لا يطوفكم سيريلانكا بلاد الشاي

[الدانه7]

السلام عليكم ورحمه الله وبركاته وشلونكم ياحلوين طيبين انشاء الله انا توني راده امس من سيريلانكا وصراحه الجو كان عندهم رروووووووووووووووووووعه واكثر شي بنوراليا بارده مره المهم راح انزل موضوع عنها كامل انشاء الله تعجبكم

 

[dla3_princess]

الحمدلله على سلامتج يادانه و ناااااااطرين تقريرج مع الصور

لأن رفيجتي بتروح مع اهلها عقب اسبوع انشالله و ودها تشوف صور وتقارير ناس رايحين فبقولها عنج

جزااااااج الله خير

 

[supermarket]

الحمدلله على سلامتج

وبانتظااار تقريرج

 

[السولعية]

الحمدالله على سلامتج انا يوم الاثنين انشاءالله باروح ياليت تقولين لي احسن شي شفتيه او شريتيه لان يمكن ما الحق على موضوعج مابقى الايومين وبسافر

 

[84 Miss Chocolate]

بنااات انا باجر مسافره بس بروح كولمبو رحلة عمل انا رايحه من قبل بس ابي سوق غير اودل ضروري

 

[السولعية]

على حسب اللى خذته من النت مجمع ماجستك و محل فاشن هاوس

 

[A7la 7la]

الحمدلله عالسلامه وناطرين التقرير المصور ...!!

 

[84 Miss Chocolate]

على حسب اللى خذته من النت مجمع ماجستك و محل فاشن هاوس

فاشن هاوس رحتله العام و جنه المحاميييد يلوع الجبد بس ماجستيك مارحتله بروحله باذن الله انا الليله مسافره ادعولي و استودعكم الله الذي لا تضيع ودائعه .

 

[طوق البنفسج]

احنا السنه كنا ناوين عليها بس باحر لحظه غيرنا الوجهه وان شاء الله الخميس بروح اوروبا

 

[غربــــة اِحساس]

الحمد لله على سلامتكم

وناطرين التقرير *_*

 

[كل الأسامي مأخوذة ليش؟]

ناطرة التقرير حبيبتي

 

[الدانه7]

الله يسلمكم ويخليكم بس سوري على التاخير انا كتبت الموضوع بختصار لان كان بعد عندي رحله الى دبي والحين رجعت بالسلامه وبسافر لاهلي بعد بكره وان كان ربي قدرني وفضيت كتبت لكم عن سفرتي بسيرلانكا وبدبي بتفصيل الممل وكل سنه وانتو سالمين مقدما ورمضان خير وبركه على الجميع انشاء الله لانا لقاء وعوده بعد العيد

 

[84 Miss Chocolate]

الحمدالله رجعت من سيرلنكا رحت كولمبو و نزلت بفندف هيلتون كولمبو واااايد راقي و الاكل عجيييب واول مره ارووح كاندي طبيعتها حلوه بس صراحه دوله وصخه انا رايحه رحلة شغل مع ريلي يعني ما تكلفنا بالسفره صراحه ما انصح احد يدفع فلوس ويسافر لها في دول وايييد احلى .. و اسفه هذا رايي ومو اول مره اروح ولا اخر مره .

 

[الدانه7]

يا قمر اليرموك وجه نظر واحترمها بس هذي دوله فقيره بس مستحيل تلاقين نفس طبيعتها في اوروبا وحقيقه فنادقها راقيه وسكنت بفندق قالاداري روووووووووووعه بكولمبو ورجنسي بكاندي وتاج وووووووووالخ بس تصلح مع عائله كبيره لان فيها ملل بالليل وفي النهايه حلووووووووووووووووووووووه

 

[alffoozz1]

قوه قمر اليرموك
انا توني جايه من سيريلانكا بتاريخ 20/8/2008 منطقه حاره ورطوبه شوي في كولمبو والتفتيشات ازعجتنا ماتمشين شبر الا وتوقفين للتفتيش لا شنو يطلبون الجواز وين مانروح الا والجواز معانا هذا بس يومين قعدنا فيها لا مو بس هذا تعالي شوفي النفس الخايسه الي فيهم عشتو حدها سيلان بس دوله رخيصه سكنت في فندق اسيا رينز قريب جدا من كالاداري احسن واغلي سوق كبضاعه سيلانيه فخمه لا محد يدخل السوق الا الطبقه المخمليه والتجار سوق اودل هذا غير التفتيش عند الباب اما باقي اسوقه كولمبو زباله المحاميد اكشخ منه بس في محل في سوق ماجستك سيتي فوق للشنط عجيب ماركه رخيصه شلت منه وايد من الرخص محد ماقعد يسال عن هالشنطه توبه ماراح اروح لكولمبو ثانيه الا للمرور فقط هذي الرحله من 18/8/2008 بعدها للكويت اما المنطقه الاولي بتوتا حلوه بارده فندقنا اسمه اذا ماني خلطانه امانده بس عجيب كله اجانب قعدنا فيها ثلاث ايام بعدين رحنا كاندي عجيبه سكنا في مهوالي سوقهم حلوا طولنا فيها بعدها رحنا نوراليا هذي جنة الله في الارض عجيبه ما اقدر اوصفها من شلالات او الارض الخضراء او الجو او المطر او الغيوم راح اطول عليكم سكنا في فندق مادري شنو fallas هذا اذا مامريتي عليه ولا كانكي رحتي سيلان

 

[Miss Golden]

ماشاءالله وااااايد ناس اعرفهم مادحينها


الحمدالله على سلامتج و ناطرين التقرير

​

 

[dan]

الحمدلله على سلامتج

 

[الكادي 1981]

يالله ناطرييينج حبوبه لاتطولين علينا

 

[^ حـلـــــوى و رهـــــش ^]

ناطرين التقرير ..
في ناس وايد يحبووونها ..
بعدين بنات .. السفــر له ذوووقه ..
يعني اللي ما يعجبج يمكن يعجب غيررررج ..

ناطرين تقريرج يا عسل

 

[الدانه7]

سلام يا حلوين وكل سنه وانتو سالمين اسفه على التاخير بعد الصيفيه والسفر رجعت لاهلي علشان اصوم معاهم الشهر الكريم وتوني راده علشان الدومات بس والله اشتقت لكل اللي بالمنتدى على العموم اقولكم سفرتي كيف كانت كان يوم سفرتي من مطار الملك خالد الدولي الى سيرلانكا يوم 23-7 الاربعاء وكانت الرحله مدتها من الرياض الى كولمبو خمس ساعات ونص المهم نزلنا الى المطار الا والجو كان في منتهى الروووووووووووووعه يعني اللي تعبان ويشوف المناظر الحلوه يروح عنه عناء السفر المهم روحنا لشركه سياحيه ناسيها اسها المهم كنت قاريه عنها بالمنتدى العرب المسافرون ومدحوها كثير واتفقنا معهم بسعر كان 1100 دولار يعني تقريبا 4200ريال طبعا بالسياره والسايق واخترنا المناطق والفنادق وكان اول زياره طبعا لكولمبو وسكنا بقلاداري مررررررررررره حلو ومعاملتهم حلوه للسايح ورحنا لسوق اودل لا باس فيه شوي غالي بعدين رحنا لمحل فاشن هاس يجننننننننننننن ورحنا البحر طبعا كلها في يومين لان الحياه عندهم تتوقف الساعه 7 لكن بالفندق عكس سهر وناسه بالوبي بعدين رحنا لكاندي وجلسنا فيها يوم واحد بفندق الريجنسي مرررررررررررررره خيال وللمعلوميه كان اكثر السواح من الكويت والدول الاوربيه وزرنا فيها مزرعه البهارات وحديقه الفيله صراحه متعه وانتي تركبين الفيل تحسين انك فوق والعالم تحتك وبعدها رحنا ثاني يوم الى نوراليا هاي شي عجيب غريب صدق جنه الله في ارضه جو وطبيعه خلابه وامطار سكنا بفندق قراند هوتيل وكان اكلهم مره روعه وبجنب الفندق مطعم هندي عنده برياني شي وجنب الفندق بعد حديقه يسموها نهايه العالم وزرنا بعد مزرعه الفراوله ونيوزلند فرم وتشوفين الابقار وهي ترعى خيااااااااااااااال وبعدين كنا بنروح لبنتوتا بس ربي ما كتب بعدين رجعنا الى كولمبو جلسنا 3 ايام وبعدين رجنا لديرتنا سالمين غانمين بشكل عام سيرلانكا حلوووووه وتصلح عوايل وماتصلح للي يحب التسوق لان مافيها اسواق كثيره وكمان الدوله رخيصه مره يعني كلفتنا السفره انا وزوجي تقريبا 11000 ريال شامله كل شي الت\اكر والسكن خمس نجوم والسياره والسواق والاكل بالفنادق لان ماتقدرين تاكلين برا والهدايا وفي النهايه كل واحد له وجهه نظر ولكم كل تحياتي واسفه على التاخير كان ودي انزل صور بس للاسف كلها فيديوودمتم