السلام عليكم يالسهاراا :eh_s(9):
صبحكم الله بحبايبكم :eh_s(22): عاد اللي حبيبه غثيث يصطفلوووو
ابيات للشاعر جار الله السهلي
اللي مثلك يا حبيبي ما يلام . . . . . قوم وانسى الدمع وانساني معه
لا تحياتي الليل ودعني ونام . . . . . السهر ماهو بضيق الا سعه
خلني مابين كذبك والغرام . . . . . بنثره واخر طموحي اجمعه
بك ختمت الحب يا مسك الختام . . . . . واحفظ اغلى بيت وانسى مطلعه
شاعرك لاشح صوته بالكلام . . . . . ناظر عيونه كلامه تسمعه
ما ورى هاك الطعون الا الخصام . . . . . وماورى وصلك وقربك منفعه
عدني ماكنت وانساني مدام . . . . . الفراق اصبح جهاتي الاربعه
خابرك حساس وتخاف الزحام . . . . . خاف قلب(ن) به هموم مجمعه
اعتقه لله واتركه بسلام . . . . . ما بقابه عرق تقدر تقطعه
ضامي واطرد سرابك نصف عام . . . . . حالتي حاله واجامل واتبعه
كل ماطاح الامل شلته وقام . . . . . لين طحت ومالقى من يرفعه
غلطتي كنت انتظر منك اهتمام . . . . . وغلطتك بعدي ثمنها وادفعه
لا تقول البعد والفرقا حرام . . . . . الحرام اعطيك عمر تضيعه
