لحقواا على متوهقه بأكل عيالى

[@ دهن العود @]

السلام عليكم









خواتى انا ام بجريه وما اعرف شنو وشلون ااكل عيالى :eh_s(16):

انا ارضعهم صناعى وابتديت اعطيهم سيريلاك ارز مره وحده باليوم ياكلونه بالقفشه وخليت هالوجبه على وقت المغرب او العشاء علشان يشبعون ونامون >> اى زيييييييييييييييييييييين انامون :eh_s(16): وطول اليوم على الحليب


والحين بدخل لهم الخضار المسلوق بسويه بالبيت او اشتريه جاهز افكر >> ترا اختى تأكله عيالها وماشاءالله مافيهم الا العافيه وصحتهم زييييييييييييينه ماشاءالله

المهم ابى وحده تسوى لى جدول امشى عليه لانى والله غشيمه بالامور هذى

يعنى مثلا انا لما اعطيهم السريلاك لغيت لهم وجبة حليب وحده يعنى انا ارضع عيالى كل 3 ساعات وخليت السيريلاك بدل وجبة الحليب

يعنى اذا اكلتهم السريلاك بعد 3 ساعات اعطيهم رضعه صح وله غلط؟؟؟؟؟

ولما اعطيهم وجبة الخضار بعد اسوى نفس الشى اعطيهم حليب بعد 3 ساعات ؟؟؟

وصير اعطيهم الخضار الظهر او العصر والسريلاك بالليل عشا ؟؟؟

ياااااااااااااااااااربى والله محتاره ومو عارفه شسوى

بلييييييييييييييييييييز بنات ابى وحده تساعدنى وتشرح لى بالتفصيل

انا سويت بحث بالمنتدى بس اكثر المواضيع بدون شرح

يعنى مثلا اللى تقول عطى البيبى سريلاك مع حليب >> اشلون الطريقه ؟؟؟ وبالمميه وله بالقفشه ؟؟؟

واللى تقول عصير مخفف شلون يعنى ؟؟؟ اشترى مثلا عصير كى دى دى واخلط معاه ماى ؟؟؟؟

واللى تقول زبادى فواكه اى نوع افضل ؟؟؟

ولى متى وانا اعطيهم مهروس وعصير مخفف وسريلاك ؟؟؟؟

لو سمحتوا بنات اللى بتساعدنى ابيها تشرح لى بالتفصيييييييييييييييييييييييييييل لانى راح احفظ الموضوع عندى واخليه مرجع لى ​

 

[@ دهن العود @]

:0bee2e8d89::0bee2e8d89:

 

[ام ريان3]

up up
اي والله فيدونا

 

[غيـ الناس ـر]

انا بقولج المعلومات اللي عندي قايل لي اياها الطبيب ..

اول شي تبلشين بالاكل مع الياهل شي يعون عيش مثل سيريلاك او ميلوبا ميلوريس يصير سيريال ينخلص مع حليب او ماي ..

هذا ٥ ايام يكون وجبة ريوق ..

وبعدين تبلشين تدخلين وجبه ثانيه وهي الغدا يكون خضار .. كل ٥ ايام تضيفين صنف يديد .. يعني اول ٥ ايام عطيه جزر بروحه مسلوق ومطحون وبعدين عطيه جزر وكوسا وبعدين جزر وكوسا وقرع وكل انواع الخضار جربيها مع عيش مصري عشان تعرفين شنو الاصناف اللي تسبب له حساسيه ..

وتبلشين توكلين ولدج من ٤ شهور .. لما يكمل ٦ تدخلين الدياي واللحم بس اول شي الدياي اسبوعين وعقب اللحم ..هذا لوجبة الغدا

ولما يكمل ٦ بعد تبدين تدخلين الفواكه .. المسموحه بهالعمر العنب والتفاح والعرموط .. ونفس الشي نوع كل ٥ ايام عشان تعرفين شنو يسبب له حساسيه .. وافضل تسلقين العرموط والتفاح لان هضمه يصير اسهل للطفل ..

وتقدرين تعطينه روب مع وجبة الغدا .. او تسوين له روب فواكه بالبيت روبه عاديه وتطحنين معاها فاكهه .. لما كمل ولدي ٧ شهور الطبيب قالي دخلي الكرز والكوجا والمشمش فقمت اسويله هالاصناف مع روب عادي لان روب الفواكه بالجمعيه مواده الحافظه وايده

والعصير مو عصير كي دي دي لا . . انتي سوي عصير بالبيت وخففيه بماي

وسلامتج ان شالله اكون فدتج

 

[@حوريه86@]

اب لعيونج

 

[^noonaa^]

خوش موضوع وانا بعد بعرف

ومتى ابدي اوكلهم؟ وشلون ابدي وياهم ماتلوع جبدهم؟

ومشكوره صاحبه الموضوع

 

[Om JooD]

رد : لحقواا على متوهقه بأكل عيالى

حلو الموضوع

واب لعيونج

 

[ديانا سبنسر]

اب لعيونج

 

[@ دهن العود @]

غير الناس مشكووووووووووور حبيبتى

وكل البنات اللى ارفعوا الموضوع يعطيكم العافيه

يالله وين اللى بفيدونا

 

[@ دهن العود @]

uuuppp

 

[@ دهن العود @]

uuuppp

 

[*ماي الورد*]

اللي قاعدة تسوينه صح حبيبني الاكل يصير مكان وجبة الحليب
خلج على اكل البيت اضمن و خري عن الاكل المصنع
لا تعطين عصير ممكن يسوي حارج للبيبي
سوي خلطة فواكه مهروسة بلشي اول شي بتفاح مهروس و بعدين ضيفي فواكه اضافية مثل عصير برتقال كمثرى و موز
سريلاك القمح يسوي حساسية و خري عنه
وافضل سن لبداية الاكل هو 6 شهور مو اربعة هذي اخر الدراسات

 

[@ دهن العود @]

انزين لى متى استمر على هالاكل؟؟؟

انا الحين اعطيهم خضار مهروس الظهر+ سيريلاك بالليل

ومفكره ادخل الفواكهه على العصر او المغرب بين الوجبات

بس مادرى متى اغير ؟؟ يعنى اقصد نوع الاكل لى متى خضار وسيريلاك بس؟؟؟

 

[ام اغلى الناس]

دهن العود شلونج يالغاليه
يا ليتج ناطره بعد اسبوعين عشان يتمون الست شهور
المهم ...
ترى اكل البيت احسن من الجمعيات الف مره ... الا ميلوبا يمدحونها ... الارز و القمح
انتي قريتي الجدول اللي عطاني اياه الدكتور فهد المخيزيم؟
موجود على هالرابط ... اقريه و طبقيه ترى حلو ..

http://www.q8yat.net/showthread.php?t=642249

و بالنسبه للفواكه ... ترى فيه العضاضه الشبك ... تجنن ... شريتها من سنتر بوينت بس طبعا للحين ما جربتها
بانطر لين يجي وقتها نفس الجدول
و اعتقد انه الاحسن نبتعد عن الروب ... عشان المواد الحافضه
احسن شي انه كل شي طبيعي من البيت
الله يخليهم لج و تشوفينهم معاريس بالكوشه

 

[@ دهن العود @]

ام اغلى الناس فديييييييت قلبج شخبارج حبيبتى

اى يا قلبى قريت موضوعج من قبل واستفدت منه

وعلى سالفة لو انى مأخره الاكل اهلى ذبحونى اكليهم اكليهم وتخيلى اخليهم عند امى واروح اتمشى وله اتسوق ارجع الاقيهم مأكلينهم قلت خلاص عيل خلينى ابدا معاهم

وبالنسبه للعضاضه عندى شاريتها من زمان بس للحين ما استخدمتها

ما قصرتى يا قلبى على الدعوه والله يخليلج عيالج يارب

 

[meen_ana]

حبووبه انا اول مابديت كنت احط قفشه سيريلاك بالحليب بعدين قمت اوكلها
واشوي اشوي زت لها الوجبات لمن تعودت تاكل

 

[ام اغلى الناس]

ام اغلى الناس فديييييييت قلبج شخبارج حبيبتى

اى يا قلبى قريت موضوعج من قبل واستفدت منه

وعلى سالفة لو انى مأخره الاكل اهلى ذبحونى اكليهم اكليهم وتخيلى اخليهم عند امى واروح اتمشى وله اتسوق ارجع الاقيهم مأكلينهم قلت خلاص عيل خلينى ابدا معاهم

وبالنسبه للعضاضه عندى شاريتها من زمان بس للحين ما استخدمتها

ما قصرتى يا قلبى على الدعوه والله يخليلج عيالج يارب

امبيه هذول نفس اهلي
يحنون يبوني اوكله وانا مو راضيه
لا و يقولون خليه يشم الاكل هههههههههههههههه
و كل شوي يحنون
مره بنت خالتي خلته يلحس كاكاو و مره حب و مره ماي من قلاص!!!!!!!!!!!!!!
قلت لها لا عاد تكررها
اصلا اذا الجاهل ذاق الحالي او المالح ما عاد راح يشرب الحليب لانه ماصخ
انتي ديري بالج لا تحطين لهم سكر او ملح او ماجي
و خلي اكل الجمعيات الجاهز للسفر
انا فكرت اشتري علب صغيره لحفظ الاكل ... عشان ان شاء الله لو بغيت اوكله واحنا برى
اكتبي لي يومياتج مع اكلهم ههههههههههههههه
هذيك المره ذوقته ايس كريم زعفران هههههه يا حياتي استانس و يلحس بلسانه
و اليوم ذوقته منجا هههههههه
بس الحسه شوي باصبعي
حدي مستعجله ودي اوكله بس بانطر

 

[@ دهن العود @]

شوفى

انا كنت مستعجله خاطرى اوكلهم بسرعه بس من كلام النت لازم 6 شهور كنت اصبر نفسى

بس اهلى معاااااارضينى يقولون لى محد مخربج الا هالنت من عمر واحنا نوكل عيالنا مبجر ماصار شى هههههههه

وتشوفينهم كل يوم مذوقينهم مره شاى ومره كاكاو ومره مرقوق حتى السمج ذوقوهم هههههههههههه

وانا اصيح عليهم ومعطينى طاااااااااااااااااااااااااااااااااااااف

عاد قلت احترمى نفسج يا مره واكليهم خلاص

وابتديت اسبوع على السريلاك وعقب سويت لهم بطاط مهروس كوجبة غدا
وعقب جزر مهروس كوجبة غدا

واليوم ابتديت اخلط اكثر من نوع والحمدلله تقبلوا الطعم

وباجر ناويه احط شووووووووووووووووووووية عيش مصرى مع الخضار واخلطهم مع بعض

وتونى شريت لهم العلب الجاهزه بس مو خضار لاااااااا خذيت تفاح قلت بدخله لهم بنص اليوم كتذوق بس

هههههههههههههههههههههههه شكلى داخله بقوه صح الله يعينهم على بتطبب فيهم ماكو شغل

 

[meen_ana]

انا اول شي بدي ويه بنتى السيريلاك ملوبا للي على رايس كانت اخر الرابع بعدين الخضورات وبعدين فواكه بعدين الحين كل شي اذوقها عادي

 

[@ دهن العود @]

انزين جم المده بين كل نوع

انا صارلى اسبوع على السريلاك وعقب اسبوع على الخضار ينفع الحين ادخل فواكهه؟؟؟