لا تلوموني وساعدوني بليييز

[قلوس وردي]

السلام عليكم
بنات بقولكم سالفة اختي الله يسلمكم
اختي متزوجة من 7شهور وللحين ما حملت
ادري بتقولون تو الناس بس للمشكله انها تزوجت
مع حماها بنفس الليلة ومرت حماها حملت
بسرعة الله يهنيها
عاد تعرفون حمولتها قاموا يقطون حجي
المهم هي دورتها من قبل الزواج متلخبطه وتاخر
حيل والحين هي تقول ما اقدر اقول لزوجي
براجع لانه هو ما فاتحها بالموضوع وهي ماتبيه
يفكر بهالشي من الحين!!
الحين بسالكم هل سالفة. الدوره طبيعية
وهل لها علاقة بتاخر الحمل؟؟
بلييييز ساعدوا اختي الله يجزاكم خير
سوري على الاطاله

 

[قلبي خالد]

ممكن خل تروح معاج او مع امها جيك عشان ترتاح نفسيا موشرط تقول حق ريلها ترى النفسيه تلعب دور *

 

[الزيـــــ^^ـــــن]

حبيبتي اذا دورتها تقدم هذا شي زين تبي تلقط
واذا تتأخر لا خل تروح تفحص وتاخذ امج موشرط تقول لزوجها
لان كل ماتأخرت الدوره يكون ضعف في المبايض. وان شاءالله مافيها الا العافيه

 

[أم^_^ عبدالله]

انا من رايي تعيش حياتها ولا تسمع حجي اللي يغثها ترا النفسيه تلعب دور واذا تبي تجيك خل تراجع بس خل يكون زوجها بالصوره معاها على الاقل تقوله بسوي تحاليل احس ان الدوره عندي متخربطه بس ولا يصير هذا هاجسها قوليلها استانسي وان شاء الله ما تمر هالسنه الا واهي داشه عليكم تبشركم بحملها ,,, واذا تأخرت اكثر خل تراجع اهي وزوجها يمكن يكون الزوج في شي

 

[ام دليار]

تروح على الدكتور يمكن شغلة بسيطه والله يرزقها

 

[&هند&]

حبيبتي خل تراجع عشان تطمن واما سالفت تلخبط الدوره عادي انا حملت واجهضت وكانت دورتي متلخبطة ،،،،،

 

[الريشة]

خل تقول حق زوجها إنها تبي تروح الطبيب ما فيها شيء..... و تقول له أبي أتطمن.
يمكن إذا راحت من وراه و بعدين درى ، راح يعصب عليها.