لحقوني ريلي يخوني .. وشفته بشقه

[Lamorah]

بنااااااات لحقوني والله مالي غيركم


ابي اموووت من القهر ... احس قلبي يتقطع

مليت ... كل شي سويته:eh_s(11):

بنات سمعو قصتي واتمنى تعطوني الحل بسرعه والله يفرج همومكم يارب

بنات انا عمري 22 تزوجت قبل سنتين

بداية زواجنا وملجتنا كان طاير فيني وكل شي بخاطري يسويلي

لي بعد شهر العسل وانا قاعده اطالع واتعبث بالاب توب جان اطيح علا اميل غريب

استغربت اميل منو اللي داش فيه وانا الاب توب مايستخدما غيري انا وياه

رحت كتبت الاميل وحطيت الباسوورد رقم ريلي جان يبطل والصدمه :eh_s(2):

لقيت الاميل متروس بنات المهم بطلت الرسايل واله الاقي كاتب حق وحده (( حبيبتي فتحيلي الكام واعطيج اللي تبينه )) لا والرساله كانت قبل السالفه بيوم يعني توها :eh_s(10): كلمت جم وحده وتاكدت انه اهو والاميل كان باسمه والباسوورد رقمه يعني مافيها مجال


المهم قعدت ابجي ... دش علي سكت ييت وسالته بكل هدوء (( حبيبي اميل منو هذا غريبه مسيف بالمسن ))

جان يقولي هالاميل مادري والله .... غريبه :eh_s(10): قتله اها ماتعرف زين بس انا فتحته والاميل باسوورده رقمك والبنات يكلمونك انت باسمك :bbbiu: جان يقول اي اي تذكرت والله مال رفيجي

المهم قعدت ابجي ودريت انه جذاب ... وماقدرت اسوي شي بس اهو وعدني انه مايعيدها وتاسفلي

وبهالفتره انا توني حامل اول شهر ... المهم كملت لين فتره بسيطه وكان العيد الوطني وانا كنت رايحه معاه اهو واهله مخيم وبليل خلانه وراح حق ربعه

ردينااا البيت رحت ولبست وكشختله وقاعد انطره وهني الصدمه الكبرى .... :eh_s(16):

ياني مستانس بدل ودش فراشه اول ماقربت منه وله ريحته الله لايوريكم والله عفن

قتله شنو هالريحه .... جان يرد مادري شفيج اهو من تكلم انا انصرحت انت شارب خمر !!

رد لا والله لا شنو استغفر الله قتله اوكي انا بقوم وانادي ابوك واقوله ابيك تشم ريحت ولدك وتشوف وحتا طريقة كلامه غريبه لسانه ثقيل

المهم اهني اهو اخترع لا لا والله حياتي اني مو شارب قتله لاتجذب خلاص انا بسامحك بس قولي ليش

رد بكل برود يقولون انه الخمر يخلي الريال اقوا بالنومه وانا عشانج (( ياسلام هذا اللي كان ناقص )) المهم زعلت ونفس كل مره بس ابجي

شنو اسوي اهله قالولي احنا مالنا شغل بمشاكلكم ولاتدخلونا وانا اهلي الله ماعندهم تفاهم ولو اقولهم

ماراح يخلوني اردله بعد وللعلم انا مطلقه وطلاقي كان سببه اهلي واني كنت دايم اشتكي لهم لما ابوي حلف مااردله وتطلقت

المهم بعد البجي ضليت سهرانه لي الصبح وقمت وبدلت قالي وين رايحه قتله امش نروح المحكمه ونحلها

ونحل المشكله خلاص احنا ماننفع حق بعض

قعد يتاسف ويحلف علا القران بتكون اخر مره وسامحته :eh_s(2):

المهم ولدت وانا بالنفاس دقيت عليه كلمني جان يقولي انا نايم

طلعت وله الاقي اخوي الصغير عمره 14 سنه قاعد علا الاب توب شوي قام وخله الاب توب ييت والله علا

نياتي طليت بالاب توب وله داش جات كويت 25 قمت اطالع شنو قاعد يسولفون بالعام علا مايي اخوي وازفه

جان الاقي نك والصدمه انه النك نفس اسم اميل ريلي بالضبط يعني مثلا امي ريلي sotar33@hot النك sotar33 هذا مثال طبعا

يتني صدمه وحسيت انه اهو بس شلون نايم ... قام الشيطان يوسوس اهو وله مو اهو .......!؟:eh_s(10):

 

[دلع العتبان]

شوفي حبيبتي انا مو مع الطلاق دائما بس شارب الخمر واللي ينام مع البنات بيضرج انتي لاقعدتي عنده شارب الخمر موبعقله ولا يحافظ على شرفج وباجر جايز اعوذ بالله يبيع حتى عياله عشان السم

وراعي البنات يجيب وسخات حشى السامع وينقل المرض لج ومعاناه عيشيها


استخيري وتوكلي على الله وشوفي راي اهلج والله ييسر امورج حبيبتي ،،،​

 

[♥ مطيريه كيوت ♥]

الله يعينج ويهديه لج

 

[^غلا امي^]

حـآاولي تهدينه وانتي بـ ايدج تسنعينه وتذكرينـة بربة والنار وآن مانفع قولي لبوه
وخلي البيت لـ له ولـ لخرابيطة
ويارب يصلـــح بالج ويرزقج بالـشي آلزين ويهدي زوجج يآارب

 

[LA TROO7]

العنوان شفته بشقه !!

فيه تكمله والا شنو

 

[classicyah]

و الله مآ أدري شو أقولج

سالفة الشرب و الخمر وآيد قويه

الله يعينج . .

 

[Lamorah]

المهم قلت لا اهو نايم ..... جان اخذ الاب توب وارض الغرفه واقول حق اخوي انه ابيه بسرعه واقوم اطلع من الجات وادش بسم بنت

وادش عليه

هاي رد هاي
ممكن نسولف < اي عادي
شنو اسمك < خالد (( اشوه مو اسمه بس اسم ولدي ؟))
جم عمرك < 24 نفس عمره
الحين بتاكد شلون ؟؟؟

قتله شرايك نسولف مسن شنو اميلك عطاني اميله

رحت سويتلي اميل وضفته

وقعدت اسولف وياه بس ابي دليل علا انه اهو او لا مو قادره

المهم قتله انا احب الصراحه وانا بصارحك انا متزوجه بس بينا مشاكل

وانت قالي تبين الصراحه انا متزوج ومرتي نفاس:eh_s(11): يمه والله قلبي طاح يارب لا انشالله مو اهو

اها طبعا رديت عليه علا طول وليش داش الجات بس ابي اعرف ؟؟ قالي والله زهقان وابي احد اسولف وياه

قتله انا بعد شرايك توريني صورتك قالي اوكي حط صورته :eh_s(2): لا لا لا اهو

تدرون شنو ردت فعلي ؟؟

دقيت عليه الو حياتي وينك < هلا عمري انا نايم طبعا بصوت واطي يعني ترا انا بسابع نومه

لا لا ماتوقعته بهالحقاره المهم رديت علا الجات امبيه لا لا انا اعرفك انت ريل لمور رفيجتي

دد شنو شنو منو انتي واي لمور لا غلطانه طبعا لمور انا

امبلا صورتك انا يايه عرسكم وشايفتك قال لا قلت بدق عليها اسالها الصوره سيفتها

رد يابنت الحلال مو انا قتلا خلاص انا بكلمها اهي حيل رفيجتي

وانا اعرفك عدل

قالي تعالي تعالي بس قوليلي شسمج

قتله منار < طبعا منار اهو يعرفها وشايفها رفيجتي حيييل فتوهق مايقدر يسوي شي

در علي يامنار عفيه بلا مشاكل والله انا كنت داش اسولف وبس

المهم قتله بس بعرف انت ليش داش رد انا احب مرتي والله بس الشيطان

المهم الصدمه العاشره يقولي طبعا علا اني انا رفيجتي منار < منار والله طلبي اللي تبينه اعطيج اياه بس مابيها تدري

ياسلاااااام

المهم انا فصلت شوي داق علي رديت جان يقولي ها نايمه بس كنت بقولج اني احبج :eh_s(2): عقب شنو

ضليت احوس لي الصبح وانا بس ابجي ومنقهره العصر شرف يايني واهو كله حنيه المهم

قالي شلونج مشتاقلج << قتله بدر صج الكلام اللي سمعته من رفيجتي ؟

شنو قتله قالي هذي جذابه بتخرب بينا قتله عالعموم اهي بدز المحادثه كلها وبشوف صج او لا

بعد الحنه والكلام اعترف انا اسف ونفس كل مره وهم سامحته

المهم الحينوبعد شهرين من السالفه هم لقيت صور بتلفونه صور شقه وبار وصفة بطول استغربت شنو هالصور

والصدمه ال20 ازووووووم علا الصوره واشوف يم البطول بوكه ومفتاح سيااارته

بس بمووووووت خلاص هذي السالفه قبل سبوعين سالته وبكل وقاحه يرد علي اوهههه شلون جذي

ويضحك بس صار مايهمه شي رحت وشتكيت حق اهله واهله زعلو منه

وردت الامور نفس كل مره امس اهو عنده ايبود وصار كله يخشه ييت بعدل الكبت جان الاقي اليبود بين ملابسه استغربت فتحته وله مسجل بجات الهوز هير اذا تعرفرنه


وكله محادثات معا بنات وبالمسنجر اميل كلا بنات


بنات هذي سالفتي والله فلم هندي انا وياه صرنا كلا مشاكل واهو صاير مايتحمل مني شي

ويكره يقعد بالبيت

واللله معنا ماامدح نفسي بس انا حلوه حيل وجسم والله حتا اهلا يقولوله انت عندك انسانه ماتلاقي نفسها ولا بجمالها واهو بعد يقولي انت مو مقصره وياي ويقولي والله ليلحين ماشفت احلا منج بس

ليش قلعد يسوي جذي شلون ابعدا عن هالسوالف انا والله نفسيتي صارت صفر وحتا اكل مااكل وادور احد يسمعني ويعطيني حل وماراح الاقي غير الله ثم انتو بليز ساعدوني الله يوفقكم

 

[Lamorah]

ثانكس حياتي


بس انا مابي الطلاق انا عندي الحين منه ولد

وانا مطلقه من قبل فحياتي بتكون صعبه

ابي احد يفيدني بحل بليييز والله احس هموم الدنيا كلها فيني

 

[Lamorah]

اهو قلبه طيب وادري يحبني وادري انه ربعه اهم اللي قاعد يسوون فيه جذي

بس ما اقدر امنعه منهم حاولت بس ماقدرت وماعنده ربع غيرهم

 

[Lourdez]

بصراحه يا اختي كل شي الا شارب الخمر و راعي شقق اعوذ بالله يمكن حتى ما يصلي صح ؟؟
انتي صلي استخاره و شوفي و فكري بعقلج
باجر لا يبتي يهال راح يكون هذا ابوهم و قدوتهم وانتي لي متى تتحملين و الريال شكله ما باذنه ماي مو مرة ولا مرتين طحتي عليه و جنه الله يبيج تطيحين عليه .. فكري و قرري عدل باجر لا يبتي عيال تره هذا بيكون ابوهم قدوتهم

 

[لوفيه]

يشرب خمر ... و مع بنات ؟؟؟؟؟؟؟؟؟؟؟؟

يمه استغفرلله وربي كش شعر جسمي يااااااارب لاتخسف فينا

وانتي مع ويهج ماعندج إلا تبجين ؟

شنو فادج البجي ؟ خلج قوية والموقف اللي يصادفج هدي الارض هد عليه

قهرتيني ترى

اهلج طلقوج فمـآ أنصحج تروحين لهم ... انصحج انتي اللي تعدلين بيتج بيدج

سنعيه خوفيه من الله لمن تقعدون قوليله قصص فيها عبر تخليه حتى الليل ماينامه

لان اللي مثل ريلج اكثر ناااااس يخافون لاطريتي النار والعذاب

اشتري فيلم رب ارجعون وشوفوه مع بعض

وعسى ربي يهديه على ايدج

 

[Lamorah]

لا اهو مايصلي وكل مرااا نتهاوش علا هالسالفه بس اقوله قوم صل يقولي لوعتي جبدي كرهتيني بالصلاه لاتحنين



انا عندي ولد منه والحين هم حامل توني بشهر ٢

 

[Lamorah]

تدرون شنو ودي ودي بس ايي واوريه ردووودكم

واقوله شوف كلام الناس > محد يتحمل هالشي

مو بس انا اللي ماتحمل ببجي والله ابي حل

 

[هيبة ملك]

أنت زعلانه عشانه مايصلي ويشرب خمر وإلا عشان يخونج؟!!!

حددي وراح تعرفين حل مشكلتج بنفسج

 

[Lamorah]

اكيد الاثنين .... لان لو يصلي بخاف ربه وماراح يسوي هالشي

 

[انسام الكويت]

الله يكون بعونج يارب ويهديه شوفي ريلج يبيله شيخ دين يكلمه وينصحه

عن الخمر وانه يصلي ويتقرب من ربه لانه لو ترك الخمر والتزم بالصلاه

فهالشي راح يعطيه دافع انه يكون زين معاج ويمشي عالطريق الصح ومايخونج

فالاهم انه يصلي يصلي يصلي لانه اذا خاف ربه والتزم وعرف بعقاب تارك الصلاه

وشارب الخمر راح يضبط حاله دوري رقم اي شيخ دين وقوليله انه يشرب خمرومايصلي

والشيخ دين راح يتصل معاه وينصحه بدون مايعرف ريلج انه هالشيخ من طرفج وشوي شوي

راح يرد للطريق الصح وانتي ادعيله بالهدايه ووكثري استغفار بنيه انه يهديه لكن اذا تمادا

ورفض انه يضبط حاله وماشي بطريق الخمر حاولي ادخلين طرف تثقين برايه وبحلوله

 

[cute lulu]

يا حياتي والله عورتي قلبي :"(

الله يعينج والله ما ادري شقولج

استغفرالله "يشرب خمر+مايصلي" صراحه حده منتهي لا اخلاق ولا دين

الله يكون بعونج ويصبرج عليه

 

[وجـه البـدر]

وللحين متحملته ؟؟؟؟؟؟؟؟؟؟

بصراحه عفيه عليج

ياحبيبتي حددي موقفج راح تندمين بعدييييييييييين .. هذا راعي شرب يعني مليون اكس عليه ويمكن يجيبلج امراض لاسمح الله منو بينفعج ساعتها .. ياربي لاتبلانا

 

[مودي كويتي]

لا لا تعلمين اهلك ولاتكبرين الموضوع شوفي ادعيله بالهدايه اول شي ولاطحتي عليه لو لاسمح الله وعادها وغلط هدديه تهديد جامد والبسي وروحي المحكمه خوفيه بس واهو بنفسه بيخاف ولاترجاج اخر مره سامحيه واهو مبين عليه طيب وابن حلال وانتي طيبه وبنت حلال من اسلوبك لاتكبرين السالفه خاصة اهو 24 ترا بعده شباب وصغير بالعمر بكره بيكبر وبيضحك على روحه المهم انتي لاشفتيه غلط لاتسكتين هزئيه والحين اثقلي عليه وطنشيه لانه مايستاهل انك تقومين فيه وبس اسفه جرحتك بس هذا الصحيح

 

[ثريا الكون]

سوري على كلامي مو كل واحد يصلي ويحفظ القران يعني خلاص الشرف كله انا اعرف زوج وحده حافظ جم جزء من القران والصلاة مايطوفها ولا وينصح الناس فيها وصلاة الصبح دايما بالمسيد بالاخر شقولج جذاب وزاني وكلم بنات بالتلفون وبالكمبيوتر وعيونه زايغه والقهر الكل يقول عنه فلان محترم انا شخصيا لمن شفته قلت عنه ماشاءالله شهل ملاك شوفي شنو طلع اخر شئ يعني هل دنيا كثر ماانعيش فيها راح ننصدم ونسمع بلاوي