لحقوني بنات ولادتي قربت و للحين ما جهزت للاربعين

[أميرة الثلوج*]

هلا بنات اشحالكم ؟
الله يسهل علينا جميعا بنات انا ولادتي بتكون نص اكتوبر وللحين ما جهزت اغراض الاربعين
اغراض البيبي جهزتها بس اغراضي الشخصية و شغلات النفاس بعد ماجهزتها
بليز ساعدوني عشان ما انسى شي و اللي عندها وصفات للجسم و مشروبات للاربعين بليز تكتبها وبغيت طريقة عصيدة اللي يسووها للمربية
سوري زودتها بس لانه ما عندي حد يساعدني غيركم
يزاها الله خير اللي ترد علي

 

[مدمنــــة قهــــوة]

هلا حبيبتي

الله يسهل عليج ويهونها عليج يارب ويوفقج يارب

شوفي انا تقريبا هذا كان تجهيزي بس في اشياء زدتها وفي اشيا حذفتها

شوفي شاللي تحتاجينه وان شالله ما راح تكونين ناسية شي لان تقريبا كاتبه كل شي

وان شالله البنات يفيدونج بعد

�� تجهيز للأم ��

4 دراعات قطن زراير من جدام للرضاعه
دراعتين او ثلاث ستان ناعمين
روب الأستقبال مع المداس كشخه للاستقبال
مداس يومي للبيت
4 ستيانات رضاعه
مجموعة سراويل قطن 12 حبه *ا
4 بجامات داخليه اندرويرات قطم يستحسن ابيض

مجموعه دلاقات متينه( العائلة احسن)
كرتون دلاقات شفافه أخذي نص بيج ونص أسود.أخذي أثقل شي عشان الناس اذا جوج تلبسينهم فوق دلاقاتج

ملفع شيفون مع القبعه للاستقبال
ملفعين إلى ثلاث قطن أخذي بيج *اوف وايت رمادي اسود هالالوان

صبغ أظافر لون هادي حيل

حفاظات فام
كيرفري للاستعمال اليومي

غسول طبي والكريمات للخياطه اللي تكتبها دكتورتج

خواجوا تسوينها اول نفاسج وتبدين اتحطينها على خياطتج بعد أسبوع

الصابونيه للجسم
خلطه.للوجه تحطينها بليل
صابونة البابايا بالقطع للوجه
خلطه للجسم تفتيح وللتشققات

مقشره وسنفرة مشمش

كريم مرطب للوجه

مناديل جونسون او ديتول

حفاظات للصدر من بيجون

اسكينول للوجه
قطن
ديتول الأخضر
ميبو
شاش أبيض
تحاميل طبيه حق آخر النفاس
مشد للبطن
ليفه مغربيه
فوطه كبيره
فوطه.للوجه
كفر للمستشفى ناعم
كفر للبيت
ملح خشن
جنطه صغيره لأغراض المستشفى
ماي زمزم
ماي ورد

تابع

 

[مدمنــــة قهــــوة]

وبالنسبة للادوية انا ماخذتهم من التاجرة ام خالد الهاجري بالمنتدى معانا وجزاها الله خير يهبل شغلها وكاتبه بالتفصيل الممل بعد


وطريقة العصيدة بقوقل كتبي طريقة العصيدة تطلع بس سهله

و الخلطات شكثر بالمنتدى وانا كاتبه خلطات بتجمع النفاس احين انسخ لج ردي

وتقدرين تستفيدين من تجمع النفاس بقسم تجمع الحوامل موضوع مثبت

 

[مدمنــــة قهــــوة]

هذي الخلطات تقدرين تسوينها وتستعملينها من ينقطع عنج الدم

بعطيكم خلطات ناوية اسويهم ان شالله لا وصلت ال20 يوم بس عفية بنات اللي تستفيد تدعيلي ان ربي يقومني ويقوم البيبي بالسلامة ويردني لزوجي عرووس ،، ولكم بالمثل يارب >>>

خلطة الهردة احبها وكنت اسويها قبل عرسي والله تفتيح ونعومة ،، (( هردة و نشا وخليل بودر وشويه عيل ونص ليمونة وفازلين وتعجنينهم بماي ورد )) ،، وتدهنين جسمج بالخلطة لين ينشف وعقب تفركينه دائري لين يطيح ،، وكنت اتسبح بصابونة مزيونة وشقرة وعقب ارطب جسمي بفيتامين سي ،، بس لا تطلعين بالشمس ترا يسمرج ،،

وممكن ترطبين جسمج ب(( زبدة كاكاو الصفرة وجلسرين العلبه الحمرا والجلوسوليد العلبه الحمرا الطويله غطاه ابيض وحطي كريم بيبي جونسون بالشيا وشوية زيت لوز مر )) واخلطيهم ورطبي جسمج فيها وشوفي النعومة والتفتيح ويظل جسمج طول اليوم رطب ،،

وعندج قبل لا تسوين حمام مغربي ،، اخلطي (( سنفرة كاب و مشمس و كريم العروسة )) وعقب فركي بالليفه المغربية ولا طلعتي رطبي جسمج باي خلطة مت الخلطات اللي كتبتهم لج ،،

بس استمرري لان الاستمرار اهوا يجيب نتيجة ولا اتوقعين من تطلعين الاربعين كل شي رايح لا قلتلج استمرار ،، وان شالله نرد لازواجنا عرايس يارب


اذا استفدتي ادعيلي ان ربي يحقق لي امنياتي ان كانت خير لي

والله يسهل عليج يارب

واي شي تبينه دزيلي خاص لان انسى المواضيع

 

[قره عين زوجها]

الله يسهلك ولادتك و يقومك انت و النونو بخير
ماشاءالله الاخت "مدمنه" كفت و وفت
جزاها الله كل خير

 

[Habibat Abooha]

مدمنننه ماقصرت يجزاها الله خيير
استفدت بوايد شغلات
الله يهون عليننا انا بجريه ووايد قعده احاتي
ادعووولي

 

[أميرة الثلوج*]

مشكورة حبيبتي مدمنة يزاج الله خير و يا رب تتحقق كل أمنياتج

مشكورة قره عين زوجها يزاج الله خير

مشكورة Habibat Abooha الله يقومج بالسلامة

 

[جـــواهر]

ماقصرت مدمنه

 

[غرام القمة]

الله يهون عليج يااااارب

 

[انوار المحبه]

الله يسهل عليج ان شالله

 

[أميرة الثلوج*]

اشكر كل من نور موضوعي برده
وربي يسهل على كل حامل​