لبس روضة القطوف ومتى يداومون؟؟

[al7reyaa]

السلام عليكم
اشلونكم يا امهات ورانا ضغط هدوم المدارس واغراض المدارس واهدوم قرقيعان وعقبه العيد الله يقدرنا نخلص كل شي قبل وقته قولوا امييييييين


سجلت اعيالي بمدرسة القطوف ولا ادري متى دوامهم ولا شنو يلبسون الروضه ؟؟ اللي تعرف ممكن تساعدني

 

[al7reyaa]

اشدعوه محد اعياله بالقطوف؟؟؟

 

[toyo]

للأسف حبيبتي عيالي مو بروضة القطوف

ما اقدر افيدج

 

[al7reyaa]

شكرا لتجاوبج معانا

 

[كـلا كـلا]

سألي المدرسة نفسها
بس اتوقع القطوف دوامهم مع الحكومة

 

[al7reyaa]

كلا كلا
مشكوره

 

[meskq8]

حبوبه اللبس قميص ازرق فاتح وبنطلون كحلي للاولاد

البنات نفنوف كحلي وتحته قميص ازرق فاتح

ودوام الروضه اتوقع هالاسبوع بس انا عندي

ابتدائي فاخليهم مع بعض 8\9

 

[شمس نص الليل]

مرحبا يالغاليه

دوام الروضه 9\9 الثلاثاء

 

[al7reyaa]

مسك ..شمس نص الليل

مشكورين وماقصرتوا
رحت مريت عند المدرسه الدوام 9\9 انشالله بس ما سالت عن اللبس كانت المدرسه صاكه قالولي امهات تيشيرت بيضا وبنطرون كحلي والجوتي اي لون وله لازم اسود؟؟

 

[meskq8]

حبوبه لا توهقين قميص او تي شيرت ازرق فاتح سماوي

انا عيالي بالروضه وعارفه لبسهم

اذا تبين قمصان حلوه بالجوهره وادمز

 

[meskq8]

نسيت اقولج الجوتي وانتي بكرامه اول الايام اسود

وبعدين عادي اللي يعجبج

 

[al7reyaa]

مشكوره ما تقصرين حبيبتي

 

[al7reyaa]

الحمدلله داوموا اسمالله عليهم
العود ساكت الثاني كل يوم مهرجان الله يهديه