لا جديد هم يخمبق من وراي ...

[ام عبودي1]

:eh_s(16):

الموضوع حاله حال اغلب مواضيع هالقسم
الريل والخيانه او يلعب بذيله ليش زين وانت ماخذلك بنت حموله وطيبه وصاينه بيتك ليش تحب تخمبق
والله مايجوز ماترضاها لنفسك لاترضاه لمرتك بعد ,,

بدخل بالموضوع شفت بتلفون ريلي مسج من رفيجه المسافر مع وحده يعرفها ماحط بذمتي هي كويتيه او لأ
المهم ان رفيجه يمدح الديسكو اللي هم فيه ويحر ريلي ورد عليه زوجي العزيز ان عازمهم لنزل المعاش بسفره لمصر ثلاثتهم

انا هنيه اخذلج الشقه صراخ وتسفل بلا مقدمات ماتحملت كلش وهو الله لايوريكم مايدري شيسوي هوشه ونزلت ملابسي من الكبت ونجره واسب والعن برفيجه ,,المهم قام وقلب السالفه علي ليش تفتشين بتلفون وزعل وطلع من البيت وقفله علي ...

لما رد بعد 4 ساعات قام يتاسف وحب راسي وحقج علي وانا غلطان وان رفيجي هو اللي يجرني للسوالف هذه واني لو ابي هالخرابيط جان سافرت معاهم و..... و....... الى ماله نهايه قلت اوعدني تتركه وماتعيدها واني من كيفي بطوف هالمره
وعدا اليوم بهدوء من باجر لا والله الاخ زعلان ليش تفتشين يقول حريتيني ؟؟والله شكيت بنفسي يعني اطلع انا الغلطانه .؟؟

شكلي فريت راسكم معاي هو راضاني وزعل شكله يبيني اراضيه انتوا شرايكم اراضيه والا يستاهل لاني مطنشته حتى الاكل اكل بروحي كيفه حرتي مابرددت ,,,,,
انتوا شرايكم ابي اللي مجربه زعل الريل تتفاعل معاي ؟؟
:nbptr:

​

 

[الشهد كله]

حبيبتي انتي أبخص بريلج !!!!!

يعني في رياييل إذا راضيتيه يحسب إن انتي مزعلته من صج وتمشي السالفة

وفي رياييل يرضون عادي بس يسوي اللي براسه ( السفر )

في رياييل يركبون راسهم وما يرضون براحه

آنا أقول انتي طنشي شكله ينطر المعاش عشان يسافر ولا تراضينه ولا شي سولفي وياه عادي كأن شيئاً لم يكن​

 

[محبوبه25]

رد : لا جديد هم يخمبق من وراي ...

مادري والله يا قلبي
بس اهوا الغلطان
دايما الريال يحاول يطلع زوجته غلطانه

 

[غزلاان]

لاااا تعتذرين انتي ماغلطتي قولي صدفه انا مو نظامي اتجسس من وراك وانا واثقه فيك لكن

حسيت بتصرفاتك في شي غريب واحساسي طلع بمحله

قوليله انت كبير بعيني وطول عمرك بتظل كبير مدامك تصونني وتخاف الله فيني

لكن ان طحت من عيني والله مايردك لعيني شي وخل هالكلام ببالك ولاتنساااه

هالمره انا مسامحتك على نيتك لكن ان صارت فعل ماراح تلقاني عندك وخل ينفعك رفيجك ورفيجته ال.....

وانتي عادي خليج مثل قبل واحسن ..دلعيه وونسيه عشان يحس ان هالشي حلوو وبيندم اذا فقده

وعسى الله يسخره لج ياقلبي

 

[مجنونه خالد]

الله يسخره لك
نفس زوجي ييزعلني ويقلب السالفه علي هذا طبع الرجاجيل كلهم ياقلبي مايحب يعترف بخطاه ولما يراضيني يقول ماتأسفتي مني
اعتذري منه وبيني له انه موقصدك تفتيش رتبيها انتي عاد علشان مايخذ عنك صفه شينه وخليه يوعدك انه يترك زميله ويتغير وانك المره الثانيه ماراح تعدينها له بس هالمره لغلاته بقلبك

 

[الأميرة جوري]

رد : لا جديد هم يخمبق من وراي ...

الله يهديكم يارب

 

[هنـــــد]

رد : لا جديد هم يخمبق من وراي ...




انتي مو غلطانه شكو تراضينه ؟
خليه على زعله وكافي اعتذرلج اهو .. وتحجي معاه عادي
وكأن ماصار شي وكأنه مو زعلان .. بس ديري بالج تراضينه وربي بعدها بيدوسج
الرجاجيل يخافون من المره القويه مو الخقاقه اللي تراكض وتراضي وتبوس الايادي ع الصغيرة والكبيرة
عطيه حقران كبر أمس واليوم .. وشوفي اذا مارجع طبيعي ،

 

[om MaRyooM]

عادي مافي مشكلة اذا كلمتيه


بس مو على طريقة اعتذار ومراظاة ... في فرق لما تيين تعتذرين وهالشي غلط لأن مو انتي اللي مزعلته وفي فرق لما تروحيله وتكلمينه كزوجة تحب زوجها وتحبله الخير وماتبي المشاكل والنجرة اللي مالها داعي

وعلى فكرة .. كل الرياييل اذا غلطو يطلعون المرة اهي الغلطانة مادري شسالفتهم

فالحل .. بوجهة نظري (لأن صار معاي جذي مواقف وبالنهاية اكتشفت اني كنت احر نفسي واهوا ولاااهامه) .. اروح واحاجيه اقوله ترا اللي صار غلط وانا ماأرظاها عليك .. ومثل ماتحبني اتعامل معاك بوفا واخلاص من جدامك ووراك انا بعد من حقي اطالبك بهالشي

وتذكر ان اللي يصون نفسه بيته بيكون مصان بعد .. وانا احبك بس مشاعر المرة موبيدها ومن هالحجي الحلو وتبينيله وجهة نظرج

وبالنهاية اذا تحجيتي انتي اللي بتكسبين . .لأن اذا تميتي جذي ابشرج اول شي مارح ايي يراظيج وبتزيدين الطين بلة ورح يطفش واحتمال يلاقيله عذر يسافر بعد


وعسى الله يسخره لج ويهدي بالكم

 

[محبوبه25]

رد : رد: لا جديد هم يخمبق من وراي ...

عادي مافي مشكلة اذا كلمتيه


بس مو على طريقة اعتذار ومراظاة ... في فرق لما تيين تعتذرين وهالشي غلط لأن مو انتي اللي مزعلته وفي فرق لما تروحيله وتكلمينه كزوجة تحب زوجها وتحبله الخير وماتبي المشاكل والنجرة اللي مالها داعي

وعلى فكرة .. كل الرياييل اذا غلطو يطلعون المرة اهي الغلطانة مادري شسالفتهم

فالحل .. بوجهة نظري (لأن صار معاي جذي مواقف وبالنهاية اكتشفت اني كنت احر نفسي واهوا ولاااهامه) .. اروح واحاجيه اقوله ترا اللي صار غلط وانا ماأرظاها عليك .. ومثل ماتحبني اتعامل معاك بوفا واخلاص من جدامك ووراك انا بعد من حقي اطالبك بهالشي

وتذكر ان اللي يصون نفسه بيته بيكون مصان بعد .. وانا احبك بس مشاعر المرة موبيدها ومن هالحجي الحلو وتبينيله وجهة نظرج

وبالنهاية اذا تحجيتي انتي اللي بتكسبين . .لأن اذا تميتي جذي ابشرج اول شي مارح ايي يراظيج وبتزيدين الطين بلة ورح يطفش واحتمال يلاقيله عذر يسافر بعد


وعسى الله يسخره لج ويهدي بالكم

خوش حل

 

[LoloBlueStyle]

خاف اذا تراضينه يقوول لج
ما ارضى الا لما تخليني اساافر










خلييييييه على زعله

بس كلميه عادي


وقبل كل هذا انتي ابخص بريلج






الله يصلح مابينكم

 

[احلى ـآ وحده]

خليه على زعله اهو الغلطان لا يتمادى صدقيني وبيرضى منه نفسه

الله يهديه ويسخركم لبعض

 

[ضايعة بدنيتي]

رد : لا جديد هم يخمبق من وراي ...



ياربي مادري شفيهم هالرجاجيل

الله يهديه لك حبيبتي ويهدي سركم ويسخره لك يارب . وام مريوم وغزلان ما قصروا كلامهم عين العقل . وسرعي بالتنفيذ حبيبتي عشان ما يصير الشي عادي .

الله يعينك ويهنيك

 

[rehamq8]

كلميه عادي بس لا تعتذرين وتقولين أنج غلطانه بالعكس بينيله بكلامج انج بتسامحينه هالمره ويامعوده هذا ماسوا شي يعني لا أفلام نفس ريلي ولا بنات وشقق نفس الباجي
بس بصراحه منو تقدر تقول حق زوجها لاتكلم هذا ولا ترافج هذا برد عليج ويقول لج انا ريال ومو انتي بتعلميني من أرافج ومنو اكبم يعني من تجاربي تشرطي بالامور غلي فعلا تقدرين عليها
والله يهديلج زوجج ويهديلي زوجي
والله مالنا غنى عنهم ولويدرون شكثر نحبهم ونبيهم جان والله ذهب الدنيا ما يساوينا
عاد اتصدقين كنت من فتره رايحه بيروت مع زوجي وبالطياره معانا شباب اثنين كويتيين اهبلون وايد احلى من الثاني ومعاهم وحده والله الفلبينيه أحلى منها متينه حيل وجيييييكره وشعرها مدهن مو كويتيه لأن كان معاها بالمطار وحده تسلم عليها نفس نمونتها وكلامهم كلش مو كويتي وطبعا مو زوجت ولا واحد لأن كان كل واحد يوي جوازه بروح ولا قعدوا مع بعض بالمطار يخافون أحد يشوفهم
وبالطياره كانت قاعده يم واحد فيهم سوالف وضحك وتلمس وغيره وهناك شفتهم بدونها يتمشون والله قهر اسفرونهم ويصرفون عليهم ويعزونهم ويرزونهم على بنات الحمايل والشرف

 

[FeShinGoOo]

ظربني وبكى سبأني واشتكى ..
ريلج قاعد يلف ويدور عشان يضيع عملته ويلهيج عن الموضوع الاساسي ومسوي روحه زعلان عشان تنشغلين بهالسالفه وتنسين السالفه الاساسيه
لازم توقفينه عند حده

 

[Dancing^Queen]

رد : لا جديد هم يخمبق من وراي ...

اايد ام مريومه برايها

اختي
الله يهدي ريلج لج

ومثل ماقلتي اهو يبج تراضينه مثل ماراضاج ويبج ماتجيسين تلفونه بالمستقبل

انصحج
تعاملي عادي مع الموضوع وكلميه عادي وان قالج مطنقر او زعلان ليش مسكتي تلفوني
قلوليه تلومني لي شكيت انا مسكته لان قلبي مو مرتاح وحاسه في شي وياليتني ماجسته ولاشفت اصلا شكي طلعلها مبرر
وجذبنييييييييييي ياليتني كنت جذابه واذا بتسويها زعله انا اللي ازعل مو انت
اوكي
انا اقاعده احاول اني اطوف الموضوع برضاي
واشتري بيتي
تبيني اخلي الموضوع مثل ماتبي واقعدلك علي الحرف والنقطه ماعندي مانع
بيطوف صدقيني

 

[ام عبودي1]

والله ماقصرتوا عسى الله مايقصر باعماركم ...

مدري احترت ان كلمته بقول ايه جبت راسه ان طنشت بياخذ المعاش ويهج والله محتاره

بس والله ان سافر ما اقعد له هو من باجر توة يستوعب انه زعلان غثني والله حتى الحين كاهو بالبيت كلن ساكت الا صوت الخدامه ووليدي
لووووووووول .
نصكم يقول كلميه وبعضكم مايأيد اني اكلمه احترت اكثر بس جني بقتنع ياكلام هند يا ام مريوم ...

والله محتاره لاتخلوني بنات محتاجه لكم ...وانا شاريه بيتي ماابي اهده عشان ربع السوء الله يصلحهم .