لحقوني ساعدوني يابنات :(

[غلاااااااا]

السلام عليكم بنات حبيت اقولكم سالفتي وابيكم تساعدوني بلييز
انا عندي 7 رفيجات قريبات مني حيل يعني مانخش شي على بعض وقلوبنا على بعض الي صار اني انا ووحده منهم اختلفنا على موضوع وتهاوشنا قبل سنتين تقريبا ماكنا نحاجي بعض كلش ولا سلام ولاكلام المهم قبل 5 او6 شهور تقريبا اعتذرت مني رفيجتي وطلبت مني اني اسامحها وسامحتها وردينا سمنه على عسل مع بعض شصار قبل فتره قصيره يتني رفيجتي الثانيه وقالتلي انتي معتذره منها ولا اهي معتذره منج قلت اهي معتذره مني لانها اهي الغلطانه وقالتلي كلام صدمتني قالتلي انها تتكلم من وراي وتقول اهيا اني انا الي معتذره منها واني ترجيتها عشان نرجع مثل قبل وانها تتكلم من وراي بكلام مش ولا بد يعني تحش فيني وتغتابني عند رفيجاتي الباقيين مع انه يابنات اهي الي معتذره وردينا علاقتنا حلوه وجدامي تسويني يادهينا لاتنكتين اما من وراي تقرض فيني وماتحبني ساعدوني شنو اسوي اكلمها او اتهاوش معاها او شنو بليز ساعدوني لان الموضوع متعبني واحس بمشمئزاز منها الحين مادري ليش بليز عطوني حل

 

[بيتي بوب بس كويتيه]

قولي للي وصلتج الحجي انج بتواجهينها معاها
واذا رضت واجهيها بس بينكم ثلاثتكم يعني لا تدخلين الباجي
وشوفي شنو بتوصله من هالحجي وانا الصراحه هالنوعيه اقطع عنها لانه هذي عدوه

 

[+QUEENA+]

ياما شفنا من هالرفيجأت

أنا بعد من فتره اكتشفت أن أعز رفيجاتي اطلع علي حجي وتحجئ من ورأي

أنا انصحج تقطعين علاقتج فيها نهائيا لأن هاذي ما تتسمى رفيجه والرفيجه الصجيه توقف مع رفيجتها

وعلى كلامها ختولي لا تردين عليها خليها تكلم مني لي باجر ولا تهاوشين معاها ولا تعورين رإسج

والكلاب تنبح والقافله تسير

حياتج ما توقف عليها أهي

 

[+QUEENA+]

وصح أول شي واجهيها جدام الكل تالي هديها

 

[غلاااااااا]

قولي للي وصلتج الحجي انج بتواجهينها معاها
واذا رضت واجهيها بس بينكم ثلاثتكم يعني لا تدخلين الباجي
وشوفي شنو بتوصله من هالحجي وانا الصراحه هالنوعيه اقطع عنها لانه هذي عدوه

اذا واجهتها بتصير مشاكل انا في غنى عنها والي قالتلي انا واثقه منها لان واصلني الحجي منها ومن رفيجتي الثانيه قبل ماكنت مصدقه بس الحين صدقت لاني سمعتها يايبه طاريي ولما شافتني تبلعمت وسكتت بس ماسمعت شنو قالت بالضبظ

 

[غلاااااااا]

انا قلت حق رفيجاتي الي قالولي الثنتين اني بسألها اذا يايبه طاريي ولا لا قالولي لا لاتقولين انا احنا قايلين لج شي لاننا مانبي المشاكل انا علاقتي الحين مخليتها سطحيه تقريبا بس اهيا تتصل وايد وتسولف ونتيمع عند وحده كل اسبوع فالازم نشوف بعض يعني

 

[عالمي انا غير]

احسن حل واجهيها وقوليلها ليش تسوي فيج هشكل ؟ استغفر الله ياربي جد ناس ماادري شلون عايشه

 

[طموحه بزياده]

@@@






يوم انها ردت العلاقه ليش تحش وتألف وتقول انج المعتذرة؟


هذي سخيفه انا اقول اذا تهمج واجهيها واذا ما تهمج عطيها احلى طاف ولا تفتحين على نفسج باب انتي في غنى عنه




@@@

 

[شتاء الحب]

نصيحه كوني مع الكل سمنه على عسل
و لا تسمعين لوحده و لا لوحده غيرها

يعني الشي لو مب متأكده منه حتى لو من رفيجتج ..! لا تصدقينه الا اذا تأكدتي 100 % منه

و الله يدييم اخوتكم ..

 

[شتاء الحب]

و اذا طلع كلام صديقتج صح 100% لا تتركينها و تروحين !
اقعدي وياها بروحكم و اعرفي السالفه منها و ليش قالت هالكلام

احيانا الشخص ينحط بموقف .. فيشوف الكذب الطريقه الوحيده ..

 

[شتاء الحب]

كل ما اطلع من الموضوع ارد احس عندي ( حجي ) ...>>>تتكلم مثلكم الاخت .. فديت الكويت و أهلها ..

نصيحه اخيره ...>>>هههه ان شاء الله تكون الاخيره و ما تشوفيني رديت ريوس لموضوعج ..

لا تنهون صداقاتكم بغلطه من شخص ! لان الانسان مش معصوم من الغلط !
مثل ما هي غلطت ايي يوم و نحن نغلط و نتأمل الشخص الثاني يسامحنا ..


أحبكم في الله

 

[غلاااااااا]

تسلمون حبايبي ماقصرتوا

شتاء الحب حبتج العافيه حبيبتي انا سامعتها انها تتحجى فيني ولما شافتني تبلعمت وماتكلمت وعطيتها طاف احنا رفيجات حيل مع بعض بس مادري شسوي فيها اهي طبعها تحب الحش والنميمه والغيبه بس مولدرجه علي انا بعد
اهيا تغار من بعض الاشياء وتحتقر وتسوي حركات استغفرالله ماتعجب احد ننصحها كذا مره ماكو فايده

 

[ملكةجمال]

أنا أأيد كلام الإخت "شتاء الحب" كنت أب كتبه بس هي سبقتني شطوووورة
صحيح اعزميها بروحها على يوم برة أو فالبيت و بالعدال تطرقي للموضوع و قولي لها أنا مابي أحرجج بس يهمني أعرف الحقيقة منج و أسمع سب تصرفج السلبي من وراي مع رفيجاتي!!! و أوعديها إنج ما راح تزعلين منها (و اشمئزازج الحالي راح ينقشع لأنج في حالة ردة فعل طبيعية) و إدا بجت و اعتدرت و قالت اللي قالته سامحيها و عبري لها عن معزنها عندج و الا جان ما قبلتي اعتدارها الأولي ... بس لا بد من تنبيهها على سبيل المزاح إنج بعد إدا سمعتي شي جديد من مي أو مناك راح تزعلين زعلة جايدة و لا تسامحينها لأن الفتنة أشد من القتل و إنتي ما تبين الفتنة بينج و بين رفيجاتج.
يمكن إحنا أحيانا نتردد بمواجهة شخص نعرفه و نقول ما يسوى و من هالحجي و تلاقين جسمنا يررتجف من و نتوتر بس صدقيني المواجهة هي الحل الوحيد للتفاهم و وضع النقاط عالحروف و إن شاء الله خير. موفقة.

 

[غلاااااااا]

يزاج الله خير حبيبتي ملكه بحاول المحلها او اقط عليها نقزات وبشوف ردت فعلها

 

[Tom ♥ Jerry]

,،


حبيبتي نطري لا تظلمينهآ ! يمكن الي وصلتج الكلآم هاذي تبيكم تفترقون
خلج معاها عآدي و الزمن رآح يبين لج منو الصآج و منو الجذاب : )

 

[@ كويتيه @]

أنا أأيد كلام الإخت "شتاء الحب" كنت أب كتبه بس هي سبقتني شطوووورة
صحيح اعزميها بروحها على يوم برة أو فالبيت و بالعدال تطرقي للموضوع و قولي لها أنا مابي أحرجج بس يهمني أعرف الحقيقة منج و أسمع سب تصرفج السلبي من وراي مع رفيجاتي!!! و أوعديها إنج ما راح تزعلين منها (و اشمئزازج الحالي راح ينقشع لأنج في حالة ردة فعل طبيعية) و إدا بجت و اعتدرت و قالت اللي قالته سامحيها و عبري لها عن معزنها عندج و الا جان ما قبلتي اعتدارها الأولي ... بس لا بد من تنبيهها على سبيل المزاح إنج بعد إدا سمعتي شي جديد من مي أو مناك راح تزعلين زعلة جايدة و لا تسامحينها لأن الفتنة أشد من القتل و إنتي ما تبين الفتنة بينج و بين رفيجاتج.
يمكن إحنا أحيانا نتردد بمواجهة شخص نعرفه و نقول ما يسوى و من هالحجي و تلاقين جسمنا يررتجف من و نتوتر بس صدقيني المواجهة هي الحل الوحيد للتفاهم و وضع النقاط عالحروف و إن شاء الله خير. موفقة.

آناا أوآفقهـآ الـرآي

اضييف عليــه شغــله .. إذا وصلتــي لمرحـله انـج خلآص مليتي ولآزم تهدينهآ

لا تهدينهآ ع طوووووول ديري بآلـــج .. بالعــكس خلي الوضـع إيـزي وعآآآآآدي جدآ

أدبيهـآ عدل عــدل عقــب لمآ صج تتأدب على ايــدج هديهآ .. (صدقيني مجربتهاا :eh_s(4)


ومووووفقـه حبيبتـي ,, تذكــري أن الله يرزق على النيآآآت ..^_^

 

[شوق95]

امممم قولي لهااااااااا صارحيهااااااااا شوفيهااا شنو ترد ؟؟؟؟

 

[q8ya sh8ra]

عشنا وشفنا حبؤؤبه !!

ختولي بس

 

[شقآوه أنثى]

حبوبه هالنوعيه ماينفع معاها مواجهه ولا شي لانها اساسا موعندها شخصيه
سحبي نفسج منها وقاطيعها شوي شوي ..... واهي لو فيها خير حجت فيج بويهج مو من وراج كافي لمن تشوفج تبلع العافيه *-^

طنشي ومثل ما قالت الاخت الكلاب تنبح والقافله تسير ​

 

[همس الخفوووووق]

قولي للي وصلتج الحجي انج بتواجهينها معاها
واذا رضت واجهيها بس بينكم ثلاثتكم يعني لا تدخلين الباجي
وشوفي شنو بتوصله من هالحجي وانا الصراحه هالنوعيه اقطع عنها لانه هذي عدوه

انا معاها هذا افضل حل يمكن رفيجتج اللي وصلت لك الكلام مو صادقه بكلامها----