لحقوا على ولدى ابخطر

[حرم الحوت]

بنات حبيباتى ودى انكم اتساعدونى ابسرعه ولدى فجاه قام يشتكى من ايده ولاحظت عليه ان ايده كل ما يتحرك اطق وبعدين وديته مستشفى دار الشفا حق دكتور ارناؤؤط وايد ناس امدحوه لى صدمنى قالى ولدج ايده مخلوعه واذا ما اجبرت ابروحها مع المحافظه طبعا قصده اربطها برقبته كل يوم 12 ساعه والا يحتاج عمليه وهى العمليه يعنى يوصلها بحلقه وانا وايد خايفه ونفسيتى تعبانه بس ما ابى ابين حق اللى بالبيت شنو اللى داخلى وفى ناس امدحولى شرب الحلبه وتكفون عطونى رايكم

 

[ريـ الغلا ــم]

الله يعينج يا قلبي ويشافيه سمعي يا قلبي انا ايدي انكسرت مرتين والله تذبحني لدرجه ما اقدر احركهاا وخصوصا اذا عصبت صارت ثقيله رحت المستوصف الفحيحيل وقال لي دكتور شاطر انتي ايدج مكسوره قلت اي قال خلاص منهاا وقال عظم اكبر من الثاني عقبهاا كرهت عمري وروح عند جدتي جان تقول لي اشربي حليب ابيض مع حلبه يوم شربت ولا ايدي تصير زينه والعظم صار قوي

يعني روحي شربيه حليب وحطي فيه حلبه صج ريحته خايسه بس عادي مو مشكله

والله يشافيه ولدج وانشالله ما يحتاج عمليه

 

[om-yoyo]

alaaah eshafeh entai akeed sm3ai klam edktooor o ma ymn3 t36enah 7elba tsa3da

 

[ريـ الغلا ــم]

الله يسلمج يا قلبي وتسلمين علي الرساله بس ما اقدر ارد عليج لزم تصير 30 مشاركاتي

 

[غصون]

سلامت ولدج ان شاء الله

بس لا تشربينة حلبه ليمن يركب العظم على العظم

شلون راح تشربينة حلبه والعظم مو راكب علي الثاني ؟؟؟؟؟؟؟؟؟؟؟؟؟؟؟؟؟؟؟


ذكرتيني بسالفه اخوي يوم انسكر حوضة اسم الله عليكم

كسر مع خلع في الرمانتين اول اسبوع ركبوا له الحدايد الاطنان عشان يرجع الخلع مكانه ويسون فيه عمليه ويثبتونة بالبراغي

وقتها كنا نشرب اخوي حلبه ... هذا قبل العمليه على ابوا انها زينة وتجبر العظم وهات يالحلبه 6 ايام نشربة

وزارتنا وحدة وصرخت علينا قالت انتو من صجكم تشربونة حلبه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

خل يركب العظم على العظم وقفوا الحلبه الحين وبعد العمليه شربوة وسوة له قروص على خبز وما ادري شنو والحمد الله جبر العظم



ادري خرعتج

 

[@راسي مرفوع@]

السلام عليج اختي قطوة اول شي الدكتور احنف ارنؤوط مو الدكتور اللي تستشيرينه بالخلع واتي ما بينتي عمر ولدج
ثاني شي انا انصحج بالبروفوسفير الفرنسي وهذا ممتاز ويوزور مستشفى هادي على فترات وتقدرين تسالين المستشفى عن موعد الزيارة وتحجزين موعد معاه واهو يقدر يحددلج اذا كانت حالته تحتاج اهتمام شوي على يده او يحتاج لعلاج طبيعي او يحتاج عمليه
وانصحج بعد اذا ماتقدرين تصبرين لموعد الزياره للبروفوسير بمستشفى الرازي
واذا قالو لج انه ما يحتاج لعمليه وان اللي محتاجه ان اليد تربطينها استخدمي هاذي الوصفه واهي مجربه وتنفع باذن الله 100%
تخلطين ملعقتين حلبه مطحونه مع صفار بيضه وشوي ملح وتعجنينهم وتتستخدمينها مثل اللبخه على ايده لمده 3 ايام وباذن الله تشفي
ولا تنسين تبلغيني عن اللي صار وياج عسى الله يبلغج سلامته

 

[lulucaty]

الله يشافيه ياقلبى وديه عند كذى دكتور بعدها سويله هالخلطات

 

[روحـ روحه]

حبيبتتي الحلبه والجلاتين لجبر الكسر

 

[شندوخه]

كلام غصون صح
ديري بالج تشربينه حلبه واهو ماركبت عظامه ولا تحملي اللي يصير
مابي اخرعج بس ديري بالج ووديه طبيب مختص بالعظام حاولي تودينه مستشفى شيخان الفارسي بالصباح مختصين بالعظام وعندهم اطبا اطفال

 

[حرم الحوت]

مشكوووووووووووووووووووووووووووووووووووووووووووووووووووووووووووووووووووووورين كلم ياحبيباتى على الرد

 

[ii DareeN ii]

مايشوف شر الصغير التنيب بدار الشفا وايد شاطر وعندج المكيمي في العضام زين وايد وديري بالج بروحج تسوين شي حق لصغير وعقبها اييب نتايج عكسيه العظام مو لعبه

 

[موت الحمر]

سلامته و ما يشوف شر انا من رايي وديه طبيب ثاني و تأكدي و اذا طلع نفس الكلام مالج شغل بالطب الشعبي الولد وصل لمرحلة خطرة انا اسفة لهالكلمة بس انا ابي انبهج انج ما تتعاملين معاه لانه ممكن تضرينه و انتي ما تدرين خليه مع الاطبا و اهما يعرفون له بس اللي عليج تاخذينه لأحسن طبيب عظام قبل لا تتفاقم المشكلة



و ما يشوف شر و شدة و تزول ان شاء الله

 

[*سكون*]

ما يشوف شر ان شا الله وطمنينا عليه

 

[Gadeer2Gadeer]

مايشوف شر ديري بالج عليه وعليج بالحلبه مع حليب الطازج فوحيهم مع بعض وحده بوحده
ولاتنسين تدعين له

 

[nayswman]

سلامت ولدج يارب
بس غريبه أحس إن الدكتور كبر الموضوع وااايد
يعني يبيج تربطيله إييده أو عمليه
ما أعتقد
ترى على فكرة الوضع جدا عادي
آنا بنتي إنخلعت إيدها مرتين
أول مرة وديتها مستشفى النفط إلي بالأحمدي وكان دكتور طوارئ وردلها إيييدها وقالي عادي لأنها طفله ولين ألحين عضمها لين
وثاني مرة وديتها المستوصف حولني على الرازي وركبلها إيدها وسولها أشعه وهم قالي عاااادي لأن عضمها لين

ومثل الشي في بنت إختي دااايما تنخلع إييدها وترد تركبها بنفس اليوم
وهم قالولها الوضع طبيعي وجسمها مرن وبالعكس مرة الطبيبه إنصحتها تشركا بالبالييه لأنه عضمها مرن ويساعدها على رقص البالييه

ونفس الشي ولد إختي صارتله مرة بس، وودته وهم عااادي ركبوله إييده وردت

بس إنتي غريبه لين ألحين مخلوعه وما ركبوها


آنا رايي تاخذيله تحويل حج مستشفى الرازي من المستوصف وإهناك إنشالله يطمنونج

وسلامته

 

[nayswman]

ونسيت أقولج
ألحين بنتي وبنت إختي وولد إختي الثانيه كبروا ماشالله
ومافيهم إلا العافيه
والفال لولدج

 

[حرم الحوت]

حبيباتى مشكوووووووووووورين وايد وانا سمعت نصيحة اختنا راسى مرفوع وطمنى الدكتور اللى بالهادى وقالى ما فيه اى شئ وتسلمووووووووووووووووووووووووووووووون

 

[mnoo33]

نصيحة

المكيمي لا تجينة انا اروح دايم عيادتة و لا احد صاحي .....
بعدين انتي ولدج خلع مو كسر بسم الله علية ....

روحي لا ابو مرزوق العتيبي قدام صناعية الفحيحيل ... كل اللي عالجهم يطيبون ...

 

[عروسه الكويت]

اختي مابي اخرعج بس والله دكتور احنف شاطر حييييييييل
اعرف وحده قالها ما يحتاج عملية وقالها الاعلاج شنو المفروض يكون
ما اسمعت كلامه قالت ماعنده سالفه سوولها عملية ومادري شنو خسروا فيها وبالنهايه كلامه اهو الصح
ترا اهوا واااااااااااايد شاطر

 

[برونزيه نعومه كتكوته]

سمعي كلام دكتور احنف ارناؤوط لا اله الا الله مو طبيعي هالدكتور
مسوي عمليا معظم اهلنا اللي عندهم مشاكل بالعظام
و اخر عمليه سوا عمليه ماما عوده و كانت صعبه لانها نحت فقرات الظهر و اهيا مره كبيره عمرها 85
مشالله مثل الورده صارت
دكتور احنف ارناؤوط في دار الشفا ثقه و مو كل مره تحصلينه لان يسافر مؤتمرات طبيه بفرنسا