ياعلي وش شاف مجنون ليلى بالغرام
أشهد انه وان بِلِي بلوته ياهونها
ياعلي ليلاه وان مات فيها مستهام
تدري انه بالهوى ياعلي مجنونها
المصيبه من غدى ميتٍ له كم عام
عشقته ماتدري انه قتيل عيونها
قرهدت نفسه عليها ومرّ الكبد زام
ودوك قلبه ياعلي مزّعته طعونها
(( ياعلي والله لولا الحيا واخشى الملام
والقرابه والحيا والهوى وجفونها
لاانهبه وانحاش واجلى جنوب ديار يام
ما يردن لو وقف جيش هتلر دونها ))
ياعلي راع الهوى بالهوى لاضيم شام
مايرده طول بيبانها وحصونها
وان غوى راع الهوى في هواها مايلام
لااجتمع غبن الزمن ياعلي وغبونها
ياعلي هي منوة اللي تمنى والمرام
لعن ابو حظٍ قصر ياعلي من دونها
أسمع الرعاد واخيل براق الغمام
بس مادري ياعلي وين وبل مزونها
ويا علي والله فلا اسلى هواها لاحرام
لو يلوح الشيب في لحيتي وقرونها
وخذ وصاتي ياعلي وصلّه بنت الحشام
ذي وصاتي كان غيري غدى مظنونها
لا شرت ثوب الفرح تشتري لي باع خام
يدفنوني ليلة العرس ويزفونها
أشهد انه وان بِلِي بلوته ياهونها
ياعلي ليلاه وان مات فيها مستهام
تدري انه بالهوى ياعلي مجنونها
المصيبه من غدى ميتٍ له كم عام
عشقته ماتدري انه قتيل عيونها
قرهدت نفسه عليها ومرّ الكبد زام
ودوك قلبه ياعلي مزّعته طعونها
(( ياعلي والله لولا الحيا واخشى الملام
والقرابه والحيا والهوى وجفونها
لاانهبه وانحاش واجلى جنوب ديار يام
ما يردن لو وقف جيش هتلر دونها ))
ياعلي راع الهوى بالهوى لاضيم شام
مايرده طول بيبانها وحصونها
وان غوى راع الهوى في هواها مايلام
لااجتمع غبن الزمن ياعلي وغبونها
ياعلي هي منوة اللي تمنى والمرام
لعن ابو حظٍ قصر ياعلي من دونها
أسمع الرعاد واخيل براق الغمام
بس مادري ياعلي وين وبل مزونها
ويا علي والله فلا اسلى هواها لاحرام
لو يلوح الشيب في لحيتي وقرونها
وخذ وصاتي ياعلي وصلّه بنت الحشام
ذي وصاتي كان غيري غدى مظنونها
لا شرت ثوب الفرح تشتري لي باع خام
يدفنوني ليلة العرس ويزفونها
