاق وانا كنت الغلطانه بس اعتذرت واااايد واااااايد واهنت وانذليت عشان يسامحني ولا في فايده راسه الف سيف اتزوج اتزوج

 

[Queenleo]

استخيرري اذا ترضين يتزووج ولا لااااا

اذا مو خيره لج ربج بيوووقفه ويغير راييه

 

[أم ميميتو]

قوليلنا المشكله يمكن نلقى طريقه مناسبه تعتذرين فيها

 

[دلوعة صلوح]

ههههههههههههههههههههههه مجنونة استريحى بس هههههههههههههههههههههه يعنى قايلة حل
الحين الحمد الله والشكر هههههههههههههه شوفى اخطائج الاملائية هههههههههههههههههههههه

 

[آميرة<<نفسسى]

ادعــى اللـه

وخليــه راحــه يتزوج بالطقاق يطقــه

ماحد بيموت


اهم شيء العدل يعدل بينكن

 

[يؤ !!]

شوفي انا عندي لج فكرة عجيبة انتي اتفقي مع وحدة مو زينة يتزوجها اخطبيها له خله تغربله وتجننه وخله تطلب له مهر مليون وكل ساعة خل تتطلب اخرتها بيزق وبيقول مابي اتزوج

قولي خير او اسكتي

 

[يؤ !!]

انتي صيري احسن من اول خليك زوجه مثاليه مطيعه معطيه زوجك كامل حقوقه تدعين له في حضوره وغيابه
تسنعي عاد مافي زوج يتزوج على زوجته بكيفه لازم لقى شي على زوجته مو عاجبه خصوصا توكم صغار

 

[هيبة ملك]

اذا الله كاتب يتزوج راح يتزوج وقتها مالج إلا الصبر

وحاولي تغيرين من وضعج الحين كلميه قعدي معاه تقربي منه

وكثري من الدعاء إن الله يكتب لج الخير

 

[احلى ديما]

ماقصرتوا حبايبي اللي ردوا وانا صابره وليل نهار ادعي انه يغير رايه ويسامحني ..... الله يعين والله ماني عارفه شبيصير فيني اذا تزوج بس شقول انا السبب مالي الا الدعاء