لحقوني ميمو مريض

[روج وردي]

السلام عليكم

اخباركم يامربيات الاجيال<<<اقصد مربيات الحيوانات

اعلومكم اخبار قطاوتكم وسلاحفكم وكاسوكاتكم


صار لي فتره اشوف ميمو ينتف ريشه مادري ليش وديته الطبيب قبل فتره وقال لي ان صايدته حاله نفسيه :0bee2e8d89: :0bee2e8d89: عاد بعد فتره تعدل وجانا كاسكو ثاني يونسه وتعدل الوضع بس الحين رد مره ثانيه ينتف ريشه والله كله اسولف وياه واطلع من القفص واخليه يسرح ويمرح واهاوش الخدامات اذا هاوشوه بس مادري اشفيه والله ميمي يحليها ماتنتف ولا شي بس صج تذكرت ميمي ضعفانه عفيه علموني شعطيهم اكل لانها اضعفت وحالاتها مربربه

ومشكورين :tek: :klhfl:​

 

[.. Dior ..]

خلها تضعف الرشاقه حلوه ههههههههههههه

لا شوفي سمعت ان الخضراوات والفواكه زينه لصحة الكاسكو

بصراحه مااعرف بتربيتهم وايد بس هالمعلومه اعرفها وماحبيت اطلع من غير ماافيدج ولو بشي بسيط

وحاولي تطلعينهم بالشمس بس مو الظهر بالحر وخليهم بالظل

ان شاء الله تتعدل نفسيتهم

 

[آجمل نسآء آلدنيآ]

آللــه يشفيــه

مـآحبيـت آطلـع بدون رد .. قـلت آدعـي لــه *_*​

 

[روج وردي]

واي فديتكم انا اطلعه وانسه بس هو مايحب ياكل كل شي ميمي عادي تاكل بس ميمو عنيد

 

[شيــوخه]

الله يشفيييييييييه

اتصلي على عياده وسالييهم شنو احسن شي له

او وديه للعياده واخذي له فيتامينااااااااات اتصير مثل البودر تنخلط مع الماااااي

والله يشفيه عاد انا ماعرف بلكاسكو بس اشوف مرت حماي عندها اثنين مادري 3

والله يعينج يارب

 

[روج وردي]

ميمو عنييييييييييييييييييييييييييييييييييييد

 

[AmOoNa-]

شوفي حبيبتي هذي مشكله تصير حق البغبغاوات يسمونها نتف الريش او Feather Plucking
لها سببين امه عضوي او نفسي عشان تعرفين بغبغائج يعاني من اي حده تشوفين الريش يطيح من عرجه؟ ولامقروم من النهايه؟؟
اذا الاولى يعني حايشه فايروس وماعتقد يعالجونه بالكويت اذا الثانيه يكون سببها نفسي
مغيرين مكانه؟
شخص يحبه ماقام يشوفه ولا يلعبه؟
حايشته صدمه يعني مخرعينه داش احد غريب البيت مخرعه ؟؟
هل اكله في القيمه الغذائيه الكامله؟؟
واسباب ثانيه
العلاج سهل بس ياخذ وقت على مايرد يطلع الريش
مبدئيا سبحيه بماي دافيه وحطي بالشمس شوي ومن ينشف دهنيه بزيت زيتون
لانه مايحب ريحته فماراح ينتف ريشه
استمري على هالحاله لين تروحين صيدليه من هالصيدليات اللي يم سوق الحمام
يصير مكانهم لفه من اللفات الي يم سوق الايرانين وشرحيلهم المشكله
راح يعطونج فيتامينات تساعد على انه يطلع الريش بشكل اسرع وتعوض نقص الفيتامين الي فيه
وبخاخ ريحته خايسه وطعمه مر مايخليه ينتف ريشه
اذا تقدرين تحصلين ماي قدو سبحيه فيه هم زين
ووبخصوص الاكل نوعيله اشتريله اكل الكاسكو المخلوط مو حب شمسي وبس
واشتريله الكالسيوم الي يعلقونه بالقفص لانه يحتاجه
وقصصيله فواكه وهالسوالف لاكن لاتعطينه طماط راح يسببله حساسيه ويزيد النتف
وهم مانصح بالخضره لاني على ماعتقد تسبب اسهال وغازات..
اانشالله يصير زين باسرع وقت​

 

[gold fish]

شوفي حبيبتي روج ياللي ضحكتي على طريقه ترويظي ههه​

سمعي يا انج تودينه حق البيطري اهو راح يفيدج اكثر من اللي عندها وصفات تاخذين من هذي وهذي بس ماتدرين شنو الزين حق كاسكوج .. ​

وحده مره بالمنتدى امدحت لي واحد فلبيني بيطري بسوق الحمام وديه يمكن يكون يعرفله واشتري له من صيدليه البيطري فيتامينات حق الكاسكو اهو لونه اصفر ينحط مع الماي بربع ملعقه الجاي الصغيره يعني ومع ذلك عطيه اللي يحب ياكله واذا معودته وكليه فلفل ترى الفلفل الحار له فايده ع الطيور عامتا اذا تاخذينه رطب ولا مجفف او عطيه تفاح ترى الاكله المفضله عند الكاسكوات التفاح والله يشافيه اتمنى اكون فدتج شوي ..........​

:0bee2e8d89::0bee2e8d89:

 

[dr_veterinarian]

ممكن يكون عنده نقص بالفيتامينات اعطيه فيتامين b12
العيادة البيطرية
99951584​

 

[شوشو الشقيه]

يسلمو اختي
حق الكاسيكو عطيه اكل مخلوط يعني ذره وفيه حب شمسي
قولي حق الدكان الي يبيع اكل للطيور بغيت طعام كاسيكو بيعطيج
تحمليت اكلين كاسيكو اكل من صنف واحد لان مضر له
الماء غيريه في اليوم اربع مرات
وانا انصحج بعد وديه دكتور بيطري لا يطلع فيه فيروس ولا مريض
او ساعات صدق بعض الحيوانات تجيهم حالات نفسيه
بعد حطي قفص الكاسيكوفي الشمس يتشمس عشان لو فيه ميكروبات او تموت من الشمس
وبعدين انتي دخلي الكاسيكو في القفص
وحطيه في مكان فيه ظلال في الشمس
وبس
اهتمي بنظافه القفص زين
من اختج شوشو الشقيه

 

[روج وردي]

يسلمو

 

[قوطي نيدو]

الله يشافيها