أم منيـرة
New member
الســلام عليـّكم ورحمـة الله وبركـاته ،
..
..
..
أول مـره أكتب موضوع في هالقسـم ،
مــدخـــــل :
{ .. علمني كيف تموت الدمعة في الاحداق
علمني كيف يموت الحب وتنتحر الاشواق ..}
{ .. علمني كيف تموت الدمعة في الاحداق
علمني كيف يموت الحب وتنتحر الاشواق ..}
والفكـره مقتبسـه لكنها بصيـاغتي ،
ومـا حدّني أكتب هالمـوضوع ،
الا لما شفت البنات بعيـوني الي يعـانون هالمشكـله ..
سواء كان احتكـاكي فيهم بمجـال الدراسـه أو بـ النت ..!
وطبعـا قسم المشـاكل الإجتماعيه ، امتلـى بمثل هالنـوع ..!
متسائلين شنو نـوع المشكلة ..؟ ووش هـي ..؟
إللي تكلـم واحد وتقـول يحبنـي ، ومن تفتـح له موضوع الـزواج ، قلب عليها 180 درجـه ..!
من بحثـي ف النت ان هذول طلعو من فئـة أحبج أي ، لكن أتـزوجج لاء ومية الف لاء ..
ما بقـى الا هالـنوعية تتكلم عن الحـب ،
الحـب معنـى سـامي ، ما هـو بالكـلام ، بالفعـل ،
إن كنت أنا احبـك أروح من باب البيت مو من الـدرايش ..
يعني شوفو الحـب الطاهر العفيف قبل ..
وقـصص كلكم تعرفونها وسمعتـو فيهـا مثل :
( عنتر و عبلة )وَ ( جميل بثينه ) وَ ( قيس ليلى ) وَ ( قيس لبنى ).........الخ .
انا من خـلال هالمـوضوع ماني ضـد الحـُب ، بل ضـد الي " يغـلطون ويسلكـون الحرام " ويبـررون أفعالهـم الـ....... إنها حـُب ..
بقـولكم قصـة ،
في وحـدة كانت تحـب واحد ، وهو يقـول إنه يحبـها مع ان انا اشوف العكس ، لو انه يحبها ما كان يقولها هالكلام ،
كانت تقوله وش تـاليتنا بنتـزوج ولالا ، تـدرون شنو رد عليهـا ..؟؟!
قالها انتي حبيبتي وهذيك زوجتـي ..!!!!!!!!
لا ويقـولها اذا تـزوجتي أكيد انك ماراح تتركينـي ..
ماشالله ، لهالدرجه تحبهـا .. طيب دامك ما تبيها تتركك ليه ماخذيتها ..؟!
وإللي يقهر انها مع كل هذا كانت مستمره معاه وتحبه ..؟!
يعني قلنا المـرأه تفكـر بعاطفتهـا ، لكن هم يكون لج عقـل يفكـر باللي قدامه .. هل هو يستغلـج ويستغل ضعفج وحبـج له ولا انسـان شـاريج ويبيج بالحـلال ..!
وهالشبـاب أغلبهم ما يعرفون معنـى الحـب ، (الحب) كلمه كبيره
استغلتها الذئاب البشريه في هز عواطف البنات وستدراجهن وراء ملذاتهم الجنسيه فقط ..
ومثـل ما قـالوا يجعلـون لخطاياهم برواز جميـل أسمه الحـُب ..!
يعني الخلاصـه ، ما صار بقلبهم ذرة رحمـه ، بس ياخذون الي يبون من البنت وعقب ينسـونها ..!
ولا كأنه في يوم من الأيام عطاها وعـود زايفـه بالحـُب ، والبنت تتأمـل وتحلـم كل يوم ،
طيب مو حرام ، تكسـر بقلب انسـانه حبتــك وبنت آمالها عليـك وتتخلـى عنهـا ..
ومن آخر كلام النبي صلى الله عليه وسـلم .. قبل وفاته
" استوصوا بالنساء خيراً " ..
وحرام عليك أن تتركها تتزوج من رجل آخر
وتظل مشغولة بك
أو تجعلها تقارن طوال حياتها ..
هذا ليس من الرحمة .. رفقاً بالنساء
مـوضوع جـريء ، ما طرحتـه الا لأني لاحظـت ان هالمشكلـه كل مالها في إزدياد وتفـاقهم ،
والبنات غافلين ..
والحيـن دوركـم يا بنـات ،
تخيـّلي معـاي إنج ولـد وقـادر وعـاقل ..
وجـاوبي معاي على هالأسئـله :-
1) هل راح تتـزوج من عرفتها وحبيتها ، وعرفت أخلاقها ..؟
2) هل راح ترتبط بمن عرفتها ..؟
3) بغض النظر عن طريقة تعارفكما
وبغض النظر أيضاً عن أساس نيتك
التي من أجلها تعرفت عليها
إن كانت للتسلية أولا .. ؟
أم هل ستتركها وتبتعد عنها لتبحث لك عن زوجة
أخرى غير التي أحبتك
ورسمتك في خيالها وواقعها فارساً لأحلامها .. ؟
إن كان كذلك فلم تعرفت عليها .. ؟ :eh_s(14):
،
مخــرج :
{ .. أمـانه إن جيـت في بـالك ..
تطمـن قلبي عن حـآلك ، على الـذكرى أنا عـايش ..}
{ .. أمـانه إن جيـت في بـالك ..
تطمـن قلبي عن حـآلك ، على الـذكرى أنا عـايش ..}
بإنتظـاركم ،
